NEEMIA 3:1 - PIPÏLIA

¹ Atolapay kïtek Elyasyip Tïsin nyo Wow* nko werkökwa tïsï akïtek Kuka Kechir akutïlil akutö tekech. Kutïlil nayatu ntökutomtö Pchöri Pokol nko Pchöri Ananel.

NEEMIA 3:1 Referans Kwoze

NEEMIA 12:39

akutang Kuka Epraim nko Kuka Köny nko Kuka Kaghagh akïnam Pchöri Ananel nko Pchöri Pokol akïlït Kuka Kechir atolapay kïpka kughyongö Kuka Ripï.

YEREMIA 31:38

Lentöy ECHOTYON, “Itïtöy ato kïteköy ngat Yerusalem, kanasyantenyan. Kiteköy kïngata köyay kiwö chak akekuro Ananel ntökwit kukat nyo mi otinö katankula teksyö.

YOANA 5:2

Kimi ato lekïto atoni le Yerusalem ato lekïto Kuka Kechir ngarpïl nyo kitïng körkerwok mut nyo kikuro ompö Eprania Petesda.

SAKARIA 14:10

Lïku kore kïtangogh mpöghogh kïngeta Kepa, nyo mi Yerusalem kuntoka ntökwit Rimon nyo mi kumporö. Wölo töpo kanasyanta Yerusalem ato syolote kïngeta Kuka Penchamen, kuwer ato kimi asistanka nayatu Ananel nyo kiwo chak ntökwit wölo kïryöko dipay* pö pöytoghin.

NGÖTÏNYÖ 3:9

Konyïtö ECHOTYON ompö tïkuku nko ompö poretayi tïkuku löwïr,

NEEMIA 13:28

Ayonan ompö wölo omitan wero Yeoyada wero Elyasyip Tïsin nyo Wow* nyo le santa ka Sanpalat nyo kingwïno kanasyanta Pet Oron.

NEEMIA 3:32

Kïtek kitongi koltin nko mïnchïrïs kareranta anka kïngata köyay ntökwit Kuka Kechir.

NGÖTÏNYÖ 3:6

Twaytena kegh nyinte ompö ngaleku löwïr, tökulïtit nyinte ortïneku.

TUMWÖY 30:1

Okusinyi, we ECHOTYON, ompöwölo kesörwaninyi amelö kepïsinyi pungköchan kïroröchanïn.

NEEMIA 12:30

Kutïlil kegh tïsï nko pipö Lawi, atolapay kutïlil pich nko kukoti nayat nko nayatu tïkwïl.

NEEMIA 7:1

Kïkany kiteka nayatunay apörtochan kukoti, akïlan ripi kukot nko tumï nko pipö Lawi.

NEEMIA 6:1

Otini kilïm Sanpalat nko Topiya nko Kesyem nyo le Marapyan nko pungköcha löwïr lö kyatekan nayatunay amelö tökïmi wölo pankas nko kimelö kyotönön tekech kukoti.

NEEMIA 3:20

Kïtek Paruk wero Sapay kareranta anka ntökwitïta kuka kö pö Elyasyip Tïsin nyo Wow.

KINONO KIRURUT 20:5

“Atolapay kïlenchï yetïntino pich, ‘Ngo chi nyo mi yi nyo katek konyi nyo rel akïtomönye kesoghchï? Nya kïmïla katanyi, atömökïpara poryot akïwö chi anka kïsoghchï konyi.

NEEMIA 12:10

Ki papoto Yoyakim Yoswö, ki papoto Elyasyip Yoyakim, ki papoto Yoyada Elyasyip

TUMWÖY 48:12

Atanga Sayon, ape awitwita, oyitö kïtartinechi.

DANIEL 9:25

Kïlenyona nkïtunö akïpköchin lö lïku könyis mut nko odeny kïnyïl mut nko odeny kïngata otini kakïmwowï ketek ngat Yerusalem ntökïtenö kungwïn pöytoghintö nyo kikengot. Kïteköy Yerusalem nko ortïne nko nïyetkö ompö könyis 62 kïnyïl mut nko odeny, wölo osiswo kömpölelyö choni.

NEEMIA 3:21

Kïtek Meremot wero Uriya wero Akos kareranta anka ntökwit sörömu kö pö Elyasyip.

NEEMIA 13:4

Kitïng kongot Elyasyip tïsin nyo kighyongchini korïn cho mi Kö pö Tororöt* nyinte nko Topiya kïtomö kwitï ngalechï.