MIKA 4:7 - PIPÏLIA

⁷ Oghan chona ngwolsot kïpöyit man aghan cho kikïrang kïlowöchitu kïlïkwï pich cho owesöch kïpayta ECHOTYON chane ompö kutïng pö Sayon kïngeta atoni nko kokay.

MIKA 4:7 Referans Kwoze

LUKA 1:33

akïlïkwï nyinte pöytoghinto pipö ara Yakopo kokay akïmewonyotnye paytaghtanyi.”

MIKA 7:18

Möminye Tororöt anka nyo lata nyi nyo löstoghchini pich ngokï akïpïstö lelut pö pikachi cho pö man amelö roröy nörekyö kokay ompöwölo ichömechanyi nyo möminye söröm.

MIKA 2:12

Wölo oghömïtokwa löwïr pïchï pö Israel, atuyokwa le kechir ompö akol. Oghömïtokwa, we ngötunön pö Yakopo, le kyak ompö achey, alïkunekwa pich cho möngörï.

DANIEL 7:14

“Ketö nyinte paytagh nko ororyo nko pöyunöt, atökïpöghisyechï pich nko punton nko kutïw löwïr nyinte. Melö weröy paytaghtanyi nyonikïny, amelö wonyot pöyunötenyi.

ISAYA 24:23

Atolapay kïtuwit arawa tökulïwu asis ngat, ompöwölo lïku ECHOTYON Kimuktoghin pöytoghin. Pöytoy nyinte ompö kutïng pö Sayon* nko ompö Yerusalem, atökïsïwa kintöghoghi pich ororyenyi.

NGONGUT 11:15

Atolapay kïkut malaykayanteto mut nko odeny kontinyi, kuteghyeghö kutïwa yïm cho kilentöy, “Mi ye nyu paytaghpa ngwïny mori Echotyontencha nko Masiyenyi, akïpöytoy kokay nko kokay!”

MIKA 5:3

Kïlenyona pïsyini ECHOTYON pikachi pungkökwa ntökïtenö kulusyö kama monïng nyo kïghöy worö, tökïsorï werkökwa löwïr kïpka kïsörï pikökwa Israel.

YOEL 3:17

“Onkïtunekwa nyu lö ochan ECHOTYON Tororötïnkwa nyo omöngöy Sayon kutïngtönyan nyo tïlil. Akïtïlilitu Yerusalem amökïtïkönye pïnotyontö orinyi ngat.

OSEA 1:10

Wölo chongitu nyu pipö Israel le ngayam ompö sörömu nanam, cho mökimukönye kepim anta kiyit. Wölay kilenchï Tororöt chane, “Mochikwanye piköchan,” wölo itïtoy ato lenchini, “Ochikwa monïngo Tororöt nyo satate!”

DANIEL 7:27

Ketö pipö Tororöt nyo Töror Tya pöyunöt nko ororyö nko owesyö nyo pö pöyunötin löwïr cho mi ngwïny. Pöyitu pöyunötengwa kokay akïkonyïtöy paytagh löwïr chane akïpöghisyechï.’

ISAYA 66:8

Akïmi sonye chi nyo lata nyoni nya? Kikïsïwa ngo tïkwïn cho lata choni? Kïyiyöy korï so asis akonga? Akeyiyöy pipö punton so panini lawel? Wölo melö kïghöy Sayon* nyo kogh kïtomö kïyï monechi.

ISAYA 60:22

Yetu nyu cho mïnkech ompö akwa le pipö or okonga, kwawesit nyo mïnïng le kor nyo awes nyoman. Ochan ECHOTYON, akwotini ketï asisoni oghan nyu choni kwighisyö lawel!”

ISAYA 6:13

Kïrkegh köngötï chi akonga ompö pich taman ompö korononi, kïmöngötunye tïkwïl, le mïsïkyo ket pö oron anta lilwö nyo kökïtör wölo tökïmi tökïsöpöy mïsïkyenyi.” (Kimustoy mïsïk kösïghyon nyo pö kitoröt nyo rel nyo pö pipö Tororöt.)

TUMWÖY 2:6

“Kotönön pöytoghintenyu kïtöpö Sayon,* kutïngtönyan nyo tïlil.”

ISAYA 16:5

Atolapay nyu kegh chi akonga nyo pö ara Daudi kïlïkwï pöytoghin, atökïpayta pich ompö man nko chomnyogh. Ighöy nyinte kïgh nyo pö man lawel, akïsïwa lö kegha ngölyonto man.)

DANIEL 2:44

Ngetu nyu Tororöt nyo mi yïm pöyunöt anka ompö osiswo pöytoghichoni nyo memukönye chi ntökïpar amöminye paytagh nyo rïntoy, wölo pöröy pöyunötin löwïr kuwonyö akïtöpö kokay.

DANIEL 4:34

“Nyini kiwonyö könyiswechay le mut nko odeny arosan yïm, kuyokwï kegh kinonutköchan. Asalan nyu Tororöt nyo Töror Tya, akonyït nyinte nyo söpöy kokay. Ompöwölo pö pöyunötenyi kokay nko kokay akïtöpo pöyunötenyi ompö pïnwöy löwïr.

YOEL 2:32

Wölo chïwïtöy chi anka tïkwïl nyo kuröy kaynata ECHOTYON, ompöwölo lentöy ECHOTYON, ‘Mi ngötunön cho kïsöru ompö kuntïng pö Sayon nko Yerusalem cho okuran ante.’ ”

SEPANIA 3:13

Melö nyu tökwighöy cho ghach pipö Israel cho kingötï, pïstoy putintön nko lïs. Pöghisïyi chane nyo karam, karkegh nko kechir cho oketïyi akïrusot wölo tïghume, akï puryö kïgh nyo muköy kwotyeghö chane.”

ESEKEL 43:7

Kïlenchanïn, “Wero chi, ngacharunyan nyï nyo pö paytagh aki wölo työköy kelyechan. Lïku wölo omöngan nko piköchan pö Israel kokay. Amelö tökusïmnyonöy pipö Israel kaynenyan anta pöytoghikwa ompö chepkartananengwa nko ompö mïntïruchko pöytoghikwa.

OPADIA 1:21

Longöy kutïng pö Sayon* nyökon cho kisörï Yerusalem atökïpayta kutïng pö Esau. Pöyitu nyu paytagh ECHOTYON.”

MIKA 2:13

Yotöy Tororöt nyinte oreto kanasyan akuntöghoghchï chane kïpa. Wiröy chane lö pölölo akïlïtöy kurel sany. Ntöghoghchini chane Tororöt nyo le pöytoghintengwa.

SEPANIA 3:20

Oghömïtwokwa asisoni apkana kaw, olïkunekwa pich cho ororöch ompö ngwïny kïmïkul, osoyönokwa onyorunö tïkwïn le tagh. Oghan ngalechoni löwïr, asïwïyekwa ompö konyikwo.” Mwoghöy ECHOTYON.