NGONGUT 3:11 - PIPÏLIA

¹¹ Otunan lawel, kamana lasiny kïyoni itïngetenyi tömösarenin chi konutyengu nyo pö rïntagh.

NGONGUT 3:11 Referans Kwoze

YAKOPO 1:12

Soyönote chi nyo kömöghöy työmut, ompöwölo otini kemuyta tyomutchoni, kïnyoru nyinte söpon nyo kiyomisyï Tororöt pich cho chömöy nyinte.

NGONGUT 22:12

Kïlenchanïn Yeso ngat, “Tere! Ongwïnan lawel! Apunan ropöwechu, atotö chi anka tïkwïl kïrïp kegh nko ighisyewutkachi.

NGONGUT 2:10

Meway kïgh nyonikïny nyo mach kwipunyi nyarïl. Rosa! Työmokwa Onyötö akïtorchokwa chela, akechopokwa kong osis taman. Alïkwï cho ghönote ompö ani, kïrkegh meghe, ato konok tenta söpon.

NGONGUT 2:25

wölo inan chi lasiny kïyoni otïngetö ntökïtenö atwan.

2 TIMOTEO 4:8

Nyo köngötwanïn ye kekonön ropöwonto man, nyo konanïn Echotyon nyinte nyo le kirwokinto man ompö Asisini mïlo nyinte. Amelö nyu konanïn onkït, wölo töni tïkwïl pich lapay cho köngöy ompö chomnyogh asisini chumu nyinte.

2 TIMOTEO 2:5

Akï möminye kirïpin nyo nyoru ropöwon atomarïpnye tötut pö kirïpöt.

NGONGUT 22:20

Mwoghöy nyinte nyete söwintönchini ngalechï lö, “Owöy! Ongwïnan lawel!” Amen. Nyonö Echotyon Yeso!

NGONGUT 1:3

Soyönote chi nyo somönöy kitapunï akusoyönote pich cho lïmöy ngalechï pö werkoynön akïrïpöy lenyini kikikirchï orinyi, ompöwölo kikïlekïtit ato ighisyot ngalechï.

NGONGUT 4:10

kupïtyï poyichay le 24 tawu nyinte nyini töpo ngacharu paytagh akïkïtïngchï nyinte nyini satate kokay nko kokay akïngwïsyï tentenikwa ngwïny tawu ngacharu paytagh akïlö:

1 KORINTO 9:25

Kilöy kegh chi anka tïkwïl nyo omöy kanyanyighos akïmul kegh tïkwïn cho mököy portanyi. Ighöy lenyoni atökïnyorï tenta nyo wïröy, wölo kighecha atökenyorunö tenta nyo töpo kokay.

NGONGUT 3:3

Nana nyu ngalechini kikinetinyi nko wölo kilïmtenyi, airïp aikötö ngokiku. Wölo ato mengetanyinye, ongwïnchininyi le chorin amenkïtunenyinye sayanini ongwïnan.

NGONGUT 4:4

Kimi nyu ngöcherwö walaka cho pö paytagh cho le 24 cho kiwit ngacharu paytagh, cho kitïpïyot poyï cho le 24 cho kiloköy sïro cho relach tenteni koltin.

NGONGUT 2:13

“ ‘Onkïtön wölo imöngenyi, wölo mi ngacharu Onyöt nyo pö paytagh. Irïpenyi ngalechan nyoman amelö kipïstenyi kighanatengu ompö ani, ompö osiswechanye kipar kipöroy pich Antipa söwintenyan nyo ghanate, kikïpara nyinte kwenunkwa wölini möngöy Onyötö.

NGONGUT 22:7

Kïlenchanïn Yeso, “Tere, ongwïnan lawel! Soyönote chane cho rïpöy ngala werkoynön cho mi kitapunï!”

SEPANIA 1:14

Kikïrikï asisoni mamïnïng pö ECHOTYON, kikïlekïtit nyoman, anyona kikwitï kukat! Ngwonöch ngala nyoman asisoni, ompöwölo riryot akïmeghö mutïnö ompö chini le nyökon!

YAKOPO 5:9

Tupchenichu, mongwïrngwïronchï kegh akwane atömerwokwok Tororöt. Anyona nyu kirwokinte, mi kukat, mi kïpsach kwitu.

PILIPI 4:5

Kanya kunkïtï pich lapay tölosyenkwa, kilekïtït ato mïlo Echotyon.

NGONGUT 16:15

Lentöy Echotyon, “Atere ya! Ongwïnan le chorin! Soyönote chi nyo mi kïpsach akïkörmönöy sïrokachi atömöwö kïchïrut akïnyorï arasï ompö tawu pich!”