MATAYO 5:9 - PIPÏLIA

⁹ Soyönote pich cho linyot pich, ompöwölo kïkuro chane monïngo Tororöt!

MATAYO 5:9 Referans Kwoze

EPRANIA 12:14

Okilö kegh, otïpinö ompö kalya nko pich löwïr otïpinö otöp nyo pö tïlilyö nyo ato mötïngnye chi kïmösïwïyinye Echotyon.

RUMI 12:18

Igha kïgh anka tïkwïl ompö okuntöngu nyo muko ate töpenö nko pich lapay ompö kalya.

KALATIA 5:22

Wölo okin nyo yinu Mïkulögh kï: chomnyogh, ngörekyö, kalya, mïkukönöt, tölosyö, köromnyö, kighanat,

TUMWÖY 120:6

Kyamang könyis cho chang nko pich cho töghöy kalya.

RUMI 8:14

Lapay cho ntöghoghchini Mïkulöwu Tororöt kekuro chane monïngo Tororöt.

LUKA 6:35

Wölo achama punkökwo aghchï chane nyo karam, opösöntenö amokön kïgh. Ato aghakwa lenyoni, kïwow ropöwontenkwa alïkunekwa nyu monïngo Tororöt nyo Töror Tya. Ompöwölo ighchini nyinte nyo karam pich cho meyoktoy sörö nko mwokïyis.

2 KORINTO 13:11

Wow ye nyu sörö, werköcho. Alïkwï pich cho melö tïng lelut. Mopïstö kirurutköchan, alïkwï pich cho tïng machat akonga, ampur ompö kalya. Töpo nyu Tororöt pö chomnyogh nko kalya nko akwa.

KOLOSAY 3:13

Omïkukönchinö kegh akwane, alöstoghchï kegh ato mi chi nyo kölechï chito anka. Mïchinokwa olöstoghchine kegh le wölo kilöstowokwa Echotyon.

TUMWÖY 34:12

Ngo nyo mököy kïngörökyï söpon akïmököy kïmöngisyö nyo kogh, akï ngörökyï tïkwïn cho karamach nya?

MATAYO 5:48

Alïkuna nyu pich cho tenote le wölo lata Paponkwa nyo mi yïm.

2 KORINTO 5:20

Kïchicha nyu kighyongtoghi Kristo ompö ngwïnyinï cho pöghisyegho Tororöt kïsoghsoghokwa kuwerwecha. Kïmitecha kesoghokwa nyoman ompö Kristo lö olinyenö nko Tororöt.

IGHISYEWUT 7:26

Kïkany kïyech kïsïwa pipö Israel cho le odeny kïporsot, kumukyï lö, oghetöy chane kïlenchï, ‘Atere mïrönchï nkolentan otupchekwa, kï kölö ne tö oghchinö kegh nyo gha?’

MATAYO 5:45

atalïkuna monïngo Paponkwa nyo mi yïm.’ Ompöwölo ighöy nyinte asistanyi kuluchï pich cho le mwokïyis nko cho karamach akïkonu rop kïropönchï pich cho pö man nko cho melö pö man.

1 OTÖPTINO OSIS 12:17

Kïwö Daudi kïtarok chane akïlenchï, “Ato kapkanakwa le kongot angarakanïn, kï ochikwa tokote, wölo ato kapkanakwa atö olchanïn pungköchan, kïrökegh motïngetanye ghöyityö nko akwa, akany nyu kïlïkwï Tororöt pö papotïnecho nyo rosu choni akï konok sitöt.”

1 KORINTO 6:6

Nyo kötölïku nyoni, kwip kighönintö werïngwa ka kirwok kïmut ngalekwa pich cho melö tïng kighanat.

PILIPI 4:2

Osoman Euodia nko Suntuke lö, “Kaykay omukyinö olïmchinenö le cho otupchö ompö Echotyon.”

LUKA 20:36

Melö tökïmeghsot chane ompöwölo möngisïyi le malayken akï monïngo nyinte nyo Töror tya, ompöwölo kiketutunö chane ngwen.

EPESO 4:1

Osomokwa nyu ani nyo ochï ratate ompöwölo opöghisyechinan Echotyon lö, otïpinö kïrïp kegh nko kurötononi kikurchokwa Tororöt.

RUMI 8:16

Söwintönchin Mïkulöwunoni pö Tororöt nko mïkulöwecha lö, kichicha mönïngo Tororöt.

RUMI 8:19

Ompöwölo köngöy kïgh anka tïkwïl nyo kikigh ompö emö nyo wow asis nyo ngongu Tororöt monechi.