NEEMIA 4:14 - PIPÏLIA

¹⁴ Atolapay olenchan chönökopïr nko yetïntin nko pich löwïr, “Mawagh chane, anana ECHOTYON nyo awes nyo pö otyogh ato poryechinö werkökwo nko monekwo nko korukwo nko kestonikwo.”

NEEMIA 4:14 Referans Kwoze

2 SAMWEL 10:12

Inyakanitï nyoman akeporyö ompö piköcho nko kanastina Tororötïnyo. Nya kwigh ECHOTYON kïgh nyo sïwïyi nyinte lö karam.”

KIYITUT 14:9

Nyo magh nyo gha atagh ECHOTYON amawagh pipö pö koronini, ompöwölo kïrïntocha chane le kwïle. Mi ECHOTYON nko acha melö tökïtïng chane kingörokut, kïlenyona mowöghisyö.”

EPRANIA 13:6

Kesïkö nyu nyakanat akemwagh lö, “Echotyon nyo ngörokanïn mowöghisïyanye. Ighwanïn ne chi?”

MATAYO 10:28

Amawagh chane cho pöröy por akïmemuköcha ntökïtïgh söpontö, wölo awagha Tororöt nyo muköy kuwuröy por nko söpontö ompö mapa kokay.

TUMWÖY 66:3

Mwochinö Tororöt lö, “Pö töngönchin kïtya tïkwïn cho ighenyi! Wow tya owesyengu nyo ighöy punköku kïpotonchö.

TUMWÖY 65:5

Kewöghökunyi aisörwecha ompö töngönchin, we Tororöt, nyo le sörunötencha. Twoytoninyi kegh pich ompö ngwïny kïmïkul ntökwit sörömu nanam.

TUMWÖY 20:7

Mi pich cho montoy kegh nkarinekwa cho pö lïk, kumonto kegh walaka angoletinekwa, wölo kimontonecha kegh owesyo ECHOTYON Tororötïncha.

NEEMIA 1:5

lö, “ECHOTYON Tororöt pö yïm, Tororöt nyo wow nyo wöghöy chi anka tïkwïl! Ikomönenyi mumengu, aitïng kisyonöt ompö chane cho chöminyi, airipöy kirurutköku.

2 OTÖPTINO OSIS 32:7

“Onyökönitu, aghyongtö nyoman. Mowöghisyö amakany kïmeghyok mutïnö ompö pöytoghinto Asirya nko lïkenyi nyï wow le nyï, ompöwölo mi akong nyo wow tya nko acha kïtïl nyo pö pöytoghinto Asirya.

YOSWÖ 1:9

Inan lö ani, ECHOTYON Tororötïngu nyo kyomwowunyi lö, ichichïm ainyakanitï, mewöghisyö anta meghïn mu, ompöwölo omitan nko nyi ompö wop anka tïkwïl nyo iwesteghonyi.”

KINONO KIRURUT 10:17

Ompöwölo ECHOTYON Tororötïnkwa, kï Tororöt pö tororötin akï Echotyonto echot. Tororöt nyinte nyo awes nyo kiwöghöy akekonyïtöy nyo melö chomöy pich walaka kïtïl walaka anta cham asoya.

KINONO KIRURUT 1:21

Rosa nyu lö kitönönyi ECHOTYON Tororötïngu koronï, pusa nyu aicheng. Lenyini kimwowunyi ECHOTYON Tororöt pö papotïneku. Mewöghisyö anta meghïn mu.’

TUMWÖY 143:5

Ononan osiswo könyisyok, mi kinonutköchan tïkwïn cho kighanyi ononan ighisyewutko ewuneku.

TUMWÖY 66:5

Apkana, arosa tïkwïn cho kigh Tororöt, tïpö töngönchin cho kighchï ptangengmöt.

TUMWÖY 46:11

Mi ECHOTYON Kimuktoghin nko acha, Tororöt pö Yakopo nyo le köpönencha. Ompö kintöghoghinto tumï. Tum pö werpö Kora.

TUMWÖY 27:1

ECHOTYON kï Löpoyïntönyan akï sörunötenyan, ngo anka nyo owöghan? ECHOTYON kï ripintenyan. Ngo nyo otyeghonanïn?

AYUPU 37:22

Ngwïno löpoyïn okumpö löt nyo karam, kiwit Tororöt ororyö nyo kiwöghöy.

OMTOGHIN 12:1

Inan Ighintengu ompö osisweko chumwaknanengu kïtomö kwitï osiswö cho ghach akïrikwï könyiswö ato ilentenyi, “Mongörökyinanye söpon.”

WUWÖT 14:14

Poryewokwa ECHOTYON, osisyenökwa pat.”

WUWÖT 14:25

Kïnam norayonta kelyo nkarinekwa atökïnïkisyï chane kïpa. Kïlö pipö Misri, “Keryöghenö Israel, ompöwölo mi ECHOTYON kïporyechini chane atökïparecha.”

KIRWOKÏ 3:27

Nyini kitïta wölini kukik ompö komoswo pipö Epraim, kïpka pipö Israel kïrökunö komos nko nyinte, akimi kuntöghoghchini chane.

DANIEL 11:32

Köperöy nyinte pich ompö lïs cho kipeny muma ECHOTYON, wölo ghyongo man pich cho nkït Tororötïngwa.

SAKARIA 14:3

Atolapay kïwö ECHOTYON kïporyeghö pipö koroschoni le wölo ighöy su asispa poryot.