MIKA 7:19 - PIPÏLIA

¹⁹ Tesyonchechanyi kokay, aityökchinyi ngwïny ngokicha aityarta kïröytö nanam to.

MIKA 7:19 Referans Kwoze

ISAYA 38:17

Kawaghaka ngwonïntönyan kïlïkwï kalya. Kesörunenyi söpontönyan tapan anka tïkwïl ailöstewaninyi ngokichu löwïr.

YEREMIA 50:20

Otini ketïta osiswechoni, mönyorchininye chi ngokï koro Israel anta Yuda ompöwölo olöstoghchinan ngötunön choni ngokikwa löwïr.” Mwoghöy ECHOTYON.

RUMI 6:14

Makany kïpaytak ngokï, ompöwölo melö tomitenökwa ngwïnyi kirurut, wölo omitekwa ngwïnyi pöropcho Tororöt.

YEREMIA 31:34

Mökïminye machata osiswechoni kenet chi lö, ‘Mïchininyi nkïtunö ECHOTYON,’ ompöwölo nkïtwanïn pich cho echön nko cho mïnkech. Mwoghöy ECHOTYON. Olöstoghchinan chane ngokikwa amononanye ngat.”

ISAYA 43:25

Ani ante onkït nyo ochï Tororöt nyo löstoghchini pich ngokikwa. Oghan lenyoni ompö kaynatenyan kegh, amelö torwokyinokwa ompö ngokikwo.

TITO 2:14

Kikonï kegh nyinte tökïsörunenecha ghöyityö anka tïkwïl akutïlilecha, cho le pikachi kegh, cho tïng machat kwigh pöghisyewut cho karamach.

TUMWÖY 103:12

Le wölo low tya kongasis nko ta, lenyoni wölo wirtoy nyinte ngokicha kïlowöchitu nko acha.

1 YOANA 3:8

Kïkany anka tïkwïl nyo ighöy ngokï, kïpö Onyöt, ompöwölo kigh Onyötö ngokï kïngeta otini le towunöt. Kingwïn Wero Tororöt ngwïnyinete atökunyar pöghisyewut pö Onyöt.

RUMI 8:13

Ompöwölo ato omöngisyekwa kïrïp kegh nko mökutko porwöyikwa, omeghyonekwa, wölo ato arïpakwa cho Mïkulögh otïghekwa ighisyewutkökwo cho ghach asöpchö.

OSEA 14:4

Lentöy ECHOTYON osopinyi ompö penyatengu ochömokwa kwïle, ompöwölo kikuyoda kegh nörekyenyan ompö akwa.

TUMWÖY 130:8

Söru pikachi Israel ompö ngokikwa löwïr. Tum pö saghat ompö rutogh pö Yerusalem. Tum pö Daudi.

DANIEL 9:24

“Kakïmutyï piköku nko kanasyan nyo tïlil könyis 70 kïnyïl mut nko odeny atökïpïstö ngokï nko ghöyïn atökemista ngokï akegh man nyo pö kokay atökïpïntö ngala sïwïyagh nko werkoynön aketïlil Kö pö Tororöt* nyo tïlil.

LOK 3:32

Muköy nyinte kwighecha kelokyenö wölo syonchinecha ompö chomnyenyi nyo möngötönye.

YEREMIA 31:20

Melö so werïnyan Israel nyo le chaman? Montönyan nyinte nyini ochömonan kegh. Nka nyay mowutyeghenanye nyinte kïrkegh akutan. Soröy mïkulöwunyan wölo mi nyinte ompö köromnyö Osyonchinan nyinte nyo mötïny. Mwoghöy ECHOTYON.

KINONO KIRURUT 32:36

Söru ECHOTYON pikachi otini kasïwa lö kewonyö owesyengwa. Syonchini pich löwïr cho pöghisyechini nyinte, otini kasïwa nyörkölölyo pïchoni löwïr.

KINONO KIRURUT 30:6

Nya kïlïkwï mutatenkwa machey nyo poru wölo ochömtokwa nko monekwo ECHOTYON Tororötïngwo ataleta tagh osöpchenö.

KINONO KIRURUT 30:3

Syonchinokwa nyu ECHOTYON Tororötïnkwa akuyokunenokwa puntonichoni löwïr kiyonchokwa nyinte akuperurokwa.

EPRANIA 8:12

Olöstoghchinan chane ngokikwa amononanye ngat lelutkökwa.”

ISAYA 33:24

Melö tökelïmöy chi ngat nyo ngölon kichïr ompö korencha, akelöstoghchini pich löwïr ngokï.

YEREMIA 33:8

Otïlilan chane ompö ngokikwa löwïr, alöstoghchan ngokikwa nko penyatengwa.

ESEKEL 18:22

Melö tökeyityini nyinte lelutkachi löwïr cho kigh, söpöy nyinte ompö mantanyi nyo kigh.

OSEA 14:2

Oyokyinö kegh ECHOTYON, asagha nyinte lö “Lastena ngokicha löwïr aitakech ompö pöropchö atökesalacha nyi ompö mïkulisköcha.

SAKARIA 3:4

Kïlenchï malaykayan mötworichi cho kimi tïkwïl, “Angwïsena nyinte sïrochona le sïmnyon.” Akuyokï kïlenchï Yoswö, “Rose kopuktan ngokiku kïpa. Olokunyi ye sïra nyo pö olyot nyo wow.”

2 SAMWEL 24:14

Kïlenchï Daudi Kad, “Omitan ato kampalal! Wölo mochömanye kïkonanïn ptangengmöt sitöt. Nya kïkonecha ECHOTYON sitöt, ompöwölo tïng kisyonöt nyo wow.”

TUMWÖY 85:3

Kichengenyi chane nörekyengu kïmïkul aipörchinyi patagh nyölotyengu nyo ngwan.

LOK 3:22

Möngötönye chomnyo ECHOTYON kokay, melö wonyot kisyonutkachi.

ESEKEL 39:29

amelö topörchinan chane patagh kokay, ompöwölo omïlchan chane mïkulöwunyu.” Mwoghöy Echotyon TORORÖT.