NGONGUT 7:14 - PIPÏLIA

¹⁴ Olenchan, “Monkïtönye echotyon, nyi nyo inkït.” Kïlenchanïn, “Pïchï chay kiwer kiwongunöt nyo ngwan. Kimwata chane sïrokökwa kisön pö Wawa Kech kïrelachitu.

NGONGUT 7:14 Referans Kwoze

1 YOANA 1:7

Wölo ato kïpestecha ompö löpoyïn le wölini mi nyinte löpoyïn, kesïkecha achane ghömïchö kwenunyo akïmwötwecha ngokï löwïr kisönko Yeso, Werïnyi.

NGONGUT 22:14

Soyönote pich lapay cho mwötöy sïrokökwa, ompöwölo tïng chane chömchin nyo omöy okinto ket pö söpon akïlïtöy kanasyan kuweröy kukotichi.

EPRANIA 13:12

Nka nyoni kïyoni kigh Yeso tïkwïl kikinyaril nyinte ompö sanypa kanasyan atökumï kuwunö pich ngokikwa ompö kisönkachi kegh.

NGONGUT 1:5

nko cho pkono Yeso Kristo, söwin nyo ghanate nyo pö tagh kututunö ngwen akï nyinte nyo pöytoy pöytoghi ngwïny kïmïkul. Chömecha nyinte akutyakecha ompö meghenyi kengetunenö rötut pö ngokicho

NGONGUT 12:11

Kirïnta tupchenicho nyinte ompö kisön pö Wawa Kech nko ompö man nyo kisöwintönchï chane, ompöwölo kicham kïkonï kegh chane kïrkegh kutupuy kong meghat.

EPRANIA 9:14

Wowitu nyu tya tïlilyö nyo kïsïkonecha kisön pö Kristo! Nyinte nyini kikonï kegh kïlïkwï amöros nyo lïpop ompö tawu Tororöt ompö ara Mïkulögh nyo Tïlil nyo pö kokay. Wunöy kisönkachi sïkunöteto mïkulisköcha kïngetunö ighisyewut cho puryö kinyiwut atökemuka kepöghisyechinö Tororöt nyo söpöy.

ISAYA 1:18

Lentöy ECHOTYON, “Apkana kengalana tïkwïl, kïrkegh köpïröch ngokikwa lötök, kemwötöy kïrelachitu löpöt. Kïrkegh köpïröch le pentera, keghöy kïrelachitu le puto kech.

1 PETRO 1:19

wölo ompö kisön pö Kristo cho pö olyot nyo wow. Ki karkegh nyinte nko wawa kech nyo lïpop akutenate.

1 KORINTO 6:11

Kimi pich walaka ompö kwenunkwa cho kighöy le pïchoni. Wölo kikemwatakwa ye aketïlilokwa akelinyokwa nko Tororöt ompö kaynata Echotyon Yeso Kristo* nko ompö ara Mïkulöwu Tororötïnyo.

NGONGUT 5:9

Kïtum chane tum nyo rel kïlentöy, “Mïchininyi chenge kitapï atemuta, apït möcheywechoni kikïngostö. Ompöwölo kikïparinyi, aipchinyi Tororöt pich ompö meghengu, pich cho kipkana punton kïmïkul, nko kutïw löwïr nko pich löwïr nko cho pö koros tïkwïl.

MATAYO 24:21

Ompöwölo yetu osiswechoni ghöyïn kïtïl anka tïkwïl kïngeta otini kikïtowï ngwïny ntökïtenö nyete le ye amelö tökungwïnöy anka ngat.

SAKARIA 13:1

Lentöy ECHOTYON Kimuktoghin, “Kïyotyini asisoni kompö pögh pipö ara pöytoghin Daudi nko pipö Yerusalem nyo mwötöy ngokï nko sïmnyontengwa.

YOANA 16:33

Kanyaghan omwowokwa ngalechete atamukakwa osïkenö orinyan kalya. Onyorunekwa nyarïl ompö ngwïny. Wölo onyökönitu! Karïntan ngwïny!”

NGONGUT 17:6

Atolapay asïwan lö kitamasa kokononi kisön pö pipö Tororöt nko kisön pö pich cho kikïpar ompöwölo kimöpïstönye kïrïp Yeso. Otini kyasïwan kokononi, atanganyan nyoman.

RUMI 5:3

Kïngörokyinecha tïkwïl kömpölelutköcho ompöwölo kinkïtöcha lö, ipu kömpölelyö mïkukönöt,

IGHISYEWUT 14:22

Kuchïchim kighönï cho kökikughan Yeso kughyö lasiny, akukil chane kïnam kighanatengwa. Kunet chane lö, “Weröy pich lapay cho ghönöy Yeso nyörilwok cho chang otete tökïsöpchot atökumï nyu kïlïtöy Pöyunöto Tororöt ompö osis cho pkonöy.”

NGONGUT 15:2

Atolapay asïwan kïgh nyo lata nanampa kiyo nyo kikikulkulyö nko ma. Asïwan tïkwïl pïchanya kirïnta tyonyanye nko körkeyïntanyi akï nyo kikïmwowunö kaynenyi ompö nampa. Kighyongo pïchoni nanampa kiyo akinömöy pïkantis cho kitö Tororöt.

NGONGUT 2:9

Onkïtön nyörilwokökwa nko chopatengu, wölo ichinyi sïkön, ankïtön ngalechoni ghach ngöloneninyi pich cho lentöy kïchï pipö Yaudi amenkacha, pö chane Onyöt!

2 TESALONIKE 1:4

Nka nyoni kïgh nyo keghecha kekwolenö kegh akwa ompö kaniseni Tororöt. Kïkwolecha kegh ompö or nyo omitekwa orïpöy ompö kighanatenkwa nyo melö wöghöko, kïrkegh nyörilwok nko kiwongunöt cho konyorukwa.

WUWÖT 37:3

Kwigh kaymoris angwan cho pö koltin akutö kelyechi kwangwan, kaymoris odeny onkuntö anka, odeny onkuntö anka.

DANIEL 7:16

Owan wölo mi akong ompö malayken cho kighyongo atoni, atolapay atepan nyinte kïngongwanïn kiporunöto ngalechoni löwïr. Kïlenyona, kïngongwanïn lö,

DANIEL 11:35

Potyot nyu pïchay ngöghomöch walaka atöketïlil pich akemwat akegh chane kïrelachitu ntökwitïta asispa söröm ompöwölo tomönye kwitïta asisini kikekïl.

DANIEL 12:1

“Ngwïnöy nyu Mikael malaykayan nyo wow nyo ripöy piköku. Itu atoni nyarïl nyo kitomönye kïmi otini kitor puntonï nko ye, wölo kisöru piköku osiswechoni, chi kïnye nyo kirumunö kaynenyi kitapu Tororöt.

MARKO 13:19

Ompöwölo itu nyarïl osiswechoni nyo tomönye kesïwa kïngeta otini kitowï Tororöt kwigh ngwïny ntökïtenö ye, amökwitunye nyaril nyo lata nyoni ngat.

NGONGUT 7:9

Kïkany kuwanta kegh, asïwan söpïch pö pich cho makïrar cho kimemukonye chi ntökuyit, kïpkana punton nko ortïn löwïr nko kutïw löwïr akughyongö tawu ngacharu paytagh nyo pö Wawa Kech, kiloköy chane sïro cho koghöch cho relach akïnömöy sostin.

AYUPU 11:16

Iwutyeghonenyi nyu nyörïlwoköku inonenyi le puseryon nyo kikuwer.