35 nko Lod nko Ono nko mpöghoghyo Kitongï.
Kitïng Elpaal wor sömök, Eper nko Misyam nko Syemes. Syemed nyo kitek kanasyanta Ono nko Lod nko cho mïnkech cho kiwitwit.
Meonotay kï papoto Opra. Seraya kï papoto Yoap nyo kitek mpöghoghyo tekï, wölo kile tïngon pich.
Akwotini kirimöy Petro wop lapay wölo kimi chane tïkwïl, kïwö kïrutochï pipö Tororöt cho kimi Lida.
Kïsïwa pich lapay cho kimöngöy Lida nko Syaron chichoni, akughan Echotyon.
nko Adid nko Sepoim nko Nepalat
Kituyö kegh pipö Lawi walaka cho kimi koro Yuda, nko pipö ara Penchamen.
Kuyokwï kut Sanpalat nko Kesyem lö, “Nyonö keryamena kanasyan nyo mi tömko Ono.” Wölo kimököy chane kïrïmanïn.
