NAUM 1:6 - PIPÏLIA

⁶ Otini kanarek ECHOTYON, ekï ngo nyo lenchini kegh ongötu? Ngo nyini lentöy oköngöy sïngiryenyi nyo ngwan nya? Mïlu kegh nörekyenyi le lyopöt pö ma, pespesöy ghatoy kïlïkwï terït le kwïle.

NAUM 1:6 Referans Kwoze

YEREMIA 10:10

Wölo ECHOTYON kï Tororöt pö man. Tororöt nyinte nyo söpöy, Pöytoghin nyo pö kokay. Otini kanarek kurïngring ngwïnya. Kor ne nyo köngöy nörkyengu nya?

MALAKI 3:2

Wölo, ekïngo nyu köny nyo köngöy asisoni ngwïnöy nyinte? Ekïngo nyo lentöy oghyongöy, akany otini chumu nyinte? “Karkegh nyinte nko ma nyo ngwan nyo pelöy nyïngwïtyan ntökïyï karïn akï karkegh nko sapuni nyo kiwunö sïro.

NAUM 1:2

Töni ECHOTYON Tororöt sitöt nyo mötïny pich cho söghöy tororötin walaka. Mungöy pich ompö kitököt ompöwölo pïchoni cho kigh nyinte kïnarek.

TUMWÖY 76:7

Nyi onkït, we ECHOTYON nyo kiwöghöy, möminye chi nyo ghyongo tawungu otini kenyalenyi.

ESEKEL 30:16

Opelan Misri akuwongu Pelusium nyoman akurulöy nïyetwo Tepes kuchut pögh.

LOK 4:11

Kimïlï ECHOTYON nörekyenyi kïmïkul, nörekyö nyo ngwan lakat, akïpela ma kanasyanta Sayon kïnagh kuwonyö lö körpïs.

LOK 2:4

Kiwutö pikachi kotï le punyontengwa, kipar pich löwïr cho kikïchömonecha kegh akuluma Yerusalem nörekyenyi nyo nöghöy le ma.

ISAYA 27:4

Melö tonörekyinan ngat pareto sapipunechu, kötö karam ntökömi kato nko takalaw, kötö oporyeghonan chane akötö opelan chane lömïs.

ISAYA 10:16

Kïlenyona nyu, töni Echotyon, ECHOTYON Kimuktoghin pikachi sömew nyo chopöy kong pikachi cho nöryote. Töni porwoyikwa ma nyo nöghöy kutate.

TUMWÖY 90:11

Ekï ngo nyo nkït ngwonïn pö nörekyengu? Ngo nyo köngöy sïngeryengu nya?

TUMWÖY 2:12

oturonchenö ap kegh ngwïny, atömanarek nyinte atömowonyeghö arawet. Ompöwölo ngwan lö kat nörekyenyi. Soyönote cho ghïpchegho wölo mi nyinte. Tum pö Daudi nyo kitum otini kipertegha werïnyi Apsolom.

1 PÖYTOGHÏ 19:11

Kïlenchï ECHOTYON, “Wïyö ghyongenö tawunyan ompö kutïng parak.” Akwotini kitökughyongo Eliya atoni, kuwerï ECHOTYON ompö yomöt nyo wow nyo kikarer kutïngöy akïpasyang ghatoy, wölo melö kimi ECHOTYON yomononi. Kïsï yomonay, atolapay kutor koronay kurïngring. Wölo melö kimi ECHOTYON kirïngringötonay.

NGONGUT 16:8

Atolapay kïmïlchï malaykayanteto angwan tïkwïn cho kimi pakulinyi paraku asis, kechömchï kïpela pich manyi nyo ngwan lakat.

NGONGUT 16:1

Atolapay alïman kut nyo wow nyo kingölonunö Kö pö Tororöt kïlenchini malaykenichoni le mut nko odeny, “Ape omïlchinö ngwïny tïkwïn cho mi pakulinechona le mut nko odeny, cho pö nörekyo Tororöt!”

NGONGUT 6:17

Ompöwölo kikwitïta asistanyi nyo wow nyo pö nörekyenyi, ngo nyu nyo köngöy kughyongtö?”

AYUPU 40:11

Mïluna nörekyengu kïmïkul airos chi anka tïkwïl nyo menöy igh kïwö mut.

TUMWÖY 130:3

We ECHOTYON, nteyitenyi aikir ngokicha, kö ngo nyo köchïwïto kirwokengu?

ISAYA 13:13

Kïlenyona nyu, oghan yïmwöy kïpotonchö, aghan ngwïny kïpotan atökïngeta otini kömi ompö asisoni ongwïnan ECHOTYON Kimuktoghin nko nörekyenyu.

ISAYA 66:15

Ompöwölo ECHOTYON nko ma. Wegho nyinte köpepoy pö chepkiriri otini ngwïnöy kuchopöy kong pungkachi.

YEREMIA 21:12

“Akwa pïchï pö ara Daudi, atere! Kamwaghan ante ECHOTYON lö, Agha man kïngeta nyini kayech, asörï pich cho mi nyarïl ompö mori pich cho nyörilöy chane Akwato maghakwa lenyoni kwighanïn tïkuchï ghach oghekwa anarek, angwanitï le ma nyo nöghöy, amönukonye.

ESEKEL 7:8

“Osïwïyekwa ye ato lekït ngwonïn pö nörekyenyan. Orwokwokwa kïrïp kegh nko otöptinekwa amungokwa ompö sïmnyontönenkwa löwïr.

ESEKEL 21:31

Omïlwokwa nörekyenyan, akutenekwa kiminy pö nörekyenyan le lyopöto ma. Otönokwa mori pkatis cho nkït kinyarat.

ESEKEL 39:6

“Oyokyinan ma Makok nko chane löwïr cho möngöy rerangu Nanam ompö kalya, tökunkïtï lö ochan ECHOTYON.

SEPANIA 2:2

kïtomö kepuktokwa le morïr cho kutïtoy yomat, akïtomö kwitwokwa nörekyo ECHOTYON nyo nöghöy le ma.

MALAKI 4:1

Lentöy ECHOTYON Kimuktoghin, “Itu asis nyo nöghöy ma nyo ngwan lakat, ato kïpelo menot nko mwokïyis le mopö. Nöghsot chane asisoni ntökuwonyö lömïs.

AYUPU 9:5

Notegho nyinte kutïngkot kïpuryö kunkïtï kutïngkotï akïwaghach chane ompö nörekyenyi.

AYUPU 26:11

Potonchot pchörino yïm akïtöngönchï kipkongötenyi.

TUMWÖY 76:8

Kimwowunenyi ngaleko kirwokengu wölini le yïm. Kuwöghisyö ngwïnya akïsï lasay,

ISAYA 33:14

Wöghisïyi mwokïyis cho mi Sayon. Potonchot chane ompö nyökoryö, akïmi kïlentöy, “Karkegh kirwoko Tororöt nko ma nyo nöghöy kokay. Ekïngo ompö acha nyo muköy kïngötuno ma nyo lata nyoni?”

LOK 2:3

Kiwurwur Echotyon owesyo Israel ompö nörekyenyi. Kitagh kungarakecha otini kitwecha pung akiporyeghenecha le lyopöt pö ma, nyo pelöy kïgh anka tïkwïl lömïs.