4 Soyönote pich cho sönöniot, ompöwölo syonchini Tororöt chane!
Misöy nyinte Tororöt lok cho mi konyikwa akïmökïminye meghat kokay, amökïminye lok ompöwölo kama chi, anta rirat anta kichïr ompöwölo kikuwer tïkuchay pö tagh.”
“Kyasïwan wölo kipetïta chane, wölo osopan chane antöghoghchï angarak. Osoghsoghan pich cho riryot nko chane.
Ochikwa soyönote cho amatak kömöy ye, ompöwölo kipïghyongokwa. Ochikwa soyönote cho oloksot ye, Ompöwölo onyorunekwa ngörekyö.
Soyönote chi nyo kömöghöy työmut, ompöwölo otini kemuyta tyomutchoni, kïnyoru nyinte söpon nyo kiyomisyï Tororöt pich cho chömöy nyinte.
Wuröy Echotyon TORORÖT Kimuktoghin meghat kokay! Miso nyinte lok konyi pich lapay, akïchenga arasï nyo kökikuwongunö pikachi ompö ngwïny kïmïkul. Ompöwölo ECHOTYON nyinte nyo kangalan.
Ongörekyenö aturonchö nko Yerusalem, akwa chona ochömöy kanasyantanï! Ongörekyenö nko nyinte tïkwïl cho kyosönönchï!
akïlenchï, “Weratena kanasyanta Yerusalem kïmïkul, aitö machey tokochu chi anka tïkwïl nyo kasïwa nyo gha akusus ngalechï ghach kakigha kanasyan.”
Mïlisyot pich kösörï ECHOTYON Sayon,* pkonöy kïtumonu ompö ngörekyö nyo wow Ngöreksot chane kokay. Roryot chane akïngörekyö, ompöwölo kangeta chane nyarïl nko ngwonïn kokay.
Akwa pipö Sayon,* melö torirsokwa ngat cho omöngöy Yerusalem. Kisyonin Tororöt nyo otini korirchikwa nyinte, kïterwokwa.
Wölo kiwöghökyï Apraam lö, ‘Nane ya montanyu lö, kirotyinyi tïkwïn cho karamach atanya kimitenyi ngwïny, kirotyï Lasaro cho ghach. Wölo kïsoghsogho ye nyinte yi imitenyi ngwonïn.
“Ryöghchini pich cho köchïwïtyö kutïngkot le cheptuken cho kakyotyeghö ompö mpöghoghöy, akïsönön anka tïkwïl ompö ngokichi.
Ochech akwa cho ochï pïghyongote ye, ompöwölo pkonöy osiswö cho omokwa kömöy. Ochech akwa cho ororsot ye, ompöwölo oriryokwa alokyö!
Itu asis ato otumekwa lö, “Osölinyi, we ECHOTYON ompöwölo kïrkegh kïnörekyaninyi, wölo kesaghsaghaninyi amelö tenörekyinaninyi ngat!
Kïlenchï Yeso kokonay, “Kakïsörunyi kighanatengu, wechinö kegh ompö kalya.”
Kughyongö lötu Yeso otini riköy kelyechi, kïloch kïtörenchini lokechi kelyo Yeso akïmisa putechi, akïchïchïn akuyila mwaghay.
“Onyïghitan mïkulöwu kisyonchin nko saghat pipö ara pöytoghin Daudi nko pipö kanasyanta Yerusalem. Ato topön chane nyinte nyo kipara chok, kïsönönchï le chi nyo sönönchini montanyi nyo le akonga atoma, anta le nyo kamegha poretyenyi.
Ani kegh nyo kyagh wölnö le mïröt kïmïkul! Ochan ngarakate ompö pich cho ipöy kegh ngwïny akïkötoy lelutkökwa akuwöghanïn akïterwanïn ngalechu.
