NGONGUT 21:23 - PIPÏLIA

²³ Kimönyorchininye kanasyantanoni löpoyïntanyi asis anta arawa ompöwölo lïwchini nyinte ororyo Tororöt akï tayenyi kï Wawa Kech.

NGONGUT 21:23 Referans Kwoze

NGONGUT 22:5

Mökïminye ato le oghö ngat amelö tökïmököy pich tatïn anta löpoyïn pö asis, ompöwölo Echotyon Tororöt nyo lïku löpoyïntöngwa akï pöytoy chane kokay nko kokay.

NGONGUT 21:11

akï nyo kilïwu ompö ororyo Tororöt. Kulïwï kanasyantanay le kogh pö olyot nyo wow nyo lata koghpa yaspi nyo lïwu le kiyö.

YOANA 1:9

Löpoyïntö nyinte kegh nyoni kingwïnöy ngwïny kulïwchini pich lapay.

ISAYA 24:23

Atolapay kïtuwit arawa tökulïwu asis ngat, ompöwölo lïku ECHOTYON Kimuktoghin pöytoghin. Pöytoy nyinte ompö kutïng pö Sayon* nko ompö Yerusalem, atökïsïwa kintöghoghi pich ororyenyi.

NGONGUT 18:1

Kïkany asïwan korkonay kitöpo tyonyay pïrir, asïwan malaykayante anka kirökuno yïm. Kitïng owesyö nyo wow, akulïwchï ororyenyi ngwïny kïmïkul.

LUKA 2:32

Löpoyïn nyo ngongchini pipö punton machatengu akwipchini ororyö piköku Israel.”

NGONGUT 21:25

Kïpïstö kukoti kanasyantanoni kïyotote kwimön ompöwölo melö tökïmi nangatï wöloni.

YOANA 5:23

atökutö pich tïkwïl konyït Weri le wölini töni chane konyït Kwanta. Anka tïkwïl nyo mökonyïtönye Werïnyi, kïmökonyïtönye Kwanta nyo kiyonï nyinte.

YOANA 1:18

Möminye chi nyo kikïsïwa Tororöt kokay. Wölo kikuporwecha nyinte Werïnyi nyo le akonga nyo ghömote nko Kwanta.

YOANA 1:14

Kiwaghaka Ngölyontononi kïlïkwï ptangengmöt akïmang kwenuncha, chi nyo nyïghitate pöropchö nko man. Kesïwecha ororyenyi, ororyö nyo kitö Kwanta Werïnyi nyo le akonga onkït.

YOANA 1:4

Kimi söpon nyinte aki löpoyïn pö pich söpononi.

APAKUK 3:3

Kingwïna Tororöt koro Edom, kingwïna Nyinte nyo Tïlil kutïng pö Paran kulum ororyenyi wölnö le yïmwöy, akïghömï salatenyi ngwïny.

IGHISYEWUT 22:11

Kimosïwïyanye kïgh ompöwölo kiköryolanïn löpoyïnay. Kuretanïn pïchay kowetan tïkwïl ntatan Damaska.

MARKO 8:38

Chi anka tïkwïl nyo lolïyonöy ompö ani nko ngalechan ompö tawu pïchï pö osiswechï le kalomok akïmwokïyis, kïlolïyonchini tïkwïl Wero Chi chane ato ngwïn nko ororyeto Kwanta kïmi nko malaykeni Tororöt cho tïlilöch.”

MATAYO 16:27

Ompöwölo, ngwïnöy Wero Chi atoni ompö ororyeto Kwanta nko malaykenichi atökïghokyï chi anka tïkwïl kïrïp kegh nko ighisyewutkachi.

YOANA 17:24

“Paponyu! Omökan chane choni kekonanïn kïmi nko ani atoni omitan, atökumï chane kïsïwa töroryenyan nyanye kikonaninyi, ompöwölo kichömaninyi kïtomö kegh ngwïny.

ISAYA 2:21

Ghïpchegho pich pïrïmpot nko kö pönot cho mi ghatoy atoni ngwïnöy ECHOTYON kutimtimöy ngwïny atökïchïwïtyeghö nörekyenyi, akïwïnya kegh wölo mi owesyenyi nko ororyenyi.

ISAYA 2:19

Pertoy pich nyu kïpetöy kïghïpcheghö köpönot anta pïrïmpot cho mi ngwïny kumukyï kïchïwïtyeghö sïnyoryo ECHOTYON nko owesyenyi nko ororyenyi nyo itu otini ngwïnöy nyinte kutimtimöy ngwïny.

ISAYA 2:10

Wïnyo kegh chane kö pönot ompö wölnö le kutïngkot anta pal pïrïmpot lö tökechïwïtyenö ompö sïngiryo ECHOTYON atökïwïnga kegh wölo mi owesyenyi nko ororyenyi!

TUMWÖY 84:11

Ompöwölo ECHOTYON Tororöt kï asis akï longa, soyönecha nyinte ompö tölosyö nko konyït. Mötöghonye ECHOTYON kïgh nyo karam, pich löwïr cho ighöy man.

ISAYA 30:26

Lïwu arawa kïrelit le asis, kulïwï asis kïnyïl mut nko odeny nyo pö löpoyïntanyi, nyo karkegh nko löpoyïntanyi nko nyo pö osis mut nko odeny. Ighisyot ngalechoni asisoni rötöy ECHOTYON akusop moyoko pikachi cho kinyorunö mungötenyi.

NGONGUT 5:6

Atolapay asïwan Wawa Kech kughyongo kwenu ngacharu paytagh nko tyonchay sötote le angwan nko poyichay. Kilata Wawa Kech nyo kikepar. Kitïng kuy mut nko odeny nko konyïn mut nko odeny, aki mïkulis pö Tororöt cho le mut nko odeny, cho kikïyonta kïpa ngwïny kïmïkul.

NGONGUT 7:17

Ompöwölo lïku Wawa Kech nyo mi kwenu ngacharu paytagh mösöwontengwa akuntöghoghchini chane ntökwit wölo kosuno pögho söpon. Miso Tororöt lok konyikwa löwïr.”

NGONGUT 14:4

Pich chane cho kikïrö kegh sïmnyontöno cheporesnan, ompöwölo ki kïltïte chane. Mi chane kïrïpöy Wawa Kech wop anka tïkwïl nyo wetöy. Kikïsörunö chane kwenu ptangengmötine walaka, akï chane cho kïnyoghöy keropchini Tororöt nko Wawa Kech.