MIKA 5:7 - PIPÏLIA

⁷ Kilïkwï nyu pipö Israel cho pö man kisoyönöt ompö punton le röyon nko rop nyo konu ECHOTYON kingarak kïgh anka tïkwïl cho melö kiköngöy kïkonu pich anta ropï pich.

MIKA 5:7 Referans Kwoze

MIKA 5:3

Kïlenyona pïsyini ECHOTYON pikachi pungkökwa ntökïtenö kulusyö kama monïng nyo kïghöy worö, tökïsorï werkökwa löwïr kïpka kïsörï pikökwa Israel.

ISAYA 44:3

“Ompöwölo oyinan pögh kor wölo tïyame, aghan kor nyo le siriron kuyintegha pögh. Omïlchinan mïkulöwunyan moneku, amïlchan kisoyönutkachu yiyengu.

KINONO KIRURUT 32:2

Röröku kinetutköchan le rop, le röyön ompö sökö. Pïspisu ngalechan le pkopïs cho ropönchini sus cho ngwïrngwïröch akïkarkegh nko pögh cho rörökyini sikoryon.

OSEA 14:5

Olïkunan le röyön ompö Israel akïwetöy le ket pö tapïk akïtorta nyighin le keti Lepanon.

TUMWÖY 72:6

Nya kïkarkegh nyinte nko rop nyo ropönchini paren le pkopïs ompö ngwïny.

RUMI 10:20

Aki mewaghnye Isaya nyonikïny kïmwa lö, “Kinyorwanïn pich cho melö kiyöranïn kyoporchan kegh pich cho melö kitepanïn.”

SAKARIA 14:8

Yintegho pögho söpon Yerusalem osiswechoni. Yintoy lö karerana kutang nanampa Paryan, kuyinta chinö kutang nanampa Kwen. Yintoy lenyoni osiwo kömöy nko pengat.

OSEA 6:3

Nya kenkïtunö ECHOTYON akelet tagh kenkïtï nyinte lasiny. Ngwïnchinecha nyo mötïny le yekon akungwïnöy le ila sarngatat nyo nuröy ngwïny.

YEREMIA 14:22

Ayo, muköy tororötino putintön chay soghöy pipö punton kïkonï rop nya? Akumuköy yïmö onkït kïkonï pkopïson? Mönyinye onkït nya we ECHOTYON Tororötïncha nyo ighöy choni löwïr kumukisyö? Kïlenyona kiketönöcha kikönötencha moriku.

TUMWÖY 110:3

Konu kegh piköku chane kïchömöy asis nyo kesetanyi lïkengu. Pkonchininyi mïrönköku cho mïnkech kïpusu paraku kutïngkot cho tïlilöch le röyönto miröy.

1 KORINTO 3:6

Kyokötkötisyan, kupïs Apolo, wölo Tororöt nyo kigh kösïgh kïpityö.

RUMI 11:12

Kepchï nyu ye lelutyo pipö Yaudi pipö ngwïny perur nyo wow, akwipchï meywontönengwa nyo pö mïkulögh pipö punton kisoyönut cho chang. Chongitu nyu kïtya kisoyönut otini kökituyechï pipö Yaudi löwïr ori!

RUMI 9:30

Kïmwoghecha ne nyu nya? Könyorï pipö punton or nyo kiyityini man, ompö ara kighanat kïrkegh kimöyongöcha.

IGHISYEWUT 16:9

Kungwïnchï Paulö sïwïyagh oghononi nyo kisïwa chi pö Makedonia nyo kighyongöy akïsomöy nyinte lö, “Owunö Makedonia atengarakech!”

IGHISYEWUT 13:46

Kïngalan Paulö nko Parnapa ompö nyakanan lö, “Kömïchï kemwowokwa ngölyonto Tororöt nyo pö tagh. Wölo otini kataghakwa ye nyu, kï korwokyikwa kegh akwane achamakwa lö, merokonokwanye söpon pö kokay, kakïpïstokwa yenyu akepa koro punton.

IGHISYEWUT 11:15

Kïkany otorön angalan, kïrökunö yïm Mïkulögh nyo Tïlil kïrökyï chane le wölanye kirökyecha otini le towunöt.

MATAYO 28:19

Ape agha pipö punton löwïr kïlïkwï kinetankachan apatisan chane ompö kaynata Papo nko Weri nko Mïkulögh nyo Tïlil,

MIKA 2:12

Wölo oghömïtokwa löwïr pïchï pö Israel, atuyokwa le kechir ompö akol. Oghömïtokwa, we ngötunön pö Yakopo, le kyak ompö achey, alïkunekwa pich cho möngörï.

AMOS 5:15

Atagha kïgh nyo gha acham nyo karam achïchïma man ompö kokwotïn, töptoy ana syonchini ECHOTYON, Tororöt Kimuktoghin, ngötunön pö pipö ara Yosep.

YOEL 2:32

Wölo chïwïtöy chi anka tïkwïl nyo kuröy kaynata ECHOTYON, ompöwölo lentöy ECHOTYON, ‘Mi ngötunön cho kïsöru ompö kuntïng pö Sayon nko Yerusalem cho okuran ante.’ ”

ESEKEL 47:1

Atolapay kumïtwanïn ngat nko kuka Kö pö Tororöt. Asïwan ompö wölo porö lalwa nyo yintoy kutöngöy kongasis ompö kuka Kö pö Tororöt. Kiyintoy pöghechoni ompö okumpö löt nyo pö Kö pö Tororöt akï okumpö löt ompö ato kïpelo amöros.

ISAYA 66:19

akunkïtï lö ani nyo kachop kong chane. “Wölo otukan walaka ompö chane atayontan kïpa wölo mi puntonï cho lowöch, cho tomöcha kïlïm kaynatenyan anta sïwa wowïntönyan nko owesyenyan, petöy koro Tarsis nko Lipya nko Lud kïmi nko pich cho nkït kïwutïtoy kotï, akïpa ntökwit Tupal nko Akaya. Mwotïtoy pïchoni walaka wowïntönyan.

ISAYA 55:10

“Ompöwölo kïle wölo rökuno rop nko takarïs yïm, amelö tökuyodo kegh yïm ngat, wölo pïsöy ngwïny akwigh tïkwïn kïpit, kutö ngorin kösïgh akutö pich omisyö,

ISAYA 32:15

Wölo tökïyonwecha Tororöt mïkulöwunyi ngat. Wöghöko korö wölo tïyame kïlïku paren cho okwoghöch akïrïro omisyö nyo wow.

KIRWOKÏ 6:36

Atolapay kïlenchï Kidyon Tororöt, “Ato ipöghisyeghenaninyi isörï Israel lenyini kemwanyi,

IGHISYEWUT 9:15

Kïlenchï. Echotyon, “Wïyönyi, ompöwölo kakïlan nyinte atopöghisyeghan, atökuporchï kaynenyan pipö punton nko pöytoghï nko pipö Israel.

SEPANIA 3:13

Melö nyu tökwighöy cho ghach pipö Israel cho kingötï, pïstoy putintön nko lïs. Pöghisïyi chane nyo karam, karkegh nko kechir cho oketïyi akïrusot wölo tïghume, akï puryö kïgh nyo muköy kwotyeghö chane.”

MIKA 5:8

Mi ngötunön pö Israel kwenu punton lenye ngïtïny ompö wuw pö sakas, lenye wara ngotïny atolïtyï kechir, nyo, otini kasïwa kukomchï lawel akïmutmut lökïr puryö chi nyo söru nyonikïny.

ESEKEL 14:22

Wölo ato ngotï chi nko monechi akïpkonchinyi, iros wölo lata ortïnekwa nko otöptinekwa. Ichömunenyi nyu lö, ki pö man omungön Yerusalem.

2 SAMWEL 17:12

Atolapay kepokyicha nyinte le talam ompö wölini kïnyorchini, amöngötunye nyinte nko pich löwïr cho mi tïkwïl.

TUMWÖY 133:3

Karkegh nko röyön nyo mi kutïng pö Ermon, cho chïnchini kutïngkoti Sayon.* Atoni ato kimwowunö ECHOTYON kisoyönötenyi, söpon nyo pö kokay. Tum pö saghat ompö rutogh pö Yerusalem.

NGÖTÏNYÖ 19:12

Karkegh nörekyo pöytoghin nko tïlöto ngotïny, wölo lenye köromnyenyi röyön ompö sus.

DANIEL 11:32

Köperöy nyinte pich ompö lïs cho kipeny muma ECHOTYON, wölo ghyongo man pich cho nkït Tororötïngwa.

MIKA 4:7

Oghan chona ngwolsot kïpöyit man aghan cho kikïrang kïlowöchitu kïlïkwï pich cho owesöch kïpayta ECHOTYON chane ompö kutïng pö Sayon kïngeta atoni nko kokay.

MIKA 7:18

Möminye Tororöt anka nyo lata nyi nyo löstoghchini pich ngokï akïpïstö lelut pö pikachi cho pö man amelö roröy nörekyö kokay ompöwölo ichömechanyi nyo möminye söröm.

ESEKEL 5:5

Lentöy Echotyon TORORÖT, “Arosa kaghan Yerusalem kïtöpö kwenu punton nko koros cho kiwit nyinte.

MIKA 4:13

Lentöy ECHOTYON, “Akwa pipö Sayon ongetyenö omungö punkökwo. Oghokwa le kir cho tïng kuyo karïn akï taghoy putïlöy. Itïghenyi pipö koros cho möngörï. Opunekwa pöröw löwïr cho kipörunö chane pikö walak. Atolapay opukwa sïkönötengwa, wölo omitan, nyo ochï Echotyonto ngwïny kïmïkul.”

SAKARIA 9:13

Lïku Yuda kwantinyan, kïlïkwï Israel koti Ilïkunenyi we Sayon* chok nyo opörenan pipö Krik. Onömeninyi yïm le choko nyakan.”