NGONGUT 16:2 - PIPÏLIA

² Kïwö malaykayanteto tagh akïmïlchï tïkwïn cho kömi pakulinyi paraku ngwïny nyo tïyame. Kuchumchï chepserkechöy cho ghach ompö ngwonïn nyo wow pich cho kitïng macheyu tyonyoni nko cho kisoghöy körkeyïntanyi.

NGONGUT 16:2 Referans Kwoze

NGONGUT 8:7

Kikut malaykayante nyo tagh kontinyi. Kïropönchï ngwïny takarïstina ma cho kituyö nko kisön. Kïnagh kareranpa ngwïny nyo le akonga ompö sömök, kïnöghö kareranpa ket nyo pö sömök nko sus löwïr cho nyörilöch.

NGONGUT 16:11

Kumwa chane Tororöt pö yïm ompö ngwonïn nyo kilïmchï kegh nko ompö chepserkechtinekwa. Wölo kimöpïstöcha chane ortïnekwa cho ghach.

KINONO KIRURUT 28:27

Pörenokwa ECHOTYON tasusay cho kipara pipö Misri. Töni nyinte porwöyikwa moyoy nko nkwich akutökwa kegh, amörökönye sakït.

IGHISYEWUT 12:23

Kïnyini lawel kïmuny malaykayanta Echotyon. Kuyin nkut, atolapay kïma ompöwölo kimetönye Tororöt konyït.

ISAYA 3:17

Wölo ochopan chane kong arwakan mötöwekwa kïlïkwï palurtin achengan sïro kudong kïchïrutöch.”

2 OTÖPTINO OSIS 21:18

Ato mi lötuto ngalechoni löwïr, kïwira ECHOTYON pöytoghin sömew nyo kinam kwan nyo kimötïngnye sakïtyan.

2 OTÖPTINO OSIS 21:15

Nöminyi nyo le nyi sömewö nyo gha kwan, nyo mösöpönye tökïtenö kïpka kwanköku sany.”

1 SAMWEL 5:9

Otini kitïta Kat, kwawesit ECHOTYON ompö pipö kanasyantanoni, akïwira chane mïghö nyo wow, akuchopa tösus pïchoni cho mïnkech nko cho echön.

1 SAMWEL 5:6

Kyawesit ECHOTYON ompö pipö Asdod akutö sitöt Asdod nko seremwokachi akutö tösus.

KINONO KIRURUT 7:15

Akïchengenokwa ECHOTYON kichïr anka tïkwïl. Melö konokwa sömewutchay ghach onkïtökwa pö koro Misri, wölo töni choni löwïr pungkökwa cho reyokwa.

ISAYA 3:24

Itu nyu asis ato, nyinö köteyilo kegh pich mwagh nyo anyïn, kworöritu chane, nyinö kötöroto kegh mu angwoy kïrata kegh pörköy, nyinö köteghöy putekwa kïpïchighitu, kïlïkwï palurtin, akïnyinö köteloköy sïro pö katani, kulak sarankwachtin. Wöghöko pïchighyengwa kïlïku arasï!

TUMWÖY 78:26

Kïkut yomo kongasis kïwö yïm akuntöghoghchï yomo, okumpö tagh ompö owesyenyi.

NGONGUT 14:16

Atoni nyu kïnam malaykayantanay kitöpo polta rotwenyi akwil ngwïny.

KINONO KIRURUT 28:35

Töni ECHOTYON tasusay cho ngwonöch kelyekwa cho melö kimuköy kesopöy. Omöy tasusayichoni kïngata kel ntökwit möt.

NGONGUT 13:12

Kipöghisyeghö nyinte owesyö nyo wow tya nyo kipö tyonyay pö tagh ompö otini le tawunyi. Kuchikyï ngwïny nko lapay cho mi orinyi kïsagh tyonyaye pö tagh, nyanya kökikïsöp moyenyi.

NGONGUT 14:9

Atolapay kïrïp malaykayanteto sömök malaykenichay pö tagh, akïlö ompö kut nyo wow, “Anka tïkwïl nyo soghöy tyonyoni nko körkeyïntanyi akïcham kïtak macheyunyi ompö tokochunyi anta ewunyi pö tagh,

NGONGUT 16:1

Atolapay alïman kut nyo wow nyo kingölonunö Kö pö Tororöt kïlenchini malaykenichoni le mut nko odeny, “Ape omïlchinö ngwïny tïkwïn cho mi pakulinechona le mut nko odeny, cho pö nörekyo Tororöt!”