2 Asïwan malaykayan nyo awes nyo kingalan ompö kut nyo wow lö, “Ngo nyo mïchini kïngötïy möcheywechï akïyat kitapunï?”
Atolapay kïlenchanïn akong ompö poyichay, “Meloköy. Rosa! Kikïrïnta Ngötïny pö ara Yuda, kuköto Daudi, nyinte nyo muköy kïngötïyöy möcheywechay le mut nko odeny akïngany kitapunoni.”
Atolapay asïwan malaykayante anka nyo awes nyo kirökuno yïm. Kikilokyï polta nyinte akemirö kïtompïl mötïnyi. Kikarkegh tokochunyi nko asis, akilata kelyechi pchörino ma.
Asala ECHOTYON malayken cho owesöch, akwa cho orïpöy kirurutkachi, akwa cho olïmöy kini mwoghöy nyinte!
Atolapay kïcheng malaykayan nyo awes kogh nyo wow akïwirchï nanam, akïlö, “Nka nyete wölo kirultoy kanasyantanï wow pö Papilon, amelö tökesïwïyi nyinte ngat.
Atolapay asïwan ompö ewu tagh nyo pö nyinte nyini kitöpo ngacharu paytagh kitapï nyo kikikir ori nko sany akekara möchey mut nko odeny.
Kikighchï patawunyi per cho töpölol cho kïnomnyö kïyam le kogh.