NEEMIA 6:14 - PIPÏLIA

¹⁴ Asaghan lö, “We Tororötïnyu, rosa Topiya nko Sanpalat ompö ngalechï kegh chane nko Noadiya kokonï le werkoyon nko werkoy walaka cho mököy kwotyeghenanïn.”

NEEMIA 6:14 Referans Kwoze

NEEMIA 13:29

Inan, we Tororötïnyu ompöwölo kisïmnyon chane tïsintön nko muma* nyo kyamanyi nko tïsï nko pipö Lawi.

NGONGUT 19:20

Wölo kenam tyonyay nko werkoyontonay pö putintön, nyay kighöy töngönchin ompö tawunyi. (Ki tïkuchoni pö töngönchin cho kilïsa nyinte pïchay kitïng macheyu tyonyoni nko walaka tïkwïl cho kisagh körkeyïnto tyonyoni.) Kikïnam lenyoni akewirchï kïtökïsöpsot kwodeny nanampa ma nyo ngwan lakat nyo nöghöy nko koghïn cho nöghsot.

1 YOANA 5:16

Ato isïwa tupchengu kwighöy ngokï cho melö ighöy pich tömökïnyorï söpon pö kokay, kïmïchini saghanyi Tororöt atökutö nyinte söpon. Ongölonenan pich cho meghnye ngokï cho ighöy chane tömökïnyorï söpon pö kokay. Wölo mi ngokï cho ighöy pich tömökïnyorï söpon pö kokay amomwoghanye lö asagh ompö choni.

2 TIMOTEO 3:8

Mölöy pïchoni ngala man kïle wölanya kimölöy Yane nko Yampre Musa, akï pich cho kiwïryö mötöwö akupïtyeghö ara kighanat.

MATAYO 24:24

Ompöwölo chumu pich cho kuro kegh Kristo ompö putintön nko werkoyi putintön, ighöy chane kiporut cho echön nko töngönchintin tö ato muko, kïlïsöy ompö chini le kïlanpa Tororöt.

MATAYO 24:11

Atolapay kuchumï werkoyi putintön cho möngörï kïlïsöy pich cho chang.

MATAYO 7:15

“Orip kegh werkoy pö putintön cho lata kechir otini pkonchinokwa, wölo suyï ompö ori cho köromöch.

YEREMIA 28:15

Atolapay owan omwochï Anania lenyoni, atasan olenchï, “Tera we Anania! Melö köyonunyi ECHOTYON, akwanyï ye keghanyi pïchï kughan putintön.

YEREMIA 28:10

Atolapay kïcheng Anania möchokyon ompö katïnyan akuriy kïmutmuta.

YEREMIA 28:1

Kingölonwanïn werkoyon Anania, wero Asur nyo ngwïno kanasyanta Kipyon, könyinoni pö angwan, arawa mut kïngeta kutor Sedekia kïpayta Yuda. Kingölonwanïn ompö Kö pö Tororöt ompö tawu tïsï nko pich löwïr lö,

YEREMIA 14:18

Nyini kolïtön sany otuyeghan muntïruch, pich cho kikïpar ompö poryot. Akwato olïtön kanasyan ori, otuyeghan pich cho kimeghö ompö kömöy! Mi werkoy nko tïsï kïsïngo pöghisyewutkökwa wölo menkïtcha kokay lö mi kwighöy ne.”

YEREMIA 14:15

Kïlenyona omwowunyi ante ECHOTYON kïgh ompö werkoy cho ngoröy ngal ompö kaynenyan kïrkegh melö kyoyonwan chane kïmwochï pich lö metwokwanye ngot nko kömöy ompö korenkwa. Owongan chane ompö ngot nko kömöy.

TUMWÖY 63:1

Ichinyi, Tororötïnyan, we Tororöt, oyörinyi köninyi portönyan nyoman, omchinanïn maral nyi, le kor nyo tïyame nyo puryö pögh.

TUMWÖY 22:1

Tororötïnyu, Tororötïnyu, ompö ne tepïstaninyi? Ompö ne telowitunönyi ompö ani ameteröy riratenyan?

NEEMIA 5:19

Osoghinyi, we Tororötïnyu lö, inanante ompö pöghisyewut löwïr cho kyoghchan pïchï.

WUWÖT 15:20

Kïcheng Miriam chepto ompö Aron nyo kile werkoyon kwïrkwïris. Akïcheng korï walaka löwïr kwïrkwïriskökwa akïrïp nyinte akïnyolöy.

TUMWÖY 137:7

Mewutyeghö, we ECHOTYON, ngala pipö Edom asisanya kikïnam Yerusalem atakinye kimwa lö, “Anganya Yerusalem! Anganya, ntökwit koghi kitorötenyi!”