NGONGUT 1:7 - PIPÏLIA

⁷ Arose anyinö ngwïno poltoy! Akïsïwïyi chi anka tïkwïl nyinte nko ompö pïchini kipïsïgh nyinte. Teghsot puntoni ngwïny kïmïkul ompö nyinte! Lïku nyoni ngalechï nyo mötïny! Amen.

NGONGUT 1:7 Referans Kwoze

MATAYO 24:30

Atolapay kïrumunö kiporunöto Wero Chi yïm. Riryöt nyu puntoni ngwïny löwïr otoni söchï Wero Chi kungwïno poltoy nko owesyö nko ororyö nyo wow.

SAKARIA 12:10

“Onyïghitan mïkulöwu kisyonchin nko saghat pipö ara pöytoghin Daudi nko pipö kanasyanta Yerusalem. Ato topön chane nyinte nyo kipara chok, kïsönönchï le chi nyo sönönchini montanyi nyo le akonga atoma, anta le nyo kamegha poretyenyi.

DANIEL 7:13

“Asïwan ompö sïwïyaghpa oghö, kungwïn ompö polta akong nyo lata ptangengmöt akïwö wölo mi nyinte nyo kisöpöy kïngata könyisyok kïtöpö tawunyi.

YOANA 19:37

Akïmi Kikirutkö walaka cho lentöy, “Topönöy chane asïyech chichoni kipïsïgh chane.”

MARKO 14:62

Kïlö Yeso, “Ochan asïwïyekwa Wero Chi kumpuröy okumpö tagh nyo pö Kimuktoghin nyo pö owesyö löwïr akungwïnöy ompö poltoy pö yïm.”

LUKA 21:27

Atolapay kïsïwa nyu chane Wero Chi kungwïno polta nko owesyö nko ororyö nyo wow.

1 TESALONIKE 4:17

Atolapay ketuyecha cho kïchï sötote atoni nko chane ompö poltoy atöketarocha Echotyon ompö mïröt atöketïpinö nyu kokay nko Echotyon.

1 TESALONIKE 1:10

amitö oköngöy Werïnyi nyo ngwïno yïm nyo kigh Tororöt kututunö ngwen, nyoni kï Yeso akï nyinte nyo sörunenecha nörekyo Tororöt nyo ngwïnöy.

MARKO 13:26

Atolapay kïsïwa chane Wero Chi kungwïno poltoy ompö owesyö nyo wow nko ororyö.

YUDA 1:14

Kingor werkoynön Enok, nyo kile kuköto mut nko odeny kïngetunö Adam paraku pïchete lö, “Ngwïnöy Echotyon nko malaykenichi cho tïlilöch cho le elpun cho chang.

MATAYO 26:64

Kuyokyï Yeso nyinte lö, “Kemwaghanyi! Wölo omwowokwa ye lö osïwïyekwa kïngeta ye Wero Chi kïtöpo ewu tagh nyo pö Kimuktoghin Tororöt akungwïno poltoy ompö yïm.”

NGONGUT 22:20

Mwoghöy nyinte nyete söwintönchini ngalechï lö, “Owöy! Ongwïnan lawel!” Amen. Nyonö Echotyon Yeso!

TUMWÖY 22:16

Kewitanïn söpïchis pö mwokïyis, kukïdinechoni kerikanïn. Pokpoköy chane morichan nko kelyechan.

1 YOANA 3:2

Chamankachu, kïchicha ye monïngo Tororöt, wölo tömönye kengongwï lasiny lö kïnenöchitucha. Wölo kinkïtöcha lö ato kïngongwï Kristo,* kekörecha kegh nko nyinte, ompöwölo kïsïwïyecha nyinte le wölo lata.

TUMWÖY 97:2

Kiwitwit poltoy nyinte nko tuwïn, chïchïmo paytaghtanyi kitenat nko man.

EPRANIA 10:29

Anane nyu lasiny lö nyarïl nyo ngwan kïtya nyo sïköy pich cho sösöy Wero Tororöt akïsas kisön pö muma Tororöt cho mwöto pich ngokï akuswom Mïkulöwu Tororöt nyo ipu pöropchö.

AYUPU 33:26

Soghöy Tororöt, akïcham saghatenyi wetöy tawunyi ompö ngörekyö akuyokyini Tororöt cho mantanyi

ISAYA 19:1

Anyï ngölyon nyo ngölono koro Misri. Itu ECHOTYON koro Misri, akungwïno poltoy cho ryöghöy lawel. Potonchegho körkeyïntinö tawunyi cho soghöy pipö Misri. Wonyegho nyu nyakanat pïchoni pö Misri.

NAUM 1:3

Melö kwïskwïs kïnarek ECHOTYON, wölo wow owesyö nyo tïng. Melö pïstoy mwokïyon kïchïwït mönyorï sitöt. Ngeto chepkiriri atoni kewerata ECHOTYON, poltoy kï terïtyon nyo ngetuno atona katïk kelyechi.

YOANA 19:34

Wölo kïpïsïghö ngot karastanyi askaryon akong akïtökïnyini lawel, kïpkana kisön nko pögh.

KIYITUT 24:17

Osïwïyan nyinte wölo tökïlow, otopönan nyinte wölo melö lekït. Pusuno tapogh Yakopo akungwïno pöytoghintö Israel, nyo pöröy kintöghoghi Moap akuwany ara Set.

TUMWÖY 68:1

Ngetöy Tororöt akutoyö pungkachi, pertoy chane cho wököy nyinte.

KIRWOKÏ 5:31

Nya kuwonyö punköku, we ECHOTYON! Wölo ikany kulïwï kongotiku le asis otini kapusï ompö owesyenyi. Kïnyorï korononi kalya ompö könyis tömönut angwan.

NGONGUT 22:4

Sïwïyi chane tokochu Tororöt akekiröy tokochwekwa kaynata Tororöt.

EPRANIA 6:6

atolapay kïpïstö kighanatengwa, kïmökïminye nyu or ngat nyo kiyokuno chane tökïkötö, ompöwölo köwudochï chane Wero Tororöt kimurtöwon akurat nyinte ompö tawu pich.

SAKARIA 12:11

Wow sönönöto asisoni ompö Yerusalem, lata nyo kimi kanasyanta Adad Rimon ompö mpöghoghöyi koro Mekido.

MATAYO 16:27

Ompöwölo, ngwïnöy Wero Chi atoni ompö ororyeto Kwanta nko malaykenichi atökïghokyï chi anka tïkwïl kïrïp kegh nko ighisyewutkachi.

MATAYO 16:28

Omwowokwa nyoman lö mi pich yeteyi cho melö sïwïyi meghat ntökïtenö kïsïwa Wero Chi kungwïnöy ompö Pöyunötenyi.”

MATAYO 25:31

“Otini kengwïn Wero Chi ompö ororyö kïmi nko malayken löwïr kïtöpö ngacharenyi nyo pö paytagh,