NGONGUT 1:6 - PIPÏLIA

⁶ akwighecha kelïkuna tïsï cho pöghisyechini Paponyi Tororöt. Nya nyu kïpöyit ororyö Yeso Kristo nko owesyö, kokay nko kokay! Amen.

NGONGUT 1:6 Referans Kwoze

NGONGUT 5:10

Keghanyi chane kilïkwï pipö pöyunöt nko tïsï cho pöghisyechini Tororötïncha, akïpayta ngwïny.”

NGONGUT 20:6

Soyönote kïtya chi nyo nyoru kitutunötononi pö tagh kikïkonï kegh chichoni ompö pöghisyo Tororöt mökwidonye kïgh pich cho le choni meghat nyo pö odeny. Lïku chane tïsi Tororöt nko cho pö Kristo akïpöytoy nko nyinte könyis elpu akonga.

WUWÖT 19:6

pich cho kikengot kïpöghisyeghwanïn akï pipö punton akonga cho tïlilöch.’ Imwochinenyi pipö Israel ngalechï.”

ISAYA 61:6

Kïkurenokwa nyu, “Tïsi ECHOTYON,” akekurokwa lö, “Mötwori Tororötïncha.” Omekwa sïkönöto pipö koros akwolökwa kegh sïkönötengwa.

RUMI 11:36

Ompöwölo pkono tïkwïn tïkwïl wölo mi nyinte akïmi tïkuchoni löwïr ompö owesyenyi akwompö parakunyi. Nya kïsïch Tororöt ororyö kokay! Amen.*

NGONGUT 4:11

“Ichinyi Echotyontencha aichï Tororötïncha! Mïchininyi taka ororyö nko konyït nko owesyö. Ompöwölo nyi nyo kitowï tïkwïn löwïr, akïmi tïkuchoni kïsöpsot ompö machatengu.”

2 PETRO 3:18

Wölo atasa tagh oghetunö ompö pöropchö nko kinkïtöto Echotyontenyo akï Ghetintenyo Yeso Kristo.* Nya kïsïch nyinte ororyö kïngeta ye nko kokay! Amen.

DANIEL 4:34

“Nyini kiwonyö könyiswechay le mut nko odeny arosan yïm, kuyokwï kegh kinonutköchan. Asalan nyu Tororöt nyo Töror Tya, akonyït nyinte nyo söpöy kokay. Ompöwölo pö pöyunötenyi kokay nko kokay akïtöpo pöyunötenyi ompö pïnwöy löwïr.

1 PETRO 4:11

Ato kikïkurïn lïkuna ngölonin, ingalan kïrïp kegh nko ngölyonto Tororöt, kïkany nyo pöghisyechini pikö walaka, kïmïchini kwigh lenyoni ompö owesyö nyo töni Tororöt nyinte. Ato aghakwa lenyoni, kïnyoru Tororöt salat ompö ara Yeso Kristo nyo nyenyi ororyö nko owesyö kokay nko kokay. Amen.

EPRANIA 13:21

Nya kïkonok Tororöt pö kalya kïgh anka tïkwïl nyo omökekwa atamuka agha machatenyi, nya kwigh nyinte kïgh anka tïkwïl nyo tenate ompö ara Yeso Kristo. Nya kïpöyit Kristo ororyö kokay nko kokay! Amen.*

PILIPI 2:11

atökïmwagha anka tïkwïl kutinyi lö, Yeso Kristo kï Echotyon, ompö ororyo Tororöt Papo.

RUMI 15:6

atamukakwa lapay, ompö kut akonga asala Tororöt, Papoto Echotyontenyo Yeso Kristo.

YOANA 5:23

atökutö pich tïkwïl konyït Weri le wölini töni chane konyït Kwanta. Anka tïkwïl nyo mökonyïtönye Werïnyi, kïmökonyïtönye Kwanta nyo kiyonï nyinte.

MATAYO 6:13

Amemïtyecha wölo mi tyamata, wölo isörunenech Onyöt.’

1 TIMOTEO 6:16

Nyinte onkït nyo söpöy kokay, akï töpuno wölo mi löpoyïn nyo memukönye chi tökïrich. Möminye chi nyonikïny nyo kikïsïwa nyinte anta nyo muköy kïsïwa nyinte. Nya lïkwï nyenyi konyït nko paytagh nyo pö kokay! Amen.*

1 PETRO 5:11

Nya kïsïch nyinte owesyö kokay! Amen.

DANIEL 7:14

“Ketö nyinte paytagh nko ororyo nko pöyunöt, atökïpöghisyechï pich nko punton nko kutïw löwïr nyinte. Melö weröy paytaghtanyi nyonikïny, amelö wonyot pöyunötenyi.

NGONGUT 1:9

Ochan werïnkwa Yoana nyo oghömöy nyarïlwok ompö mïkukönöt nko akwa, cho nyoru pich cho kikïghömö nko Yeso akïpöyit Pöyunötenyi ompö. Kikitönanïn Patmos kor nyo kikwen nanam, ompöwölo kyomtonan ngölyonto Tororöt asöwintönchini Yeso.