MIKA 3:12 - PIPÏLIA

¹² Kïlenyona kïngoröy Sayon le par akwompö akwa lïku Yerusalem kïratyan nyo kirul kutïkumö, akïpita wuw nyo wow Kö pö Tororöt.

MIKA 3:12 Referans Kwoze

YEREMIA 26:18

“Kimwochï pipö Yuda löwïr Mika chi pö Moresyet ato ki pöytoghin Esekia nyo pö Yuda lö, ‘Lentöy ECHOTYON Kimuktoghin, kïngoröy Sayon* le par, lïku Yerusalem kïratyan nyo kirulyö korïn kutïkumö akïlïkwï wuw Kö pö Tororöt.’

TUMWÖY 79:1

Kepokyï pipö punton korengu, we Tororöt, akusïmnyon Kongu nyo tïlil akwigh Yerusalem kïlïkwï kïratyan.

MATAYO 24:2

Kuyokyï Yeso lö, “Osïwïyekwa teksyonete kïmïkul nya? Omwowokwa nyoman lö möminye kagh ompö akonga nyo kïpïsyini kughyongo parakuto kada anka, kïwirchini ngwïny löwïr.”

MIKA 1:6

Oghan Samaria kïlïkwï kïratyan. Kilïkwï wölo kïkötkötyini sapipun, aronchinan koghichi mpöghogh, akalangta kitorutyenyi.

TUMWÖY 107:34

Kigh nyïngwïtyan nyo akwagh kïlïkwï koro partin, akwompö ghöyityo pich cho kimöngöy wöloni.

YEREMIA 9:11

Lentöy ECHOTYON, “Oghan Yerusalem kïlïkwï kïratyan nyo tuw, lïku köpönoti chepkonöw. Oghan tïkwïl kanastina Yuda kïlïkwï surkwen nyo puryö chi nyo möngöy.”

YEREMIA 17:3

nko tömköy. Opïsyinan pungkökwa kïcheng tïkukwa nko ropïyeni atökutökï ngokichay kyaghakwa ompö korenkwa kïmïkul.

YEREMIA 22:6

“Omwoghan paraku kö pö paytaghpa pöytoghinto Yuda lö, Kïrkegh kechï pïchigh le koro Kiliad anta le kutïng pö Lepanon parak, wölo nyo pö nyoman oghinyi lïkuna surkwen, ailïkwï kanasyan nyo le kïratyan.

YEREMIA 35:17

Kïlenyona, omwoghan ye ante ECHOTYON, Tororöt Kimuktoghin, Tororöt pö Israel lö, opchinan kiwurat pipö Yuda nko Yerusalem, nyo lata nyo kyamwaghan kutinyu lö onyorunekwa. Oghan lenyoni ompöwölo melö kyaterakwa ngal cho kyomwowekwa, kyokurokwa amongitönökwanye.”

YEREMIA 44:2

Kilö ECHOTYON Kimuktoghin, Tororöt pö Israel, “Kyasïwekwa akwane kinyarat nyo kyopchan pipö Yerusalem nko kanastina Yuda löwïr. Kïratis kanastinechoni nko ompö nyete le ye, puryö chï möngöy oringwa.

YEREMIA 52:13

Atolapay kïpela ma Kö pö Tororöt nko kö pö pöytoghin nko korïn löwïr ompö Yerusalem. Kimöminye kö nyo wow nyo kingötï makïpel.

LOK 5:18

Ompöwölo kipegha pich kutïng pö Sayon kuwes kalïkwï wölo pestegho chepkonöw.

ISAYA 32:14

Ompöwölo kïpökoktoy kö pö pöytoghin akesurö kanasyante kïtuwit. Kiwuröy keston nko nïyet cho kikïripsyegho akegh kïlïkwï möngot pö tyonkïn kokay. Lïku wölo tisonchegho sïkïröyi wuw akïlïkwï acheypa kechir.

YEREMIA 9:10

Olan, “Orirchinan asönönchï kutïngkot, olokan ompö suswo kyak cho mi wuw cho köyomö, amökïminye chi nyo weröy wölini. Mökelïmonye wölini tany nyo ghïtöy, akïwï töritwö nko tïpö wudïn kïpechï kegh.”

YEREMIA 22:5

Wölo ato maghakwanye lenyoni kamwaghan, owolwolan kegh lö lïku kayï kïratyan. Kamwaghan ante ECHOTYON lenyoni.