MIKA 4:13 - PIPÏLIA

¹³ Lentöy ECHOTYON, “Akwa pipö Sayon ongetyenö omungö punkökwo. Oghokwa le kir cho tïng kuyo karïn akï taghoy putïlöy. Itïghenyi pipö koros cho möngörï. Opunekwa pöröw löwïr cho kipörunö chane pikö walak. Atolapay opukwa sïkönötengwa, wölo omitan, nyo ochï Echotyonto ngwïny kïmïkul.”

MIKA 4:13 Referans Kwoze

DANIEL 2:44

Ngetu nyu Tororöt nyo mi yïm pöyunöt anka ompö osiswo pöytoghichoni nyo memukönye chi ntökïpar amöminye paytagh nyo rïntoy, wölo pöröy pöyunötin löwïr kuwonyö akïtöpö kokay.

ISAYA 23:18

Kïpöghisyegho ropïyenichoni löwïr könyorunö mïnchïrïsnön saghata ECHOTYON. Melö kituyot nko kaplawachtin, wölo pöghisyegho pich cho pöghisyechini ECHOTYON ropïyenichoni kwolo omisyewut cho chang nko sïro cho pïchighöch.

ISAYA 18:7

Itu asis akonga ato toköy ECHOTYON Kimuktoghin ropöw cho pkono koronete kepesyö lalwatïna, mito pich cho köromöch akwowesöch, pich cho koghöch akïtïlyönglyöng porwöy, chane cho kiwöghöy ompö ngwïny kïmïkul. Pkonöy chane akïpusï kutïng pö Sayon,* wölini kïsogho ECHOTYON Kimuktoghin.

1 KORINTO 16:2

Akanya kïror chi anka tïkwïl ompö akwa ropïyenichi Chumapili anka tïkwïl kïrïp kegh nko cho könyorï nyinte atömömi machata nyo pö pasa ropïyen ato atwan.

SAKARIA 6:5

Kïlenchanïn, “Nkarinechoni kï yomötin angwan cho yöstochini woptino yïm löwïr. Pkono tawu ECHOTYON to ngwïny kïmïkul.”

SAKARIA 4:14

Kïlenchanïn, “Choni kï pich odeny cho kikïl ECHOTYON nyo pö ngwïny kïmïkul akuyila mwagh atökïpöghisyechi nyinte.”

YEREMIA 51:33

Lentöy ECHOTYON Kimuktoghin, Tororöt pö Israel, “Lata Papilon rökor, ato kïtïgho pagh. Tomtoy nyu ato kïngoghöy chane le pagh.”

TUMWÖY 68:29

ompö Kongu nyo mi Yerusalem, ipunyi nyu pöytoghï ropöw wöloni.

YOSWÖ 6:19

Wölo kiketïlilchï ECHOTYON ropïyen nko koltin nko kari taghoy nko karïn. Kitöni tïkuchoni kaplawachpa Kö pö ECHOTYON.”

ISAYA 5:28

Ngötipöch kotikwa, akukichote kïwantinekwa tïkwïl. Ongeröch putïlöyiko kelyeko angoletinekwa le koghïn cho ongeröch tya.

TUMWÖY 72:10

Nya kwipchï ropöw nyinte pöytoghi Tarsis nko koros cho mi nanam akwipchï nyinte ropöw pöytoghi Syepa nko Sepa.

KINONO KIRURUT 33:25

Nya kwoghïghitu kukoti kanastinechi le karïn, Nya kïtöpo nyinte ato tïghume kïtenö osis.”

ISAYA 21:10

Akwa pikachu pipö Israel, kakïkatakwa le nkanun, wölo omwowokwa ye nyu lökoy cho karamach cho kalïman ECHOTYON Kimuktoghin, Tororöt pö Israel.

YEREMIA 51:20

Lenchini ECHOTYON Papilon, “Ichinyi kunyïkunyan aichï akonga ompö karichan cho pö lïk Kopöghisyegheninyi olïwö koros walaka kïmutmutisyö. Kopöghisyegheninyi orultö pöyunötin.

OSEA 10:11

Epraim ki mösör nyo kikinet kïcham kitïgh pagh orötyinan mchokyon katïnyi nyo nyalnyal wölo oghan Epraim kuchut chempo eghin, ay, chutöy Yuda chempo sempara.

APAKUK 3:12

Kisïngirenyi nka nyoni kiwenyi iwer ngwïny, ainyaknyakata pipö ngwïny kïmïkul.

TUMWÖY 24:1

Pö ECHOTYON ngwïnya nko kïgh anka tïkwïl nyo mi orinyi, nyenyi ngwïnya nko löwïr cho möngöy ori.

MIKA 5:7

Kilïkwï nyu pipö Israel cho pö man kisoyönöt ompö punton le röyon nko rop nyo konu ECHOTYON kingarak kïgh anka tïkwïl cho melö kiköngöy kïkonu pich anta ropï pich.

SAKARIA 12:3

Oghan asisoni Yerusalem kogh nyo nïkis ompö pich löwïr. Yörchini kegh kösotyö nyo ngwan koro anka tïkwïl nyo lentöy okölöngöy. Pkonöy koroswo ngwïny kïmïkul kïporyegho kanasyantanoni.

SAKARIA 12:6

“Oghan osiswechoni pipö ortïna Yuda kïlïkwï ma nyo pelöy wuw, le ma nyo pelöy roro pagh. Pelöy koros cho le pöröris pö Yerusalem kuwonyo lömïs wölo ngötu pipö Yerusalem akïmöngisyö ompö kalya.