MIKA 3:7 - PIPÏLIA

⁷ Kirotöy kirosikwa, wiröy wuw ngoratengwa, nömöy arasï chane ompöwölo melö terchini Tororöt chane.

MIKA 3:7 Referans Kwoze

SAKARIA 13:4

Nömöy arasï osiswechoni werkoyon ompö sïwïyaghtinechi otini mwochini pich. Melokönye sampu werkoyon atökïlïs pich lö ochï werkoyon.

ISAYA 44:25

Owöghökan werkoyi putintön kïlïkwï sölwöy, aghan kïlïkwï kwïle ngorut pö pich cho topönöy kokel. Otöghan lö melö man ngala pich ngöghomöch, aporwan lö kitö sölwontön ngöghomnyengwa.

AMOS 8:11

“Arosa, pkonöy osiswö cho oyokunan kömöy kungwïn kor, melö kömöyu omisyö anta maral, wölo kömöyu kelïm ngölyonto ECHOTYON. Mwoghöy Echotyon TORORÖT.

ESEKEL 24:17

Mekany kelïm sönönötengu, amesönön ompö meghenyi. Ratanyi kopiyengu ailach kweghköku, mekarta kutingu anta iyam makatyanta sönönöt.”

1 SAMWEL 28:6

Kïtep Saulö ECHOTYON kïgh nyo mïchini kwigh, wölo möwöghökyïnye ECHOTYON kïgh nyinte ompö kirwotïtogh anta ompö Urim nko Tumim* anta ompö werkoy.

LAWIN 13:45

“Loköy chichini kanam psenkwet sïro cho le sarankwachtin akïpïstö putechi kïtirirön akïkarta kutinyi akuteghöy lö, ‘Sïmnyon! Sïmnyon!’

MIKA 7:16

Sïwïyi pipö punton töngönchin akuwöghisyö kïrkegh kö owesöch, mïghyot akïnam kïgh kutïw akïmingö.

ESEKEL 24:22

Kïlenyona agha le nyï oghan, makarta kutïwekwo anta am makatina pich cho lokyot.

TUMWÖY 74:9

Melö tökïmi töngönchintinö ngat, amelö töketïngetenöcha werkoy. Amökinkïtöchanye lö lïku nyete nko oyï!

1 SAMWEL 28:15

Kïlenchï Samwel Saulö, “Ompö ne tesusaninyi ikuranïn?” Kïlö Saulö, “Otïngetan nyarïl nyo wow, mököy pipö Pilisti kïporyeghenanïn akikïtaghanïn Tororöt, machamnye kïwöghökwanïn ompö werkoy anta kirwotïtogh, nka nyï katepinyi kïgh nyo mïchini aghan.”

1 SAMWEL 14:37

Kïtep Saulö Tororöt lö, “Owan opokyï pipö Pilisti nya? Itöninyi chane mori pipö Israel?” Wölo kimöwöghökyïnye ECHOTYON Saulö asisoni.

1 SAMWEL 9:9

(Ato kiwetöy chi köny ompö Israel, kïtepöy ngölyon Tororöt, kilentöy, “Kepe wölo mi pkeghyon.” Ompöwölo chi nyo kïkuro ye werkoyon, kï kikuro köny pkeyghyon.)

WUWÖT 9:11

Akimemïcha chepsoköytinechay kughyongö tawu Musa, ompöwölo kyam tasusay chane nko pipö Misri löwïr.

MIKA 3:4

Itïtoy nyu ato oriryokwa arirchini ECHOTYON wölo melö terwokwa nyonikïny porchinokwa patagh akïsis ompöwölo kyaghakwa ngokï.

YEREMIA 18:18

Atolapay kïlö pïchay, “Apkana kechama wölo kïtïghtoy Yeremia! Mömicha so tïsï cho netecha anta pich cho ngöghomöch cho muköy kururecha anta werkoy cho mwowecha ngölyonto Tororöt? Keyara ngal cho kirwokyinegho Yeremia amaketera ngat ngalechi cho mwoghöy.”