NGONGUT 12:12 - PIPÏLIA

¹² Kïlenyona, ongörekyenö nyu yïmwöy nko akwa löwïr cho omitö wöloni! Wölo ochech ompö akwa cho omöngöy nko nanam! Ompöwölo körökï Onyöto kungwïn wöloni omitekwa akïnarekate tya, ompöwölo nkït lö kikïrich kuwonyö pöroyïn nyo muköy kwigh kïgh.”

NGONGUT 12:12 Referans Kwoze

NGONGUT 8:13

Atolapay asïwan, alïman sich nyo kipilo kwenu yïm nyo kingölono kut nyo wow tya kïlentöy, “Heywey! Wechï ghöyitu ompö pich cho möngöy ngwïny ato kut malaykenichoni köngötï le sömök kontinekwa!”

ISAYA 49:13

Otumö yïmwöy! Aitegh ngwïnya ompö ngörekyö! Akanya kuteghyö kutïngkotï ntökïkörerisyö otini tumöy! Soghsoghöy ECHOTYON pikachi, syonchini chane ompö kiwongunötengwa.

NGONGUT 18:20

Ngaraka yïmö ompö kiwurata Papilon! Ongörekyenö pipö Tororöt, kiyoktoghï nko werkoy! Ompöwölo kakurwokyï Tororöt nyinte ompö tïkwïn cho kighwakwa!

NGONGUT 10:6

akwama muma kaynata Tororöt nyo satate kokay nko kokay, nyo kigh yïm nko ngwïny nko nanam nko kïgh anka tïkwïl nyo mi oringwa. Kïlö malaykayantanoni, “Kikuwonyö osiswö cho kïköngöy lö oyï ato ighöy Tororöt tïkwïn cho kikikïtat!

NGONGUT 11:10

Ngöreksot pipö ngwïny akïturonchö ompö megha pïchoni kwodeny. Ngörökyini akïropchï kegh ropöw ompöwölo kisus tya werkoyichoni kwodeny pipö ngwïny.

NGONGUT 9:12

Kakuwer nyarïlto tagh, wölo tökïmi kichoputkö walaka odeny cho tökïpkonöy.

LUKA 15:10

Kïlenyoni tïkwïl, ngörökyini malaykeni Tororöt mwokïyon akonga nyo kökötö ngokichi.”

NGONGUT 11:14

Kewonyö ompö atoni nyarïlto odeny, wölo itu nyete ye lawel nyarïlto sömök!

2 PETRO 3:8

Wölo mowutyeghö kïgh akonga tupchenichu! Möminye sisïn ompö tawu Echotyon kwenu asis akonga nko könyis elpu akonga, karkegh choni ompö nyinte.

EPRANIA 10:37

Ompöwölo mwoghöy Kikirut lö, “Tomönye kite, kwitï nyinte nyo ngwïnöy ameropunye.

LUKA 2:14

“Nya kwororit Tororöt nyo mi wölo töror tya, akïsïch ngwïnya kalya nyo pö pich cho le chamankachi.”

ISAYA 44:23

Otumö yïmwöy ompö ngörekyö! Otumö tïkwïl wölnö le ngwen! Otumö kutïngkotï nko ket löwïr cho mi wuw! Ompöwölo kösörï ECHOTYON Yakopo akïnyorchini nyinte ororyö koro Israel.

NGONGUT 12:9

Ketyorchï sany ntaranoni wow. Nyinte kï moroyonanya pö köny kikuro, Onyöt anta Oyin, nyanye kigh pipö ngwïny kïmïkul kwigh ngokï. Kikityorï nyinte kungwïn ngwïny nko malaykenichi löwïr.

NGONGUT 13:6

Ompö atoni nyu kutor kumwa Tororöt nko kaynenyi nko wölini möngöy nyinte nko chane löwïr cho möngöy yïm.