NGONGUT 17:4 - PIPÏLIA

⁴ Kilach kokononi sïro cho lata munyantengwa akwa lamay nko cho pïröch, akupïchigha kegh koltin nko karïn cho pö olyot nyo wow nko lulun. Kinama ewunyi kikompa nyo pö kikwigha koltin akï nyo kinyïghï tïkwïn cho lilöy pich nko cho le sïmnyon, cho kipka cheporesnanenyi.

NGONGUT 17:4 Referans Kwoze

NGONGUT 18:16

kïlentöy, “Heywey! Nyarïl nyo tya nya wey ompö kanasyantanï wow! Kikinaghanyi ilokyï kegh sïro pö katani cho pïchighöch cho lata munyantenyi akwa lamay nko cho pïröch, aimineni kegh koltin nko koghïn cho pö olyot nyo wow nko sanay cho pïchighöch!

YEREMIA 51:7

Lata Papilon mpalawu koltin nyo mi kumpa nörekyenyan. Kitömesyeghö koroswo ngwïny kïmïkul ntökupilyö

NGONGUT 19:2

Ompöwölo pö man akutenate kirwokutkachi! Kakurwokyï nyinte cheporesnay wow kiwura ngwïny cheporesnanenyi. Kechop kong Tororöt ompöwölo kipar nyinte mötworichi.”

NGONGUT 18:12

mökïminye chi nyo tökwolöy koltinekwa nko silpenikwa, koghikwa cho pö olyot nyo wow nko sanayikwa cho karamach nko sïrokökwa cho pö katani cho pïchighöch cho lata munyantengwa akwa lamay nko cho pö aririn cho pïröch lötok nko ket nyo karam tïkwïn lapay cho kikigha kela pelöw nko tïkwïn lapay cho kikighan ket cho pö olyot nyo wow tya nko cho pö taghoy nko cho pö karïn nko cho pö senkwet.

LOK 1:9

Körumï sïmnyontenyi lötok, melö kiyang kinyaratenyi nyo pïnï yi. Kïlenyona kipït ompö or nyo gha nyoman puryö chi nyo soghsoghöy nyinte Kirirchï ECHOTYON kïlentöy, “Kaman nyarïl, sörwonte we ECHOTYON ompöwölo kalotanïn pung.”

NGONGUT 14:8

Kirïp malaykayanteto odeny nyay pö tagh akimi kïlentöy, “Kikïrul! Kikïrul Papilon nyay Wow! Nyinte nyini kigh pipö punton löwïr kïgha kumichi, kumïn cho ngwonöch cho pö cheporesnanenyi!”

DANIEL 11:38

Konyïtöy nyinte tororöt nyo ripöy nïyetwo kanastin kïtïl chï löwïr. Ropchini tororöt nyo melö kinkït papotïnechi koltin nko silpa nko koghïn cho pö olyot nyo wow nko ropöw cho pö olyot.

ESEKEL 24:13

Kesïmnyoninyi we Yerusalem ighisyewuköku chï ghach. Kyolan otïlilinyi wölo kimetïlilenyinye. Melö itïlilitunenyi nyonikïny ntökïtenö kuwonyö nörekyenyan ompö nyi.

ESEKEL 24:11

Atolapay itigh töro tay kile kïnagh tökula löchwat tökïnagh wölo le nyïngwïtyan akïyï kuyinta sïmnyontenyi ompö ma akuwonyö wölo kikwam kutï.

1 PÖYTOGHÏ 14:24

Wölo nyo gha tya, kimi mïrön nko mïrönkö walaka cho kitïpisot otöp nyo pö cheporesnan otini kipöghisyechini tororötinekwa. Kigh nyu pipö Israel tïkwïl cho ghach tya kïtïl cho kigh pipö Kanan cho kiyona ECHOTYON tawungwa atökïpïsï kïcheng korengwa.

OSEA 9:10

Lentöy ECHOTYON, otini kyasïwan pipö Israel nyo tagh, kilenye ato kïnyorchï sapipun surkwen otini kyasïwan papotïnekwa kilenye makany cho keyin nyo pö tagh wölo nyini kipa Paal Meor kutïlichï kegh Paal* le kïgh nyo chomöy chane.

ESRA 9:11

cho kimwochinyi mötworiku werkoy lö, sïmnyon koronï owuchinekwa amïl, ompöwölo kinyïghit pipö punton sïmnyontengwa kïngata söröm ntökwit söröm.

ESEKEL 20:30

Kïlenyona, lenchinö pipö Israel lentöy Echotyon TORORÖT, osïmnyonekwa kegh ye so le papotïnekwa, amostoy arïp tïkwïn cho kïkïröy?

2 PÖYTOGHÏ 21:2

Kigh Manase ngokï ompö tawu ECHOTYON ompöwölo kirïp otöptino pipö punton cho kiyon ECHOTYON ompö tawu pipö Israel.

ESEKEL 36:25

Atolapay opïspisyokwa pögh cho tïlilöch totïlilitunökwa ompö sïmnyontönengwa nyo mamïnïng nyo pö körkeyïntinekwa löwïr.

KINONO KIRURUT 29:17

Kyasïwekwa tïkukwa cho lilu cho kisoghöy chane cho le körkeyïntin cho kikigha ket nko koghïn nko ropïyen nko koltin.

ISAYA 66:3

“Ighöy pich le wölo kömöktoy. Karkegh ompö chane ato kapar egh akwigh kïlïkwï amöros anta tötö ptangengmöt kïlïkwï amöros. Ato ketötö wawa kech anta karïng katpa kukïy. Ato ketötö pagh cho kïroptoy anta kisön pö nkïruwen. Ato ketötö mankoy cho ngutoy cho onyïn anta sagh körkeyïn. Pïlilöy chane nyoman ortïn cho kïrïpöy ato kïsoghöy.

ESEKEL 28:13

Kimitenyi Eden para Tororöt, kikïmineninyi koghïn cho pö olyot nyo wow, koghi rupin nko dayamon nko topas nko yaspi, nko almon nko perulo nko soari sapira nko sumaradao nko poreket. Kikïmina tïkuku koltin. Akimi tïkuchoni kïpsach asisini kikighinyi.

NGONGUT 9:21

Akimöpïstöcha pörchengwa nko ponintönengwa nko cheporesnanengwa anta chorsyengwa.

NGONGUT 21:21

Kukot cho kïlïto kanasyantanoni cho le taman nko odeny kï cho kikigha lulun akï kïgh anka tïkwïl ompö kanasyantanoni kï kikigha koltin cho pïchighöch cho kiryölöy le kiyo.