NGONGUT 14:4 - PIPÏLIA

⁴ Pich chane cho kikïrö kegh sïmnyontöno cheporesnan, ompöwölo ki kïltïte chane. Mi chane kïrïpöy Wawa Kech wop anka tïkwïl nyo wetöy. Kikïsörunö chane kwenu ptangengmötine walaka, akï chane cho kïnyoghöy keropchini Tororöt nko Wawa Kech.

NGONGUT 14:4 Referans Kwoze

NGONGUT 3:4

Wölo mi walaka ompö Sardis cho ngörï cho melö kyosïmnyonökwa kegh koripökwa sïrokökwo. Opestokwa nyu nko ani, aloköy sïro cho relach, ompöwölo mïchinokwa.

2 KORINTO 11:2

Omchinokwa nyonyintön, le wölo lata Tororöt tïkwïl, ompöwölo alatekwa chepkïltït nyo kakelotokönchï mïrönö akong onkït, nyoni kï Kristo.*

YAKOPO 1:18

Kiyiyecha nyinte ompö machatenyi ompö ngölyontenyi nyo pö man atökelïkuna cho pö tagh ompö tïkwïn lapay cho kigh nyinte.

NGONGUT 5:9

Kïtum chane tum nyo rel kïlentöy, “Mïchininyi chenge kitapï atemuta, apït möcheywechoni kikïngostö. Ompöwölo kikïparinyi, aipchinyi Tororöt pich ompö meghengu, pich cho kipkana punton kïmïkul, nko kutïw löwïr nko pich löwïr nko cho pö koros tïkwïl.

YOANA 12:26

Akwanka tïkwïl nyo pöghisyewanïn, kïmötïnye kïrïpanïn, atökumï mötworintenyan kïmi nko ani ompö wop anka tïkwïl wölo omitan. Ato pöghisyewanïn chi kutöni Paponyan nyinte konyït.

YOANA 10:27

Teröy kechiryechan kutinyan, ankïtön chane akïrïpanïn chane.

NGONGUT 17:14

Poryegho pöytoghichay nko tyonyay Wawa Kech, wölo rïntoy Wawa Kech nko kïlankachi cho kikur akughönote, ompöwölo Echotyonto echot nyinte, akï pöytoghinto pöytoghï.”

TUMWÖY 74:2

Inan piköku cho kikïlanyi kïngeta otini le könyisyok, chanye kyalanyi atökïlïkwï piköku kegh. Inan kutïng pö Sayon* nyanye kimanganyi.

1 KORINTO 6:20

Kikyalenakwa olyot nyo wow. Kïlenyona, opöghisyeghenö porwöyikwo ompö salata Tororöt.

YOANA 8:12

Kïmwochï Yeso Parisaytinechay ngat lö, “Ochan löpoyïn pö ngwïny, chi anka tïkwïl nyo rïpanïn kïsïköy löpoyïn pö söpon amökïwesteghonye tuwïn nyonikïny, wölo sïköy löpoyïn pö söpon.”

YEREMIA 2:3

Kichinyi atoni, we Israel nyo tïlil ompö tawunyan, kilatenyi paghechan cho tagh cho pö ilö. Kilel anka tïkwïl nyo kiswanginyi akïnyorï nyarïl nyo wow.” Mwoghöy ECHOTYON.

1 PETRO 2:9

Wölo ochikwa pich cho kikekïlak akï tïsi pöytoghin, pich cho tïlilöch akï pipö Tororöt kegh, cho kikekïl kïpa kwamta ighisyewut cho pö töngönchin cho pö Tororöt nyo kikurokwa ongetunenö tuwïn, akulutokwa löpoyïntanyi nyo pö töngönchin.

EPESO 1:14

Akwompöwölo kïtïngetecha Mïkulöwunoni pö Tororöt kenkïtöcha nyu nyoman lö kïnyorunecha kïgh anka tïkwïl nyo kiyomisï Tororöt pikachi, porwecha ngölyontononi lö tyoköy Tororöt nyoman pich löwïr cho le chechi. Kesala nyu töroryenyi!

1 KORINTO 16:15

Onkïtökwa, werïnyo Stepana nko piko konyi lö chane cho kipö tagh kughan ompö Akaya, akikïkonï kegh chane kïpöghisyechï pipö Tororöt. Osoghokwa ye nyu, werköcho, lö

IGHISYEWUT 20:28

Akamana kegh arip, apagh kechiryo Tororöt cho kökonokwa Mïkulögh nyo Tïlil ayakwïya. Alïkwï mösöw cho pö kanisa Tororöt nyo kyala nyinte kisönko Werïnyi.

YOANA 13:37

Kïtep Petro lö, “Echotyon, ompö ne tömomukan orïpinyi otï le ye? Omitan kïpsach amegh nko nyi!”

MATAYO 25:1

“Kikongityot nyu Pöyunöto Yïm nko tipïn taman cho kip tatïnekwa akïpa kïtaroch chi pö kensyö.

MATAYO 8:19

Kungwïn konetinto kirurut wölo kimi nyinte akïlenchï, “Omitan kïpsach konetin arïpatinyi ompö wop anka tïkwïl wölo iwetenyi.”

TUM PÖ TUMWÖY 1:3

ngutoy nyo karam mwadangu nyo kiyiltoy, lenye kaynengu mwagh nyo kïmïlu, nka nyoni chöminyi tipïn.

1 TIMOTEO 4:3

Netöy pïchoni lö, merokonye kekensyö amerokonye kyam omisyewut walaka. Kigh Tororöt omisyewutchoni kwam pich cho kikughan kunkïtï man otini kakumuchö kuyokyï nyinte sörö.

1 KORINTO 7:28

Wölo ato ikensyenyi kïmelö keghanyi ngokï. Ato kip mïrar kïmelö kegh nyinte ngokï. Nyoru pïchoni kensïyi kömpölelut pö ngwïnyinï nka nyoni komökan lö tochïwïtyeghekwa kömpölelutchoni.

AMOS 6:1

Heywey akwa cho kyakalyan ompö Sayon* nko pich lentöy kikïlalyan ompö kutïng pö Samaria. Akwa pipö Israel cho echön cho sorokwa pich.

TUM PÖ TUMWÖY 6:8

Muko kïmi malikiyen cho le tömönut mut nko akonga, anta chemïnïngwen* tömönut mut nko sömök, nko tipïn cho makïrar,

TUMWÖY 45:14

Kakimïtyï nyinte pöytoghin, loköy sïra nyo kikïsïl, kïrïpöy tipö kensyö nyinte.

MATAYO 19:12

Ompöwölo mi ortïna cho chang cho ighöy pich memï kïkensyö: mi walaka cho kikïyï lenyoni, kïmi cho kigh pikö walaka lenyoni, kïmi cho machamcha kïkensyö akwompö Pöyunöto Yïm. Anka tïkwïl nyo muköy kïtoköy kinetutyononi akany kïtak.”

EPESO 5:27

atökumïtyï kegh kanisa nyo tïng töroryö nyo mötïngnye kemeryan anta nyömpïghöt.

EPRANIA 12:23

Katïtekwa wölo nyoryegho Tororöt nko monechi cho le poretay cho kikekir kaynötutkökwa ompö yïm. Kapkanakwa wölo mi Tororöt nyo le kirwokinto pich kïmïkul nko nyo pö mïkulis pö pich tïkwïl cho kikegh kïtïlilöchitu.

NGONGUT 21:22

Kimosöchanye Kö pö Tororöt kanasyantanoni ompöwölo nyinte Echotyon Tororöt Kimuktoghin nko Wawa Kech nyo le Kö pö Tororöt ompö kanasyantanoni.

NGONGUT 21:23

Kimönyorchininye kanasyantanoni löpoyïntanyi asis anta arawa ompöwölo lïwchini nyinte ororyo Tororöt akï tayenyi kï Wawa Kech.