MIKA 2:7 - PIPÏLIA

⁷ Ngale chete cho kimwoghöy so pipö Israel? Nyo melö tökïmïdoy ECHOTYON? Ngalechi ye so chï cho kegh? Mengörokönye so ngalechan chane cho pö man?

MIKA 2:7 Referans Kwoze

TUMWÖY 84:11

Ompöwölo ECHOTYON Tororöt kï asis akï longa, soyönecha nyinte ompö tölosyö nko konyït. Mötöghonye ECHOTYON kïgh nyo karam, pich löwïr cho ighöy man.

YEREMIA 15:16

Kyanïkughan ngaleku otini kyalïman, kwipkanïn ngalechoni ngörekyö akïturön mïkulöwunyan. Ompöwölo nkïtanïn pich ompö kaynengu, we ECHOTYON Kimuktoghin.

TUMWÖY 15:2

Kïpoto nyinte nyo melö tïng kigheghchin ompö otöptanyi akwighöy man, nyo mwoghöy man ompö mïkulöwunyi.

SAKARIA 4:6

Kimwowanïn malaykayan lö, “Ipchinö Serupapel ngölyonto ECHOTYON nyo lentöy Irïntonenyi kïgh anka tïkwïl amelö ompö owesyo lïk anta owesyengu kegh wölo ompö owesyo mïkulöwunyan. Kamwa ECHOTYON Kimuktoghin.

OSEA 14:9

Ato mi chi nyo ngöghom, ikany kipköchin ngalechï. Ato mi chi chïrer inkïtï ngalechï. Kï man ortïna ECHOTYON löwïr akirïpöy pipö man, wölo pïtyegho chemwokïyis ortïna ECHOTYON.

ISAYA 50:2

“Kilö ne tömonyorwan chi atanya kyorutowokwa? Kilö ne tömöngitonchö chane ato kyokursyan? Ayo, tangogh so ewunyan nyo momukanye osöru chane? Omukan oghöy nanam kïteny ompö ngölyontenyan, awaghach lalwatïn kïlïkwï surkwen, kïmeghyö kaghagh cho mi oringwa ompö rörchin pö pögh.

NGÖTÏNYÖ 28:18

Kïsöru chi nyo westegho mantanyi, wölo chi nyo le lïsin, kïchïnchini pïrïm.

NGÖTÏNYÖ 10:29

Ghïpöwon nyo tïghume ara ECHOTYON ompö chi nyo tïlilöch ortinechi, wölo wongöy ECHOTYON mwokïyis.

NGÖTÏNYÖ 10:9

Westoy chi nyo karam ompö man, wölo kinkïtu chi nyo masteghate ortïnechi.

2 TIMOTEO 3:5

Lïku pich cho, ato kiros ompö sany kïlentöy pich kighönï, wölo ompö oringwa töghöy owesyö nyo kïnyoruno kighanat. Ilowit kegh ompö pich cho lata choni.

2 KORINTO 6:12

Ato asïwekwa kïgh anka tïkwïl nyo le tömölöwon ompö kwenunkwa nko acha, kïmi kïyoni okuntönkwa melö okuntöncha.

RUMI 7:13

Poru ye so nyoni lö kipkanïn meghat kïgh nyo karam? Ewo! Ki ngokï choni kigh lenyoni otini kipöghisyeghö kïgh nyo karam, kwipkanïn meghat atökupörï kegh ngokï lasiny. Kïlenyona nyu, ompö kirurutyonay, kirumï lö ghach nyoman ngokï.

YOANA 8:39

Kuyokyï chane lö, “Apraam paponcha.” Kuyokyï Yeso chane lö, “Ntökyochikwa monïngo Apraam nyoman, kötoghekwa ighisyewutchoni kigh nyinte.

MATAYO 3:8

Agha nyu tïkwïn cho poru lö kyokötekwa ngokikwo

MIKA 3:9

Atere ngalechi kintöghoghichi pö Yakopo nko akwa pöytoghi Israel cho owoköy man awaghach köromnye kïghaghit.

YEREMIA 2:4

Akwa monïngo Yakopo nko akwa pipö ortïna Israel, atera ngölyonto ECHOTYON!

ISAYA 58:1

Mwoghöy ECHOTYON lö, “Oteghyenö tya! Omwochinö piköchan, pipö Israel ngaleko ngokikwa!

NGÖTÏNYÖ 14:2

Wöghöy ECHOTYON chi nyo tenate ortïnechi, wölo sösöy chi nyo masteghate ortïnechi.

NGÖTÏNYÖ 2:7

komönchini pich cho tenote ngöghomnyo man, longa nyinte ompö chane cho pö man

TUMWÖY 119:65

Keghchinyi mötworintengu nyo karam, we ECHOTYON, kïrïp kegh nko ngölyontengu.

KIYITUT 11:23

Kïlenchï ECHOTYON Musa, “Melö mïnïng owesyenyan. Isïwïyenyi ye nyu lö, igho kïgh nyo kamwaghan nya anta ewo.”

TUMWÖY 119:68

Ichinyi karam aighenyi nyo karam! Netante kikirutköku.

TUMWÖY 18:26

Iporchinenyi cho tïlilöch lö ichinyi tïlil, iporchinyi pkatis lö ichinyi pkatyan.