NGONGUT 10:5 - PIPÏLIA

⁵ Atolapay asïwan malaykayantanay kighyongo nanam nko kor wölo tïyame kïsyolöy ewunyi nyo pö tagh kutang yïm

NGONGUT 10:5 Referans Kwoze

DANIEL 12:7

Kïsyol chichay morichi kutang yïm akuwalwal kegh ompö kaynata ECHOTYON nyo söpöy kokay akïlö, “Lïku könyis sömök nko aro mut nko akonga. Ighisyot tïkuchï löwïr ato wonyö kichopata kong nyo pö pipö Tororöt.”

KINONO KIRURUT 32:40

Ochan Tororöt nyo söpöy, osyolan ewunyu awalwal lö,

NGONGUT 16:17

Atolapay kïmïlchï malaykayanteto mut nko odeny tïkwïn cho kimi pakulinyi paraku wölnö le mïröt. Atoni nyu kungwïna kut ngacharu pö paytagh mi Kö pö Tororöt nyo kilentöy, “Kikwigha kumuchö!”

NGONGUT 14:7

Kïmwa nyinte ompö kut nyo wow lö, “Okonyïtö Tororöt, asal töroryenyi! Ompöwölo ketïta ato rwokyini nyinte pipö ngwïny. Asagha nyinte nyini kigh yïm nko ngwïny wölo tïyame nko nanam nko kori pöghon!”

NGONGUT 10:2

Kitïng ompö ewunyi kitapï nyo mïnïng nyo yatate. Kikanagh keltanyi nyo pö tagh nanam, kukanagh keltö nyo pö löt kor wölo tïyame

NGONGUT 4:11

“Ichinyi Echotyontencha aichï Tororötïncha! Mïchininyi taka ororyö nko konyït nko owesyö. Ompöwölo nyi nyo kitowï tïkwïn löwïr, akïmi tïkuchoni kïsöpsot ompö machatengu.”

IGHISYEWUT 14:15

“Kölö ne taghakwa le nyï nya pïchï? Kichicha ptangengmötin le akwa! Kïmitecha yi kemwowokwa Lökoy cho Karamach, cho pö Yeso atamuka owöghökisyenö atömasagha ngat tïkuchï mötïny kinyiwut apkonchï Tororöt nyo söpöy, nyo kigh yïm nko ngwïny nko nanam nko tïkwïn lapay cho mi orinyi.

NGONGUT 4:9

Kïpechï tyonchay sötote le angwan kïtumchï tumwöyi ororyö nko konyït nko kisoyönöt nyinte nyini kitöpo ngacharu paytagh, nyinte nyini söpöy kokay,

NGONGUT 1:18

Ochan nyinte nyo satate! Kikyameghan, wölo ochan ye satate kokay nko kokay. Otïngetan owesyö ompö meghat nko ngwen.

NEEMIA 9:6

Atolapay kïsagh Esra lö, “Ichinyi ECHOTYON onkït, kighanyi yïm nyo pö yïmwöy nko kokel nko ngwïny nko tïkwïn löwïr cho mi ori. Akighanyi nanamtin nko tïkwïn löwïr cho mi ori. Ikomönenyi chane löwïr akï soghinyi söpïchis pö yïm.

WUWÖT 20:11

Ompöwölo kigh ECHOTYON yïm nko ngwïny nko nanam nko tïkwïn löwïr cho mi oringwa ompö osis mut nko akonga, atolapay kumuny ompö asispa mut nko odeny akusoyön asispa Sapato akutïlil.

TOWUNÖT 14:22

Kuyokyï Apram pöytoghintonay pö Sodoma lö, “Owolwolan ompö ECHOTYON, Tororöt nyo Töror Tya nyo kigh yïm nko ngwïny

EPRANIA 6:13

Otini kiyomis Tororöt Apraam kwama muma kaynenyi lö lïku man kiyomisötenyi ompö Apraam. Akwompöwölo kimöminye chi anka nyo wow kïsir nyinte, kïpöghisyeghö kaynenyi kegh kwama muma.

RUMI 1:20

Kïngeta towunöto ngwïny, kipköchï pich lötok owesyo Tororöt nyo pö kokay nko Tororötnötenyi kïrkegh nyo mösïwïyinye chi ompö kong, wölo kirumu ompö tïkwïn cho kigh nyinte. Kïlenyona mötïngnye pïchoni kïgh nyo gheto kegh kigheghchin.

IGHISYEWUT 17:23

Ompöwölo kowestotan awerata kanasyantenkwa kïmïkul asïwan wölo osoghonekwa anyorwan tïkwïl wölo kïpelo körostin tïng kikirut cho lentöy, ‘Ompö Tororöt nyo menkïtnye chi!’ Nyoni osoghekwa amonkït, nyo omökan omwowokwa.

ESEKEL 20:5

Atolapay ilenchï chane, lentöy Echotyon TORORÖT, otini kyakïlan pipö Israel, kyaman muma lö oporchinan kegh chane ompö Misri. Kyowolwolchan kegh chane lö ochan Echotyon TORORÖTïnkwa.

TUMWÖY 146:5

Ngarakate chi nyo nyorchini kingörokut Tororöt pö Yakopo akukönöy ECHOTYON Tororötïnyi,

WUWÖT 6:8

Omïtokwa kor nyo kyawalwalan lö otönan Apraam nko Isak nko Yakopo. Ochan ECHOTYON.’ ”

ESEKEL 47:14

Ichagh kïkarkegh, ompöwölo kyawalwalan lö otöninan papotïneku. Lïku koronï nyinkwa.

ESEKEL 36:7

Kïlenyona owolwolan lö wonguno ye nyu puntonï roröchin tïkwïl.

ESEKEL 20:42

Otini kopkokwa apkana koro Israel nyini kyowolwolchan papotïnekwa lö otöninan chane onkïtukwa nyu lö ochan ECHOTYON.

ESEKEL 20:28

Ompöwölo nyini kyopön chane koronini kyowolwolchan lö otöninan chane, nyini kisiwa kutïng kipa kïropta amörostinekwa ompö wölini nko ompö ket cho tïnkusöch, kwighanïn anarekan nyoman ompö ropöwekwa cho kipelöy nko dipay* cho kïroptoy.

ESEKEL 20:23

Kïlenyona awalwalan ompö surkwen lö otoytoyonan chane kïghomï punton akïyasta kïghomï koros.

ESEKEL 20:15

Atolapay owolwolchan chane ompö surkwen lö melö topan chane koronay kyotönön chane, kor nyo yintoy chö nko kumat, kor nyo pïchigh kïtïl koros löwïr.