NEEMIA 9:8 - PIPÏLIA

⁸ Ompöwölo kisïwenyi lö kighöninyi nyinte kyamanyi muma* nko nyinte lö, itöninenyi monechi koro pipö Kanan nko koro pipö Ititi nko Amori, koro pipö Peris nko Yepusi nko Kirkasyi. Kepuntenyi ye nyu kiwalwalatengu, ompöwölo ipoyenyi man.

NEEMIA 9:8 Referans Kwoze

EPRANIA 6:18

Mi nyu tïkuchoni le odeny: kiyomisöt nko muma, memuköcha tïkuchoni ntökïwöghökisyö, amemukönye Tororöt kïmwoghöy putintön, nyo ighecha chï kiketach kiyomisötononi kekile kegh lasiny otini kïmitecha kerïpöy kikönöt nyo kiketö tawuncha.

TOWUNÖT 15:6

Kughan Apram ECHOTYON, kïngarak ECHOTYON ompö nyinte akuyit lö, chi pö man.

YOSWÖ 23:14

“Akï ye, karich oweghan ngwïnyinï, ankïtökwa ompö mïkuliskökwo nko söponwekwo lö, melö mi kïgh nyo le ompö akonga nyo kirarta ompö tïkwïn löwïr cho karamach cho kiyomiswokwa ECHOTYON Tororötïnkwa. Kikupuntö löwïr, marartanye ompö akong.

TOWUNÖT 12:7

Kuchumchï ECHOTYON Apram akïlenchï, “Otöninan moneku koronete.” Atolapay kïtekyï Apram ECHOTYON ato kïpelo amöros.

1 YOANA 1:9

Wölo ato kïngangacha akelasta ngokicho, ghanate Tororöt akwighöy man. Löstewecha nyinte ngokicho akïmwatecha ompö ghöyityenyo anka tïkwïl.

EPRANIA 11:17

Kigh kighanata Apraam kutötö werïnyi Isak kïlïkwï amöros, otini kimököy Tororöt kïtyömöy nyinte. Ki chichoni le Apraam nyoni kitö Tororöt kiyomisöt, wölo kïrkegh kïlenyoni, kicham kutötö werïnyi nyo le akonga onkït kïlïkwï amöros,

TITO 1:2

nyo rïpöy kegh nko kikönöto söpon pö kokay. Kiyomiswecha Tororöt, nyo mömïrönye putintön söpononi kïngeta otini le towunöt,

IGHISYEWUT 13:22

Kïkany kunategha nyinte, kutö Tororöt chane Daudi kïlïkwï pöytoghintengwa, akïsöwintönchï lö, ‘Kasïwan Daudi wero Yese lö chi nyo koyöran akï chi nyo ighöy machatenyan lapay.’

YOSWÖ 11:23

Kïlenyona kïcheng Yoswö kore löwïr le otini kimwochï ECHOTYON Musa, kutö Yoswö pipö Israel kore kïlïkwï nyingwa nyo chengöy kïrïp kegh nko ortïnekwa. Kumuny nyu kore ompö poryot.

YOSWÖ 11:3

ntökwit okumpö kongasis nko okumpö ta nko pipö Kanan Amori nko Ititi nko Peris nko Yepusi cho möngöy koro komos nko pipö Ipiti cho mi Ermon to koro Mispa.

YOSWÖ 9:1

Otini kilïm ngalechï pöytoghï löwïr cho kimöngöy Yordan okumpö ta, wölo le kutïngkot nko tömköy nko sörömu nanampa Kwen, kaparta Lepanon koro pipö Ititi nko pipö Amori nko pipö Kanan nko Peris nko Ipiti nko Yepusi,

KINONO KIRURUT 26:3

Ape wölo mi tïsin nyo pö osiswechoni alenchï, ‘Kachaman asisete ompö ECHOTYON Tororötïnyan lö katwan koronanye kiyomisyï nyinte papotïnecha lö okonecha.’

KINONO KIRURUT 9:5

Melö ompö mantankwa anta ompö otöptönkwa nyo karam, nyo ighöy ECHOTYON kïkonokwa korengwa wölo kayon nyinte chane ompö ghöyityengwa. Atö kumï ngat kukïniniö ngölyontenyi nyo kiwolwolchï papotïnekwa ompö Apraam nko Isak nko Yakopo.

KINONO KIRURUT 7:1

“Mïtokwa ECHOTYON Tororötïnkwa ntat koronini opetekwa ochengöy. Yonöy nyinte puntonichï chang. Choni kï: pipö Ititi nko Kirkasyi nko Amori nko Kanan nko Peris nko Ipiti nko Yepusi. Owesöch puntonichoni le mut nko odeny kïtïlakwa.

KIYITUT 23:19

Melö lenye Tororöt chi nyo mïröy put? Amelö lenye chi nyo wöghököy ngalechi. Ato kimwa kwighöy akupuntoy kïgh nyo kiyomis.

WUWÖT 3:17

Oyomisan lö omïtwokwa apkanenakwa nyörilwok cho pö pipö Misri, omïtokwa koro pipö Kanan nko Ititi nko Amori nko Peris nko Ipiti nko Yepusi, kor nyo chang chö akï wow kumata.’

WUWÖT 3:8

Kïlenyona kangwïnan ngwïny atosörwan chane kïngetunö mori pipö Misri amïtan chane kïwuwö korononi kïpa kor nyo karam akï pöro. Kor nyo chang chö akï wow kumata, koro pipö Kanan nko Ititi nko Amori nko Peris nko Ipiti nko Yepusi.

TOWUNÖT 22:12

Kïlenchï malaykayantanay, “Meda kïgh montö anta ighchï kïgh anka tïkwïl nyo gha! Ompöwölo konkïtwan ye lö, ikonyïtenyi Tororöt, ompöwölo metaghenyinye werïngu nyini le akonga.”

TUMWÖY 116:5

Pöropchon ECHOTYON akwighöy man, tïng kisyonöt Tororötïncha.

KIYITUT 13:29

Möngöy pipö Amalek Nekep kïmöngöy pipö Ititi nko Yepusi nko pipö Amori wölo le okumpö kamas, kïmöngöy pipö Kanan wölo riköy nanampa Kwen nko sörömu lalwa Yordan.”

KINONO KIRURUT 32:4

“Ghat ECHOTYON akutenate ighisyenyi, ompöwölo pö man ortïnechi. Tororöt nyinte nyo möwöghokonye nyo puryö lelut, ighöy nyo karam amöminye lïsa.

2 SAMWEL 22:31

Pö man ara Tororöt poru ayomistanyi lö man, longa nyinte ompö chane cho ryöghchini nyinte.

1 OTÖPTINO OSIS 1:14

nko pipö Yepusi nko pipö Amori nko pipö Kirkasyi

1 OTÖPTINO OSIS 16:16

Muma* nyo kyam nko Apraam nko ayomis nyo kitö Isak.

ESRA 9:15

Iponyi man, we ECHOTYON Tororöt pö Israel, wölo keghechanyi kesöpchenö, wölo rosa kakïngangtecha ye ngokicho ompö tawungu, ompöwölo melö mi chi nyo muköy ntökughyongö tawungu akwompö ngokï.”

NEEMIA 9:33

Wölo iponyi man ompö chini löwïr kipkonchecha kighanyi man, wölo kakighacha nyo gha.

ESEKEL 33:24

Kïlenchanïn, “Wero chi, lentöy pïchï möngöy kïratis ompö koro Misri, ki chi akonga Apraam, akicheng kor kïtïl nyenyi, anyï ye kïchicha chang lïku nyincha korö nyo motïny.