NGONGUT 1:8 - PIPÏLIA

⁸ Mwoghöy Echotyon Tororöt Kimuktoghin, nyo mi akï nyo kimi akï nyo tökungwïnöy lö, “Ochan nyo pö tagh nko nyo pö löt.”

NGONGUT 1:8 Referans Kwoze

ISAYA 44:6

Mwoghöy ECHOTYON Kimuktoghin, nyo pöytoy akïghetöy Israel lö, “Ochan nyo pö tagh, achan nyo pö löt, Tororöt nyo le nyinte onkït, möminye anka kïpoto ani.

NGONGUT 22:13

Ochan Alpa nko Omeka, towunöt nko söröm, nyo pö tagh nko nyo pö söröm.”

ISAYA 43:10

“Ochikwa söwichan, we pipö Israel, kyakïlakwa alïkwï mötworichan atamukakwa onkïtwanïn aghananïn, ankïtï lö ani nyo le Tororöt onkït. Möminye tororöt anka kïpoto ani, kimöminye otini le könyisyok akï möminye su kokay.

ISAYA 48:12

Lentöy ECHOTYON, “Atere ngalechan pïchï pö Yakopo, akwa pipö Israel cho kyokurokwa! Ochan Tororöt, ochan nyo pö tagh nko nyo pö löt, Tororöt nyo le ante onkït!

NGONGUT 21:6

Akïlenchanïn, “Kikwighisyö! Ochan Alpa nko Omeka towunöt nko söröm. Otöninan chi anka tïkwïl nyo amate maral kïgheghöy pögh kwïle cho pkono kongpa pögho söpon.

ISAYA 41:4

Ngo nyini kigh kwigha lenyoni? Ngo nyini kitat ara rïntagh? Ani ECHOTYON nyo kyomitö kïngeta otini le towunöt, akwani ECHOTYON nyo omitö atoni le söröm.

NGONGUT 1:4

Ani Yoana nyo kokirchï palalyantanï kanisen mut nko odeny cho mi koro Esya. Nya kïtöpö pöropchö nko akwa nko kalya nyo ngwïno Tororöt nyo mi akï nyo kimi akï nyo tökungwïnöy nko cho pkono wölo mi mïkulis cho le mut nko odeny cho mi tawu ngacharunyi pö paytagh,

NGONGUT 11:17

akïmwa lö, Kiyokucha nyi sörö, “We Tororöt Kimuktoghin, nyo imitö ye akimitö könyisyok! Ompöwölo kepöghisyeghenyi owesyengu nyo wow aitor ipayta!

NGONGUT 1:17

Otini kyasïwan nyinte, opïtyan kelyechi le chi nyo kima. Kukanaghanïn ewunyi nyo pö tagh akïlö, “Mewöghisïyi! Ochan nyo pö tagh achï nyo pö löt.

NGONGUT 2:8

“Kirchinö malaykayanta kanisa Smurna lö, ‘Anyï ngölyon nyo ngwïno nyinte nyo pö tagh akï pö löt, Alpa nko Omeka nyo kima akïsöpöy ngat.

NGONGUT 4:8

Kitïng anka tïkwïl ompö tyonchoni sötote le angwan köpepoy mut nko akonga, akighömï konyïn chane le chankonyïn chane kitumöy chane kïpuryö kimïny pöghet nko nangat kïlentöy. “Tïlil, tïlil, tïlil Echotyon Tororöt nyo le Kimuktoghin, nyo kimi akïtökïmi akï nyo tökungwïnöy.”

2 KORINTO 6:18

Olïkunan Paponkwa alïkukwa werköchan mwoghöy Echotyon Kimuktoghin.”

ISAYA 9:6

Kakïyiywecha monïng! Kakïkonecha worö! Akïlïku nyinte pöytoghintencha. Kïkuro kaynatenyi, “Kirurin nyo pö Töngönchin,” “Tororöt nyo Awes,” “Papo nyo pö Kokay,” “Pöytoghinto Kalya.”

TOWUNÖT 49:25

Ngörokinyi Tororöt pö papongu, Tororöt Kimuktoghin nyo soyöninyi ompö kisoyönut cho pö yïm nko kisoyönut cho pkono ngwïny nko kisoyönut pö kitïn nko yiyö.

NGONGUT 19:15

Kichumuna kutinyi chok nyo ngatip nyo kipöghisyeghö kirïnta pipö koros. Pöytoy nyinte chane ompö köromnyö akïpïröy pögho sapipun ompö wölo kïpïro dipay* cho pö nörekyo Tororöt Kimuktoghin.

NGONGUT 16:14

Mïkulis pö oy chane cho ighöy töngönchin. Petöy mïkulischoni kïsömök wölo mi pöytoghi ngwïny kïmïkul atökutuyö chane löwïr ompö poryot ompö Asis nyo wow nyo pö Kimuktoghin Tororöt.

NGONGUT 21:22

Kimosöchanye Kö pö Tororöt kanasyantanoni ompöwölo nyinte Echotyon Tororöt Kimuktoghin nko Wawa Kech nyo le Kö pö Tororöt ompö kanasyantanoni.

WUWÖT 6:3

Kyongwïnchan Apraam nko Isak nko Yakopo le Tororöt Kimuktoghin, wölo moporchanye kegh chane ompö kaynenyan, ECHOTYON.

NGONGUT 1:11

nyo kilentöy, “Kirchinö kitapï ngal cho isïwïyenyi aipchï kanisenichay le mut nko odeny, kanisa: Epeso nko Smurna nko Perkamo nko Tuatira nko Sardis nko Piladelpia nko Laodikea.”

TOWUNÖT 35:11

Atolapay kïlenchï Tororöt, “Ochan Tororöt Kimuktoghin, isïch monïng cho chang. Pkono nyi pich cho le pipö kor akonga akïpkono nyi chongïn pö pipö koros akïpkono portöngu pöytoghï.

TOWUNÖT 28:3

Nya kuperurinyi Tororöt Kimuktoghin akwigh piko yiyengu kïtösisyö, atelïkuna pipö punton cho chang.

TOWUNÖT 17:1

Otini kitïng Apram könyis 99, kuchumchï ECHOTYON akïlenchï, “Ochan Tororöt Kimuktoghin. Tekanïn aitöpö kïpuryö kigheghchin ompö ani.

KIYITUT 24:4

Nyo lïmöy lasiny kïgh nyo mwoghöy Tororöt nyo sïwïyi sïwïyaghpa Kimuktoghin akurosïtoy konyichi.

TOWUNÖT 43:14

osoghan Tororöt Kimuktoghin kusoyönokwa tökusyonchokwa chichoni, tökutyokwokwa werïnkwa nyay ratate nko Penchamen. Wölo omwoghan nyï le ani lö, ato kewonyeghenanïn monïngö, kuwonyö!”

TOWUNÖT 48:3

Akïlenchï Yakopo Yosep, “Kengwïnchanïn Tororöt Kimuktoghin ompö Lus koro Kanan akusoyönanïn,

WUWÖT 3:14

Kuyokyï Tororöt lö, “Ochan nyo Ochan. Mwochinö pipö Israel lö, ‘OCHAN nyo keyokwanïn wölo omitekwa.’

NGONGUT 15:3

Kimi chane kïtumöy tum pö Musa, mötworinto Tororöt nko tum pö Wawa Kech kïlentöy, “Echotyon Tororöt Kimuktoghin, wechï echön akï pö töngönchin ighisyewutköku! Nyi nyo ichï pöytoghinto punton löwïr, tenote akï pö man kïtya ortïneku!

NGONGUT 16:7

Atolapay alïman kut nyo kingölonuno ato kïpelo amöros kïlentöy, “Owöy, Echotyon Tororöt Kimuktoghin! Kinyorï pich nyörilwokchete ompö kirwokengu nyo pö man!”

NGONGUT 19:6

Atolapay alïman kïgh kïchögh le söpïch nyo wow, kichögh le puseryon nyo wow nyo soytegho ghatoy, chöghöt nyo kilata tïlöto ilat nyo wow akï nyo lentöy, “Nya kïsala Tororöt! Ompöwölo pöytoy lapay Echotyon Tororötïncha nyo le Kimuktoghin!