NGONGUT 15:2 - PIPÏLIA

² Atolapay asïwan kïgh nyo lata nanampa kiyo nyo kikikulkulyö nko ma. Asïwan tïkwïl pïchanya kirïnta tyonyanye nko körkeyïntanyi akï nyo kikïmwowunö kaynenyi ompö nampa. Kighyongo pïchoni nanampa kiyo akinömöy pïkantis cho kitö Tororöt.

NGONGUT 15:2 Referans Kwoze

NGONGUT 4:6

Kimi ngat nko ngacharu pö paytagh kïgh nyo kilata nanampa kïlas, ki rel lönga. Akimi kwenu ngacharu paytagh, tyonkïn angwanï cho sötote cho kinyïghï konyïn tagh nko löt cho kiwit woptine löwïr.

NGONGUT 12:11

Kirïnta tupchenicho nyinte ompö kisön pö Wawa Kech nko ompö man nyo kisöwintönchï chane, ompöwölo kicham kïkonï kegh chane kïrkegh kutupuy kong meghat.

NGONGUT 5:8

Akwotini kimi kwighöy lenyoni, kupïtyï ngwïny tawu Wawa Kech tyonchay sötote le angwan nko poyichay le 24, akïtïng chi anka tïkwïl ompö chane pïkan nko pakuli koltin nyo kikinyïghit tïkwïn cho ngutoy nyo karam akï choni kï sowut pö pipö Tororöt.

NGONGUT 21:18

Kikïteka nayatunoni koghi chaspa cho pïroch cho pö olyot nyo wow, akikwigha kïgh anka tïkwïl ompö kanasyantanoni koltin cho tïlilöch cho kiryölöy le kïyo.

1 PETRO 1:7

Keröto työmutchoni kï tökïrumï lö pö man kighanatenkwa. Arose lö kïtyömo ma koltin cho kinkït lö wïryot. Kïlenyona nyu, kïtyömöy nyo mötïny kighanatenkwa nyo tïng olyot nyo wow tya kïtïl koltin tökïchïchïm, sörömunyi onyorunekwa salat nko ororyö nko konyït. Asisoni kïngongu Yeso Kristo.

MATAYO 3:11

Opötisönekwa ompö pögh tökuporï lö kokötekwa ngokikwo, wölo pïnï chi nyo lötunyan nyo pötisönekwa ompö Mïkulögh nyo Tïlil nko ma. Wow nyinte kïtïlanïn amömïchinanïnye ompö ntopchï nyinte kweghkachi.

NGONGUT 13:14

Atolapay kïlïs pich löwïr cho mi ngwïny ompö owesyo töngönchin nyo kikitö nyinte kwigha tawu tyonyay pö tagh. Kïmwochï tyonyay pipö ngwïny kwigh körkeyïn nyo kïsölo tyonyay kökiketörö chok akïsöp.

1 PETRO 4:12

Motöngönchï kongotichu työmut cho ngwonöch cho omitekwa onyoru, le ato ketwakwa kïgh nyo sis.

NGONGUT 13:1

Atolapay asïwan tyony nyo kipusuna nanam nyo kitïng kuy taman nko mötöw mut nko odeny, akitïng kuyöghö anka tïkwïl tentenyi. Kikirchï kaynata kimwoghsyö mötöwechoni.

NGONGUT 13:17

Kimemukönye chi kwal kïgh anta alta kïpoto ato tïng nyinte macheyunoni, nyoni kï kaynata tyonyay pö tagh anta nampa nyo keröy otini mi kaynenyi.