NGONGUT 19:11 - PIPÏLIA

¹¹ Atolapay asïwan yïm kïyata, atanganyan asïwa angole nyo rel. Kikïkuro chichinö kiwegho angolenoni, “Nyo ghanate akï pö man.” Rwokyini nyinte pich ompö man akïsetöy kïporyegho pungkachi.

NGONGUT 19:11 Referans Kwoze

TUMWÖY 96:13

atomïla ECHOTYON atökïpayta ngwïny. Pöytoy pipö ngwïny ompö man nko kitenat.

NGONGUT 6:2

Asïwan angole nyo rel, nyo kikötöy chi nyo kïtïng kïwang, ketö nyinte tenta kulach. Kïweghö angolenoni le chi nyo kikupölisyö akïmi kupölisïyi.

TUMWÖY 98:9

Otumenö tawu ECHOTYON ompöwölo kengwïn kurwokyï ngwïny. Rwokyini nyinte ngwïny ompö man akïpayta pich ompö kitenat.

NGONGUT 3:14

“Kirchinö malaykayan nyo mi kanisa Laodikea ilenchï, ‘Anyï ngölyon nyo ngwïno wölo mi nyinte nyo le Amen, nyo ghanate akï söwinto man akï nyinte nyo pöytoy tïkwïn löwïr cho kigh Tororöt.

TUMWÖY 50:6

Mwotïtoy yïmwöy manpa Tororöt akuparta lö nyinte nyo le mutinto ngal.

YEREMIA 33:15

Ompö osiswechoni okïlan chi nyo le chumwak nyo ngwïno ara pöytoghin Daudi kïpayta kor. Ighöy nyinte man nko tïkwïn cho karamach ompö kore kïmïkul.

ISAYA 32:1

Arosa lö itu asistanka pöytoghintö nyo pöytoy ompö konyït nko kintöghoghï cho pöytoy ompö man.

NGONGUT 4:1

Kïkany kuwanta kegh ngalechï, asïwan sïwïyagh nyo pö kiyata ompö yïm. Kïlö kut nyo kichögh le kontï nyo kökangölonwanïn tagh, “Pusuna wölï toporun tïkwïn cho ighisyot nyo mötïny.”

NGONGUT 3:7

“Kirchinö malaykayanta kanisa Piladelpia lö, ‘Anyï ngölyon nyo ngwïno wölo mi nyinte nyo tïlil akï pö man, akïtïng yotöwonto Daudi nyo ato kakïyat kukat, kïmöminye chi nyo köröy ato kar nyinte kukat, kïmöminye chi nyo yotöy.

ISAYA 45:21

Opunö nyu ngalekwo ka kirwok, atat wölo omwowuntoy ngale. Ngo nyini kingor könyisyok tïkwïn cho itu? Ngo nyini kimwa ngalechoni tagh nya? Maninye so, ECHOTYON Tororöt nyo osöru pikachu? Möminye Tororöt anka kïpoto ani.

NGONGUT 1:5

nko cho pkono Yeso Kristo, söwin nyo ghanate nyo pö tagh kututunö ngwen akï nyinte nyo pöytoy pöytoghi ngwïny kïmïkul. Chömecha nyinte akutyakecha ompö meghenyi kengetunenö rötut pö ngokicho

TUMWÖY 99:4

Ichömenyi man, we Pöytoghin nyo wow, kekïninienyi man ompö koro Israel. Kekonunyi kirwok nyo tenate nko man.

YOANA 14:6

Kïlenchï Yeso, “Ochan ore nko man nko söpon, möminye chi nyo wetöy wölo mi Papo kïpoto ato werwanïn.

ESEKEL 1:1

Kisïwa Esekel tïsin wero Pusi kiyata yïmö kïsïwa sïwïyagh, ki asispa mut nyo pö arawa angwan ompö könyi tömönut sömök ompö lalwa Kepar omitan koro pïnotyon.

NGONGUT 11:19

Atolapay keyat Kö pö Tororöt* nyo mi yïm, kesöchï Santuku Muma* ori. Atoni nyu kuryal lö chwatchwat akïtïl akurïngring ngwïnya akïropan nyoman kïchïnu takarïs.

SAKARIA 1:8

Kyasïwan oghö chi nyo weghoy angole nyo pïrir! Kighyongoy kwenu kapïrïmen ompö mpöghogh. Kimi angoletinö walaka cho pïröch nko mïkenöch nko cho relach cho kighyongo lötunyi.

WUWÖT 15:3

“Chi pö poryot, ECHOTYON nyo awes, kaynenyi kï ECHOTYON.

YOANA 1:51

Atolapay kïlenchï pïchay, “Omwowokwa nyoman lö, osïwïyekwa kïyoto yïmö akïpusöy malaykeni Tororöt akïrökyini Wero Chi.”

NGONGUT 19:19

Atolapay asïwan tyonyay nko pöytoghi ngwïny kïpka nko lïkenikwa akuryam atökïporyeghö nyinte nyoni kiwegho angole nko lïkenyi.

NGONGUT 19:21

Atolapay kepara lïkenikwa chokonay kichumuno kuti nyinte nyoni kiwegho angole. Kwaketa nyu mötonywö kwam mïntïrïchtino pïchoni ntökïpïghyö.