MATAYO 4:8 - PIPÏLIA

⁸ Atolapay kumït Onyöto Yeso kïpus kutïng nyo kogh akuporchï pöyunötin cho pö ngwïny kïmïkul nko wölo teno ororyengwa.

MATAYO 4:8 Referans Kwoze

MATAYO 16:26

Ompöwölo tïng chi kinyiwut ne ato nyorï ngwïny kïmïkul akupotö söpon? Möminye kïgh nyonikïny nyo muköy chi ntökwala söpontanyi.

NGONGUT 11:15

Atolapay kïkut malaykayanteto mut nko odeny kontinyi, kuteghyeghö kutïwa yïm cho kilentöy, “Mi ye nyu paytaghpa ngwïny mori Echotyontencha nko Masiyenyi, akïpöytoy kokay nko kokay!”

1 PETRO 1:24

Kïle wölay mwoghtoy Kikirut lö, “Karkegh ptangengmöt nko suswon, akïkarkegh ororyenyi nko tapïka suswon. Silönöy suswon akïrörochö tapïkokachi.

DANIEL 4:30

“Arose wölo teno Papilon köny! Nyo kyatekan ompö kimukatenyan nko owesyenyan, kïlïkwï kanasyanta pöytoghin ompö ororyo paytaghtanyan.”

ESTA 5:11

Atolapay kumorchï nyinte chane wölo teno sïkönötenyi nko wölo kiteno werkachi nko wölo kitotegha nyinte pöytoghintö kïsïch ngachar nyo pö parak nko wölo pïchighta nyinte ompö pöytoghin kïtïl yetïntine walaka löwïr,

ESTA 1:4

Kuparta sïkönöteto paytaghtanyi nyo oror nyaman ompö aro mut nko akonga.

MATAYO 4:5

Atolapay kumït Onyötö Yeso ntökwit kanasyan nyo tïlil akïkany kughyongö Kö pö Tororöt* parak

KIYITUT 23:3

Kïlenchï Palaam Palak, “Ghyongenö yi mi amörostöngu nyo kïpelöy, atowan aros ekungwïnöy ECHOTYON kuryomöy nko ani atomwowun kïgh anka tïkwïl nyo keporwanïn ECHOTYON.” Kïwö nyinte kïpus ato le kamas.

YOANA 5:20

Ompöwölo chömöy Kwanta Werïnyi akuporchini nyinte kïyoni ighöy nyinte, akuporchini ngat kwighöy tïku walaka cho echön kïmolï chete atatanganyakwa.