NGONGUT 15:3 - PIPÏLIA

³ Kimi chane kïtumöy tum pö Musa, mötworinto Tororöt nko tum pö Wawa Kech kïlentöy, “Echotyon Tororöt Kimuktoghin, wechï echön akï pö töngönchin ighisyewutköku! Nyi nyo ichï pöytoghinto punton löwïr, tenote akï pö man kïtya ortïneku!

NGONGUT 15:3 Referans Kwoze

TUMWÖY 111:2

Echönöch tya ighisyewut pö ECHOTYON! Yöröy chi löwïr kunkïtu nyo ngörokini.

TUMWÖY 139:14

Osölinyi, ompöwölo kighaninyi ompö töngönchin nyo pö wow. Pö ighisyewutköku töngönchin, onkïtön löwïr ompö mïkulöwunyan.

TUMWÖY 145:17

Pö man ECHOTYON ompö ortïnechi, akï talase ompö ighisyewutkachi.

EPRANIA 3:5

Ki mötworin Musa nyo kikighönöy ompö Kö pö Tororöt kïmïkul, akïngalana ngal lapay cho mwowu Tororöt ato le asïyech.

ISAYA 33:22

Ompöwölo ECHOTYON nyo tïlwecha ngalecho akï nyinte nyo pöytonecha. Nyinte nyo le pöytoghintencha. Sörwecha nyinte.

OSEA 14:9

Ato mi chi nyo ngöghom, ikany kipköchin ngalechï. Ato mi chi chïrer inkïtï ngalechï. Kï man ortïna ECHOTYON löwïr akirïpöy pipö man, wölo pïtyegho chemwokïyis ortïna ECHOTYON.

SAKARIA 9:9

Akwa pipö Sayon,* ongörekyenö nyoman! Akwa pipö Yerusalem, oteghyenö ompö ngörekyö! Anyona pöytoghintenkwa ketï! Ketï ompö turönöt nko rïntagh! Talase nyinte akï wegho sïkïryö akï sïkïrye nyo le moda!

YOANA 1:17

Kikonï Tororöt kirurut kuwerï Musa, wölo kikonï pöropchö nko man kuwerï Yeso Kristo.*

TUMWÖY 100:5

Karam ECHOTYON, töpo chomnyenyi kokay akï pö otöptanyi nyo ghanate pïnwöy löwïr. Tum pö Daudi.

TOWUNÖT 17:1

Otini kitïng Apram könyis 99, kuchumchï ECHOTYON akïlenchï, “Ochan Tororöt Kimuktoghin. Tekanïn aitöpö kïpuryö kigheghchin ompö ani.

NGONGUT 19:2

Ompöwölo pö man akutenate kirwokutkachi! Kakurwokyï nyinte cheporesnay wow kiwura ngwïny cheporesnanenyi. Kechop kong Tororöt ompöwölo kipar nyinte mötworichi.”

NGONGUT 14:3

Kughyongo pïchoni le 144,000 tawu ngacharu paytagh nko tyonchoni le angwan sötote nko poyichoni. Kimi pïchoni kïtumöy tum nyo rel, tum nyo kimemïnye chito anka kunet kegh kïpoto chane. Akï pïchoni opïn ompö ptangengmötin kïmïkul cho kikïsörunö ngwïny.

KINONO KIRURUT 31:30

Kukorchï Musa tuyonay pö Israel kïmïkul ngala tumï löwïr.

NGONGUT 17:14

Poryegho pöytoghichay nko tyonyay Wawa Kech, wölo rïntoy Wawa Kech nko kïlankachi cho kikur akughönote, ompöwölo Echotyonto echot nyinte, akï pöytoghinto pöytoghï.”

NGONGUT 11:17

akïmwa lö, Kiyokucha nyi sörö, “We Tororöt Kimuktoghin, nyo imitö ye akimitö könyisyok! Ompöwölo kepöghisyeghenyi owesyengu nyo wow aitor ipayta!

NGONGUT 4:8

Kitïng anka tïkwïl ompö tyonchoni sötote le angwan köpepoy mut nko akonga, akighömï konyïn chane le chankonyïn chane kitumöy chane kïpuryö kimïny pöghet nko nangat kïlentöy. “Tïlil, tïlil, tïlil Echotyon Tororöt nyo le Kimuktoghin, nyo kimi akïtökïmi akï nyo tökungwïnöy.”

DANIEL 6:20

Nyini kirich köpönonay mi Daniel, kïkursyö ompö ngwonïn lö, “Daniel, mötworinto Tororöt nyo satate, kemï Tororötïngu nyo ipöghisyeghchinenyi ntökïsörunyi ompö ngötuny nya?”

ISAYA 45:21

Opunö nyu ngalekwo ka kirwok, atat wölo omwowuntoy ngale. Ngo nyini kingor könyisyok tïkwïn cho itu? Ngo nyini kimwa ngalechoni tagh nya? Maninye so, ECHOTYON Tororöt nyo osöru pikachu? Möminye Tororöt anka kïpoto ani.

TUMWÖY 145:6

Ngölono pich ngaleku cho pö otyogh, omwotïtenan wowïntöngu.

TUMWÖY 99:4

Ichömenyi man, we Pöytoghin nyo wow, kekïninienyi man ompö koro Israel. Kekonunyi kirwok nyo tenate nko man.

NGONGUT 19:16

Kikikir sïrenyi nko kelytanyi kaynanï, “Pöytoghinto pöytoghï akï Echotyonto echot.”

SEPANIA 3:5

Wölo pö man ECHOTYON nyo mi kanasyan ori, amelö ighöy kïgh nyo gha. Ighöy man kïtenö osis tïkwïl otini kayekanan, puryö tökwoghö nyo wutyegho kwigh man. Wölo letöy tagh mwokïyis kwighöy ngokï amelö lïmchini kegh arasï.

MIKA 7:20

Isyonchinenyi pipö Yakopo, aicham monïngo Apraam kokay, lenyini kiwolwolchinyi papotïnecha könyisyok.

TUMWÖY 105:5

Akwa pipö ara Apraam mötworintenyi, akwa pipö ara Yakopo nyo kikïl nyinte: anana ighisyewutkachi cho kigh cho echön.

TUMWÖY 78:12

Kigh nyinte tïkwïn cho echön ompö tawu papotïnekwa ompö tömko Soan nyo mi koro Misri.

AYUPU 5:9

nyo ighöy tïkwïn cho echön cho melö pköchini pich, akwighöy tïkwïn cho pö töngönchin cho makïrar.

2 OTÖPTINO OSIS 24:6

Kïlenyona kïkur pöytoghintö kintöghoghinte Yeoyada akïlenchï nyinte, “Ompö ne tötomönye mwochinönyi pipö Lawi kïchengunö pipö Yuda nko Yerusalem ropïyenichay kimwa mötworinto ECHOTYON Musa, kïmwochï pich kïkonï atö kïpöyit Ema nyo mi ECHOTYON.”*

1 OTÖPTINO OSIS 6:49

Kitötö Aron nko werkachi ropöw cho ngutoy cho onyïn nko amöros ompö atay kïpelo amöros nko saghat ompö Wölo Tïlil Tya* nko amöros nyo kimötoghchïnegho Tororöt pipö Israel ngokikwa. Kigh choni lapay le ato kimwochï Musa mötworinto ECHOTYON chane.

NGONGUT 14:8

Kirïp malaykayanteto odeny nyay pö tagh akimi kïlentöy, “Kikïrul! Kikïrul Papilon nyay Wow! Nyinte nyini kigh pipö punton löwïr kïgha kumichi, kumïn cho ngwonöch cho pö cheporesnanenyi!”

DANIEL 9:11

Kikïpeny pipö Israel löwïr kirurutköku akïtagh kïlïm ngaleku, kamecha ye nyu chïpötonay kikikir kirurut pö Musa mötworintengu, ompöwölo kikewuchanyi ngokï.

NEEMIA 9:14

Kiporchinyi chane Sapatotöngu* nyo tïlil aimwochinyi mwoghwutköku nko kikirutköku nko kirurutköku ompö Musa mötworintengu.

KINONO KIRURUT 34:5

Kïlenyona, kïröpösyï Musa mötworinto ECHOTYON koro Moap le ato kimwa ECHOTYON.

KINONO KIRURUT 32:3

Omwotïtenan kaynata ECHOTYON, kïsal pikachi wowïn pö Tororötïncha!

YOSWÖ 22:5

Orip lasiny kirurutchay kimwowokwa Musa mötworinto ECHOTYON lö, acham ECHOTYON Tororötïngwo arïp ngalechi löwïr akaman kirurutkachi kegh mopïstö nyinte apöghisyechï nyinte ompö mïkulöwekwo kïmïkul nko söponwekwo kïmïkul.”

AYUPU 36:24

“Inan nyu ipïlil ighisyenyi nyo tumo pich.

TUMWÖY 18:30

Pö man ara Tororöt, poru ayomistanyi lö man, longa nyinte ompö chane cho ryöghchini nyinte.

TUMWÖY 92:5

Wechï echön ighisyewutköku, we ECHOTYON! Akïmi kinonutköku ori tya!

TUMWÖY 111:7

Ghanate akï pö man kïgh anka tïkwïl nyo ighöy, chïchïmote kirurutkachi löwïr

1 TIMOTEO 1:17

Nya kïpöyit konyït nko ororyo, pöytoghinto kokay, nyo mömeghöy, amökïsïwïyi ompö kong, Tororöt nyo le nyinte onkït amömi anka, kokay nko kokay! Amen.*

NGONGUT 1:8

Mwoghöy Echotyon Tororöt Kimuktoghin, nyo mi akï nyo kimi akï nyo tökungwïnöy lö, “Ochan nyo pö tagh nko nyo pö löt.”