MIKA 1:3 - PIPÏLIA

³ Rose, ngwïno ECHOTYON katanyi, röku ngwïny akïtyakatyak, paraku kutïngkot ompö ngwïny.

MIKA 1:3 Referans Kwoze

AMOS 4:13

Tororöt nyinte nyo kigh kutïngkot nko yomat. Nyinte nyo ngongchini ptangengmöt kinonutkachi. Nyinte nyo wöghököy pöghet kïlïkwï tuwïn. Akï nyo kïwestegho paraku yïm. Kïkuro kaynenyi Tororöt Kimuktoghin.

ISAYA 26:21

Ompöwölo ngwïno ECHOTYON möngenyi nyo mito yïm, atökunyaril kong pipö ngwïny ompö ngokikwa. Kiporu atoni irïmö nyo kikigha ngwïny ompö sison, amelö tökumuköy ngwïnya kïwïngöy pich cho kikïpörchï orinyi.

KINONO KIRURUT 32:13

“Kitö chane kïpayta kor wölo le mösop, akwam tïkwïn cho kipkono paren. Akïlany ponit pö ghatoy, kïpita ketikwa cho pö arol wölo le kaghnötyan.

APAKUK 3:19

Echotyon TORORÖT nyo le owesyenyan. Ngörokanïn nyinte apus kutïngkot, cho koghöch amelö opïtan, le wölo rïptoy korinya.

TUMWÖY 115:3

Mi Tororötïncha yïm, kwighöy kïgh anka tïkwïl nyo mököy.

ESEKEL 3:12

Atolapay kïsïtanïn Mïkulöwu Tororöt yïm kïnyini alïman tïlöt nyo kitïlöy le ilat ompö lötunyan nyo kilentöy, “Nya kïkwolö ororyo ECHOTYON ompö yïm.”

ISAYA 25:10

Ompöwölo körtoy ECHOTYON kutïng pö Sayon, poto pipö Moap cho kïtïkyini ngwïny, kïle wölay kïtïköy ompö kïlïkwï pures.

AYUPU 40:12

Rosa chi anka tïkwïl nyo le menotyon, tetyorunö nyinte kïrökwï. Tyokyïnö ngwïny mwokïyis ompö otini ghyongo.

KINONO KIRURUT 33:29

Ochikwa ngörechote kïtya nya pipö Israel! Möminye chi nyo karkegh nko akwa, pich cho kisörï ECHOTYON, longenkwa nyinte nyo ghetokwa akï chokenkwa nyo konokwa rïntagh. Pkonchinokwa pungkökwa akïsaghsaghakwa lö, osyonchech, wölo otyökekwa chane.”

SAKARIA 14:4

Ghyongo nyinte asisoni kutïng pö Arol nyo mi okumpö kongasis nyo pö kanasyanta Yerusalem. Köreroy asisoni kutïng pö Arol kwen ompö mpöghogh nyo tapes kïngeta kongasis ntökwit ta. Mi karerane akong kuntoka kïmi anka kumporö.

AMOS 9:5

Swongöy Echotyon, TORORÖT Kimuktoghin ngwïny kïyï le aykwanga akïsönön pich cho mi ori ngetöy koro akïrul le lalwa Nile.