NEEMIA 9:17 - PIPÏLIA

¹⁷ Kitagh chane kïterunyi ngaleku, amökïyangcha töngönchintinechanya kighanyi ompö kwenungwa. Wölo kwigh chane mötöwekwa kwoghïghitu atolapay kïkïl kintöghoghintengwa, kuyoda chane kutang sekeynön ngat ompö koro Misri. Wölo ichinyi Tororöt nyo pö lastagh nko pöropchö nko kisyonchin. Melö inörekenyi lawel wölo wow chomnyengu nyo pö kokay nko nyoni melö kipïstenyi chane.

NEEMIA 9:17 Referans Kwoze

TUMWÖY 86:5

Ichinyi karam, we Echotyon, ailöstoghchini pich ngokï akï wow chomnyengu nyo pö kokay ompö pich löwïr cho soghinyi.

YOEL 2:13

Nyo kötö oköreröy sïrokökwo, akarer mïkuliskökwo. Omïlisyenö wölo mi ECHOTYON Tororötïngwo, nyo kinyïghï pöropchö nko kïsyonöt. Mönörekönye nyinte lawel akinyïghï kisyonötö akïlöstowecha ngokicho.

TUMWÖY 86:15

Wölo nyi, we Echotyon nyo ichï Tororöt pö kisyonchin nko pöropchö, melö ichinyi nörekin, wölo pö chomnyengu kokay akeghöninyi.

RUMI 9:15

Ompöwölo kimwochï nyinte Musa lö, “Osyonchinan chi anka tïkwïl nyo kosyonchï, asoghsoghan chi anka tïkwïl nyo kasaghsagh.”

TUMWÖY 78:38

Wölo kusyonchï Tororöt chane, nyinö kitöpöröy kïlöstoghchï chane ngokikwa akïwaghach nörekyenyi kïnyïl cho chang. Melö kipïsyï köromnyenyi kingwanit lakat

1 PÖYTOGHÏ 6:13

Omöngan nko pikachu pö Israel ompö Kö pö Tororöt nyete pö saghat ketekwaninyi, amelö topïstonan chane.”

TUMWÖY 106:7

Melö kiyang papotïnecha ighisyewut pö Tororöt cho pö töngönchin otini kimi chane koro Misri. Kiwutyeghö lö kisyonchï nyinte chane ompö chomnyenyi nyo pö kïtenö, akïpeny ngala nyinte nyo Töror Tya ompö sörömu Nanam nyo Pïrir.

TUMWÖY 78:11

Kiwutyeghö tïkwïn cho kikwigh nyinte nko töngönchintin cho kökikuporchï chane.

1 PÖYTOGHÏ 8:57

Osoghan ECHOTYON Tororötïnyo lö tötöpö nyinte nko acha lenyini kitöpö nyinte nko papotïnecha atömöpïstecha anta chalecha.

TUMWÖY 106:13

Wölo kïwutyeghö chane ighisyewutkachi panini amelö kitö kïter kirurötenyi.

TUMWÖY 130:4

Wölo ilöstoghchinenyi piköku ngokï, atökemukacha kekonyïtinyi.

EPRANIA 12:25

Arose kegh nyu tömatagh nyinte nyoni ngölonöy. Ompöwölo ato kimöchïwïtyöcha pich cho kitagh kïlïm ngala chichoni kingwïn ngwïnyinï akuyomisï ngala yïm, ekechïwïtyonecha lö ne nyu ato kïghöpönöcha nyinte nyoni rirwecha ompö yïm?

IGHISYEWUT 7:39

“Wölo kïtagh papotïnecha kïterchï nyinte. Kiyumchï nyinte yona akunonsyö lö, ‘Opï kakïmïlisyecha ngat Misri.’

NGÖTÏNYÖ 1:24

Ompöwölo kyokursyan, ataghakwa ongitonchenö, kyoghïtan ewunyu akimöminye chi nyo kiyang,

KIYITUT 16:14

Amelö kemïtechanyi ompö Keta kor nyo yintegho chö nko kumat atomönye konechanyi paren nko pareni sapipun kemïla, ilentenyi ye so olïsecha? Mökïpkonechanye.”

KIYITUT 14:41

Wölo kïlö Musa, “Ompö ne ye nyu tolelchinökwa ECHOTYON? Melö tökumukisyot ngalechoni!

KIYITUT 14:11

Kïlenchï ECHOTYON Musa, “Sösanïn pïchï nko oyï su? Akïtöghöy kughananïn nko oyï, kïrökegh koporchan chane töngönchintin cho chang?

NEEMIA 9:31

Melö kipïstenyi chane anta iwang, ompöwölo wow kisyonötengu. Ichinyi Tororöt nyo pö köromnyö nko kisyonöt.

YEREMIA 19:15

“Lentöy ECHOTYON Kimuktoghin, Tororöt pö Israel, Onyoran kanastinechete nko walaka cho lekïtinö, le wölo kamwaghan, ompöwölo kyoghïghöchitu pich mötöwö, amöterönye ngalechan.”

ESEKEL 5:6

Wölo kipeny pipö Yerusalem kiyomisut kïtïl pipö punton akïpeny kiyomisutköchan kïtïl koros cho kiwit nyinte, otinö kitagh kirurutköchan akïtagh kïrip kiyomisutköchan.

DANIEL 9:9

Itïngetenyi kisyonchin nko lastaghpa ngokï, kïrkegh kikïtaghichanyi, we Tororöt.

NAUM 1:3

Melö kwïskwïs kïnarek ECHOTYON, wölo wow owesyö nyo tïng. Melö pïstoy mwokïyon kïchïwït mönyorï sitöt. Ngeto chepkiriri atoni kewerata ECHOTYON, poltoy kï terïtyon nyo ngetuno atona katïk kelyechi.

WUWÖT 32:9

Kïlenchï ECHOTYON Musa, “Kasïwan pïchï lö, pich cho oghïghe mötöwö.

LAWIN 26:44

Wölo kïrkegh kimi chane koro pungkökwa, kïmelö ocholtenan chane awany lömïs, tömenyara mumenyan nko chane, ompöwölo ochan ECHOTYON Tororötïngwa.

1 SAMWEL 12:22

Kikuyomis ECHOTYON lö, möpïstonekwanye, ompöwölo kikïlakwa alïkunakwa pikachi kegh.

2 OTÖPTINO OSIS 36:13

Kitighintönchï Sedekia pöytoghin Nepukadnesa nyo kikikwigh Sedekia kwam muma lö, oteköy ompö kaynata Tororöt. Kïna kat Sedekia, akwigh mïkulöwunyi kwaghïghit amachamnye kïwaghaka wölo mi ECHOTYON Tororöt pö Israel.

ESRA 9:9

Kikïchicha sekey, wölo melö kipïsyecha Tororötïnyo sekeynön. Kisyonchechanyi ompö tawu pöytoghinto Pasya nyo kichömwecha kesöpchenö atöketeka Kö pö Tororötïnyo* ngat akïkonecha kemanga koro Yudea nko Yerusalem nyo ripote.

TUMWÖY 78:10

Melö kirïp mumengwa nko Tororöt akïtagh kïrïp kirurutyenyi.

YEREMIA 7:26

wölo kimayangakwanye ater ngalechan, alïkukwa pich cho oghïghe mötöwö atolapay aghakwa cho ghach tya kïtïl papotïnekwa.

YEREMIA 18:15

Kwompö ne nyu tökïwutyeghanïn piköchan akïpelchï amöros tororötino putintön. Kikupotyö amökunkïtcha or nyo rïpöy. Mökïrïpöcha ortïnechay pö könyisyok. Kesam ortïn cho mörumucha, mökuwerönye ortïnechay pelote.