NGONGUT 14:3 - PIPÏLIA

³ Kughyongo pïchoni le 144,000 tawu ngacharu paytagh nko tyonchoni le angwan sötote nko poyichoni. Kimi pïchoni kïtumöy tum nyo rel, tum nyo kimemïnye chito anka kunet kegh kïpoto chane. Akï pïchoni opïn ompö ptangengmötin kïmïkul cho kikïsörunö ngwïny.

NGONGUT 14:3 Referans Kwoze

NGONGUT 5:9

Kïtum chane tum nyo rel kïlentöy, “Mïchininyi chenge kitapï atemuta, apït möcheywechoni kikïngostö. Ompöwölo kikïparinyi, aipchinyi Tororöt pich ompö meghengu, pich cho kipkana punton kïmïkul, nko kutïw löwïr nko pich löwïr nko cho pö koros tïkwïl.

NGONGUT 14:1

Atolapay asïwan Wawa Kech kughyongo kutïng pö Sayon* nko pich 144,000 cho kikikirchï tokochwekwa kaynata Yeso nko nyo pö Kwanta.

NGONGUT 15:3

Kimi chane kïtumöy tum pö Musa, mötworinto Tororöt nko tum pö Wawa Kech kïlentöy, “Echotyon Tororöt Kimuktoghin, wechï echön akï pö töngönchin ighisyewutköku! Nyi nyo ichï pöytoghinto punton löwïr, tenote akï pö man kïtya ortïneku!

NGONGUT 2:17

“ ‘Ato itïng chi yitïn, ilïm ngal cho mwochini Mïkulögh kanisen! Otöninan chi nyo rïntoy kwomöy mana cho wïngote. Otöninan nyinte tïkwïl kogh nyo rel nyo kikikirchï kaynat nyo rel nyo menkïtnye chi anka kïpoto chichini onkït kitöni.’

ISAYA 42:10

Otumchinö ECHOTYON tum nyo rel otumchinö ngwïnya kïmïkul salatenyi! Asala nyinte akwa cho opegho nanam, asala tïkwïn löwïr cho mi nanam ori, otumö koroswö cho lowöch nko löwïr cho möngöy koroswechoni!

TUMWÖY 149:1

Asala ECHOTYON! Otumchinö nyinte tum nyo tökïrel asalena nyinte tuyo pikachi cho ghönote!

TUMWÖY 98:1

Otumchinö ECHOTYON tum nyo tökïrel, ompöwölo kegh nyinte ngala töngönchin! Karïnta nyinte ompö ewunyi tagh akïlotisyö ompö owesyenyi nyo wow.

TUMWÖY 40:3

Kinetanïn tum nyo rel, tum nyo sölöy Tororötïncha. Lïmöy cho chang tumoni akïmïghyö akukön ECHOTYON.

TUMWÖY 144:9

Otumunyi tum nyo rel, we Tororöt, otumunyi sölut ompö pïkan.

TUMWÖY 96:1

Otumchinö ECHOTYON tum nyo tökïrel! Otumchinö ECHOTYON pipö ngwïny kïmïkul!

TUMWÖY 33:3

Otumchinö nyinte tum nyo rel, opïtö pïkantis lasiny ateghyö ompö ngörekyö.

1 KORINTO 2:14

Melö toköy chi nyo mi otöp nyo pö por ropöw cho konu Mïkulöwu Tororöt, ompöwölo sölwontön tïkuchoni ompö nyinte, ompöwölo kinkïtuno tïkuchoni ara mïkulögh.

TUMWÖY 25:14

Nömöy ECHOTYON kongot nko pich cho konyïtöy nyinte akuporchini chane mumenyi.

1 KORINTO 1:18

Sölwontön ngala megha Kristo ompö kimurtöwon ompö pich cho potyot, wölo ompö acha cho kïmi kesörwech, kï owesyo Tororöt.

NGONGUT 7:4

Kemwowanïn nyu lö pïchini kikitö macheyu Tororöt tokochwekwa kï pich 144,000 cho kipkana Punton taman nko odeny cho pö pipö Israel: