NEEMIA 9:16 - PIPÏLIA

¹⁶ Wölo kïmen papotïnecha akwoghïghitu mötöwöy, melö kicham kïter kirurutköku.

NEEMIA 9:16 Referans Kwoze

NEEMIA 9:29

Kichilanyi chane tökuyokyï kegh kirurutköku, wölo kïtagh chane ompö menotön, akwigh ngokï kïpeny kirurutchoni cho ato rïp chi kïsöpöy. Kipörchinyi patagh ompö tighintön akwoghïghitu mötöwöy amökïterunyicha ngaleku.

EPRANIA 3:15

Mwoghöy Kikirut lö, “Ato alïmakwa kuti nyi asete, kïmakany kwoghïghitu mïkuliskökwo le wölo kigh papotïnekwa atanya.”

RUMI 2:5

Akwompöwölo kelïkunyi tighin, nyo mölïmönye ngal, imitenyi itösini kegh kïngwanit tya sitöt nyo koninyi Tororöt ompö asis nyo poru nyinte nörekyenyi ompö ngokï akurwokï pich ompö man.

NEEMIA 9:10

Kighchinyi kiporut cho chang nko tïpö töngönchintin Parao nko mötworichi nko piko korenyi löwïr, ompöwölo kisïwenyi wölo kichopta kong papotïnecha. Irïntenyi chane akwororit kaynengu nko ye.

KINONO KIRURUT 31:27

Onkïtön penyatenkwa nko wölini otïngetekwa mötöw cho ongeröch. Ato openyekwa ECHOTYON le nyï otï tochan satate, ekïlïku ne otinö karapasan?

EPRANIA 3:13

Wölo achila kegh akwane osis lapay, otini kïnye tökemwowunenecha Kikirut lö asisï atömörumï chi ompö akwa nyo kolöy ompö lïsata ngokï.

IGHISYEWUT 7:51

“Akwa tighï! Karkegh mïkulöwekwa nko cho pö pich cho tomöcha kughan Tororöt. Minyote yitikwa kïlïm ngölyonto Tororöt, olyoke Mïkulögh nyo Tïlil le wölo kida alatekwa kukötinekwa, nyoni tïkwïl!

YEREMIA 19:15

“Lentöy ECHOTYON Kimuktoghin, Tororöt pö Israel, Onyoran kanastinechete nko walaka cho lekïtinö, le wölo kamwaghan, ompöwölo kyoghïghöchitu pich mötöwö, amöterönye ngalechan.”

YEREMIA 2:31

Akwa we pïnwöy, atere ngölyonto ECHOTYON! Ayo, okörakegh so nko kor nyo le surkwen ompö Israel, anta kor nyo kinyïghï tuwïn? Kwompö ne nyu tökïlentöy piköchan, ‘Kighecha le wölo kakïchamta amökepkonechanye kokay wölo imitenyi!’

ISAYA 63:10

wölo kïpeny ngalechi akwigh nyinte kuwongwï ompö chane. Nka nyoni kilïkwï ECHOTYON punyontengwo nyo kiporyeghö chane.

ISAYA 48:18

“Ntö kile nyo kyarïpakwa kiyomisutköchan! Kitö kïmïlwokwa kisoyönut cho lata lalwa nyo mötengönye! Kyomïlunyi mantangu le mirtino pögho nanam,

ISAYA 48:4

Kyonkïtön lö kyochikwa penyï, cho kiyomö kotwonï le karïn, akïkarkegh tokochwekwa nko taghoy.

NGÖTÏNYÖ 29:1

Nyinte nyo wow möt akikechil kïnyïl cho chang, kemïreghöy lawel amelö tökïsöröro.

TUMWÖY 106:6

Kakighacha ngokï le papotïnecha, kakïlïkucha mwokïyis akeghachitï.

TUMWÖY 81:8

Atera, we pikachu, orurokwa, ntökolïmekwa ngalechan, we pipö Israel!

2 OTÖPTINO OSIS 36:13

Kitighintönchï Sedekia pöytoghin Nepukadnesa nyo kikikwigh Sedekia kwam muma lö, oteköy ompö kaynata Tororöt. Kïna kat Sedekia, akwigh mïkulöwunyi kwaghïghit amachamnye kïwaghaka wölo mi ECHOTYON Tororöt pö Israel.

2 OTÖPTINO OSIS 30:8

Malïkwï ye nyu tighï le wölo kilata papotïnekwa wölo oterchï ECHOTYON, apkan konyi nyo tïlil nyo kikwigh kïtïlilit kokay, apöghisyechï ECHOTYON Tororötïngwo atömanyïl kuyoda kegh nörekyenyi nyï körom le nyï ompöwölo omitekwa.

2 PÖYTOGHÏ 17:14

Wölo melö kiter pipö Israel, kyoghïghitu mötöwö le papotïnekwa cho melö kighan ECHOTYON Tororötïngwa.

KINONO KIRURUT 32:15

“Kinöryö pipö ECHOTYON, wölo kimen, kinöryö chane akïpïghyö, atolapay kïpïstö Tororöt nyo kigh chane, akïsas Ghatyengwa nyo pö sörunöt.

KINONO KIRURUT 9:27

Inan mötworiku ompö Apraam nko Isak nko Yakopo. Meros oghïghyo mötöwöyi pïchï anta ghöyityengwa anta ngokikwa,

KINONO KIRURUT 9:13

“Atolapay kïlenchanïn ECHOTYON ngat, ‘Kasïwan pïchï lö pich chane cho oghïghe mötöwöy.

KINONO KIRURUT 9:6

Kïlenyona onkïtï lö melö konokwa ECHOTYON Tororötïngwo koronete nyï karam achenga ompö mantankwa, ompöwölo ochikwa pich cho le oghïghe mötöwöy.

KINONO KIRURUT 5:29

Wechï kö karam tya ntökölata choni mïkuliskökwa osis löwïr, nyo kötökonyïtanïn akïrïp kirurutköchan löwïr, atökuten osiswekwa chane nko monekwa kokay!

WUWÖT 32:9

Kïlenchï ECHOTYON Musa, “Kasïwan pïchï lö, pich cho oghïghe mötöwö.

WUWÖT 15:26

Akïlö, “Ato aterakwa nyoman kuti ECHOTYON Tororötïnkwa, aghakwa man ompö tawunyi aripökwa kirurutkachi löwïr, kïmömicha sömewut cho nömokwa cho lata cho kyotönön pipö Misri, ompöwölo ochan ECHOTYON, kisopintenkwa.”

YEREMIA 7:26

wölo kimayangakwanye ater ngalechan, alïkukwa pich cho oghïghe mötöwö atolapay aghakwa cho ghach tya kïtïl papotïnekwa.

ESEKEL 5:6

Wölo kipeny pipö Yerusalem kiyomisut kïtïl pipö punton akïpeny kiyomisutköchan kïtïl koros cho kiwit nyinte, otinö kitagh kirurutköchan akïtagh kïrip kiyomisutköchan.

2 OTÖPTINO OSIS 29:6

“Ompöwölo kilel papotïnecho akwigh ngokï ompö tawu ECHOTYON Tororötïnyo, kipïstö chane nyinte, akïkany kuros konyikwa kareran, akïpörtochï pötogh möngo Tororöt.