MATAYO 6:2 - PIPÏLIA

² “Kïlenyona nyu, ato itö kïgh chi, itötö ompö sison mengalana, tömekarkegh nko pich cho le lïsï cho ighöy lenyoni ompö kori sowut nko ompö ortïna kanastin atökïkwol pich chane. Omwowokwa nyoman lö kikïnyorï chane ropöwontengwa.

MATAYO 6:2 Referans Kwoze

MATAYO 6:5

“Akwotini osoghöy, makarkegh nko pich cho le lïsï, cho chömöy kïsoghöy kughyongo kori sowut nko wölo sochegho ortïna atökumï pich kïsïwa chane. Omwowokwa nyoman lö kikïnyorï chane ropöwontengwa.

MATAYO 6:16

“Ato okïruröy, makany kïsilonchö tökochwekwo le lïsï, ompöwölo lisöy chane tokochwekwa atökïsïwa pich lö mi chane kïkïruröy. Omwowokwa nyoman lö kikïnyorï chane ropöwontengwa.

YOANA 5:41

“Momöranye salata ompö pich.

EPRANIA 13:16

Mowutyeghö oghchï pich nyo karam angarak kegh akwane, ompöwölo amörostin cho lata choni cho chömöy Tororöt.

LUKA 20:46

“Orip kegh koneti kirurut cho chömöy kunisonchegho sïrokökwa cho koghöch atökutakwes pich ompö konyït ompö donyö. Kïlöy chane ngöcher cho mi tagh ompö kori sowut akwighöy lenyoni nko ompö wölo kyomisyegho.

YOANA 7:18

Chi nyo mwoghöy ngalechi kegh, kïyöröy kïkwolöy kegh, wölo chi nyo yöröy kwolöteto nyinte nyo kiyonï nyinte, kï pö nyinte man akï möminye putintön orinyi.

1 PETRO 4:11

Ato kikïkurïn lïkuna ngölonin, ingalan kïrïp kegh nko ngölyonto Tororöt, kïkany nyo pöghisyechini pikö walaka, kïmïchini kwigh lenyoni ompö owesyö nyo töni Tororöt nyinte. Ato aghakwa lenyoni, kïnyoru Tororöt salat ompö ara Yeso Kristo nyo nyenyi ororyö nko owesyö kokay nko kokay. Amen.

TUMWÖY 37:21

Pösönöy mwokïyis tïpö pich amöghokucha, wölo pögho chi pö man tïkuchi pich.

EPESO 4:28

Nya kïpïstö chorin chorsyö akïpöghisyö atökïsïch kïgh nyo poröy nko nyo chopöy.

KALATIA 2:10

Wölo kitepecha chane kïgh akonga lö, tömökïwutyeghecha mey. Kïgh nyo kyomitan onoghyegho oghöy.

IGHISYEWUT 10:4

Kuwagh malaykayantanay kïtöngönchï akuyokyï lö, “Ne kitö nya Echotyon?” Kuyokwï malaykayantanay lö, “Kakïtach Tororöt sowutköku nko ighisyewutköku cho pö pöropchö, akakunaninyi.

OSEA 8:1

Lentöy ECHOTYON, “Akuta kontï! Achona pung kipka le mötong kupokyï Kö pö Tororöt* ompöwölo kipeny chane mumenyan akïtagh kirurutköchan.

1 TIMOTEO 6:18

Mwochinö chane kwigh nyo karam akïlïkwï monkor ompö pöghisyewut cho karamach. Mwochinö tïkwïl kukörkoröy morïn kïcham kutötö tïkukwa akupar nko piko walaka.

RUMI 12:8

Ato ko ropöwonto kikilöto pich, kukil pich lenyoni. Kïkany chi nyo pöghöy pich, kwigh lenyoni ompö mu nyo karam, akwanka tïkwïl nyo ghyongchini pich, kughyongchï lasiny akwanka tïkwïl nyo syonchini pich kwigh lenyoni ompö ngörekyö.

IGHISYEWUT 24:17

“Kïkany oweghan Yerusalem könyis cho chang, amïlan wölini opchï pikachu pipö Yaudi ropïyen atotö kyak cho pö amöros pö Tororöt.

IGHISYEWUT 10:31

akïlö, ‘Kornelio! Kakilïm Tororöt saghatengu, akakunan pöghisyewutköku cho pö kisyonöt.

IGHISYEWUT 10:2

Kikonyïtöy chichoni Tororöt, kisöghöy nyinte Tororöt nko katanyi kïmïkul. Kingöroköy pich nyoman cho kile mey, akisoghöy Tororöt kïnomnyö.

IGHISYEWUT 9:36

Kimito korka akong Yopa nyo kikuro Tapita, nyo kighanate. (Kikuro kaynenyi ompö ngala Krik Dorkas, nyo ato kïwaghach kï chemïl.) Kighchini pich nyo karam akungöroköy mey.

YOANA 13:29

Akwompöwölo ki Yudas nyo kiripöy mïleto ropïyen, kïlö kinetankachi walaka töptoy kömwochï Yeso nyinte kïwö kwal tïkwïn cho kakïmöcho omisyo Pasaka anta katep ana nyinte kutö kïgh pich cho le mey.

YOANA 5:44

Omukekwa oghöne lö ne akwanyï ochömekwa otoke salat nyo le nyingwo kegh akwanyï momörekwanye salata Tororöt?

LUKA 6:42

Imukenyi lö ne lenchine tupchengu, ‘Pïswante asyar wïtanian nyo mi kontangu,’ akwanyï mesïwïyenyinye nyinte kuntïl nomi kontangu? Nyi lïsintonï, nyagha maltena kuntïlyonona mi kontangu terosïtena, atesyara wïtanian nyo mi konto tupchengu.

MARKO 12:39

akïtïpïyö ngöcher cho pö tagh ompö kori sowut, möro kong ngöcher cho mi tagh ompö wölo kyomo ichon.

NGÖTÏNYÖ 20:6

Poru chi anka tïkwïl köromnyenyi ompö chitö anka, wölo ngo nyo muköy kïnyoru chi nyo kighönöy?

NGÖTÏNYÖ 19:17

Pösönchini ECHOTYON chi nyo syonchini mey, akïghokchini ECHOTYON nyinte ompö ighisyenyi.

TUMWÖY 112:9

Korkoröy ewunyi kïpögho tïkuchi mey, töpo mantanyi lenyoni kokay, kïsyolo owesyenyi konyït kokay.

PILEMON 1:7

Werïnyo, kökonanïn chomnyengu ngörekyö nyo wow akukilanïn nyoman, ompöwölo keghanyi mïkulis pö pipö Tororöt kïturonchö.

1 TESALONIKE 2:6

Molö kikïyöronecha kwolöt pich anta akwa anta, pikö walaka, wölo kïle otini kichicha kiyoktoghi Kristo,* kitömïchinecha kesïkenö tïkwïn wölo omitekwa.

IGHISYEWUT 11:29

Kutötö kighönichay kingarakat kïle wölo kiteno owesyengwa ompö machat akonga kïpa Yudea wölo kimi kighöni walaka.

LUKA 13:15

Kuyokyï Echotyon chichay lö, “Ochech chepölköstinechï! Nyaye tyoköy chi tïkwïl edanyi anta sïkïryenyi kïngeta kaw akïkat kïwö kïgha pögh asispa Sapato?

LUKA 12:56

Ochech chepölköstinechï, kölö ne tomukekwa atatame kïgh nyo igho ato arosakwa ngwïny nko yïm, akupölokwa onkïtunö lö kïgh ne nyo ighöy Tororöt osiswechete?

LUKA 12:33

Altena tïkukwo atotönö mey ropïyeni. Oyörchinö kegh mïlot cho melö wïrsot amörchï kegh kaplawachtin cho mewonyot ompö yïm wölo mönyorucha chorï antewur rirïm.

LUKA 11:43

“Ochech akwa Parisaytin! Omörokwa kong ngöcher cho töroröch ompö kori sowut acham ketakwesak ompö konyït ompö donyö.

LUKA 11:41

Wölo otönö mey tïkwïn cho mi kikompen nko saninekwa atökïtïlilitu tïkwïn tïkwïl ompö akwa.

LUKA 6:24

Wölo ochech akwa cho ochï monkor otï le ye, ompöwölo konyorukwa ropöwontengwo.

MARKO 7:6

Kuyokyï Yeso chane lö, “Nyoman nyay kingorekwa werkoyonta Isaya chepölköstinechï otini kikikir lö, lentöy Tororöt, ‘Konyïtanïn pïchï ompö kutïw kwïle, wölo lowöch mïkulöwekwa ompö ani.

MATAYO 24:51

Tïghöy mötworintononi nyoman le wölo kïtïghtoy chepölköstin, akutö wölo riryegho pich akïnyagh kelat ompö kichïr.

MATAYO 23:6

Chömöy nyoman kumpuröy ngöcher cho pö konyït ompö wölo omisyegho pich cho echön akïchömöy ngöcherwo tagh ompö sinakokin

MATAYO 22:18

Wölo kunkïtï Yeso lïsatengwa, kïlenyona kïlenchï, “Ochikwa lïsï! Kölö ne tomökekwa olutanïn ngöghöp?

MATAYO 16:3

Kïkany kuwas olekwa, ‘Ropönöy ompöwölo pïrir yïmö akï kïruntï.’ Ato onkïtökwa angoröy atöptino osis otini kotopönökwa yïm akwanyï momuchekwanye ntangor möchey pö otöptino osiswechï.

MATAYO 15:7

Heywey lïsichï! Kingor Isaya ngalekwa nyoman ato kimwa ompö parakunkwa lö lentöy Tororöt:

ISAYA 58:7

Apara omisyewutkökwo nko pich cho amate kömöy atach mey ompö kestonikwo. Oropchinö sïro pich cho chopöy, angarak piko arengwo.

ISAYA 9:17

Nka nyoni nyu kïgh nyo ighöy Echotyon möchïwïtyö pikökwa cho le chumwak, amesyonchï pönonkökwa nko mïsïktinekwa, ompöwölo kighachitu pikö tïkwïl, akïngölonöy kutïweko pïchoni löwïr ngala sölwontön. Akï kïrkegh keghisyö lenyoni, kïmelö wonyot nörekyo ECHOTYON, wölo tökughïtoy ewunyi kïnömöy sitenyi nyo mungoy pikachi.

OMTOGHIN 11:2

Tötenö kareran tönö pich mut nko odeny anta mut nko sömök, ompöwölo menkïtnye chi kïgh nyo pïnï.

1 SAMWEL 15:30

Kïlö Saulö, “Kyaghan ngokï, wölo konyïtante ompö tawu poyi pich nko ompö pipö Israel aiwö Kilkal nko ani atowan asagh ECHOTYON Tororötïngu.”

MATAYO 7:5

Ichinyi lïsïn! Nyagha chengunö ketoni mi kontangu temuka nyu syara wïtanian nyo mi konto werïngwo.

MATAYO 5:18

Ompöwölo omwowokwa nyoman lö, weröy yïmö nko ngwïny nyo mötïny, wölo mewerönye ompö kemeryanta kite nyo pö kirurut ntökïtenö kïpïntö tïkwïn löwïr.

ISAYA 10:6

Kayontan koro Asirya kïporyeghö punton cho menkïtcha Tororöt, pïch cho kighanïn anarek. Kayontan chane kïpa kïpörï tïkwïn akuritï akïtyakata pikö le norayon nyo mi arawet.”

MATAYO 6:3

Wölo ato itö chi kïgh, mekany kunkïtï ewungu nyo pö löt kïgh nyo ighöy ewungu nyo pö tagh.

MATAYO 23:5

Ighöy ighisyewutkökwa löwïr lö tökïsïwa pich. Röto mötöwekwa nko ewunekwa angwoy cho kikikirchï Kirurut pö Tororöt akulach sïro cho koghöch akukarkar sïrokö lasiny!

1 KORINTO 13:3

Akï kïrkegh kotötan tïkuchu löwïr atötan portanyu kepel, amotïngetanye chomnyogh, kïmenyiwanïnye kïgh.