MATAYO 4:4 - PIPÏLIA

⁴ Wölo kuyokyï Yeso lö, “Kikikir lö, ‘Mösöponye chi makatyan onkït, wölo söpo chi ngölyon anka tïkwïl nyo ngwïno kuti Tororöt.’ ”

MATAYO 4:4 Referans Kwoze

KINONO KIRURUT 8:3

Kighakwa opö kegh ngwïny akïpïswekwa kömöy. Atolapay kïpaghenokwa mana cho melö kyonkïtökwa anta papotïnekwa. Atonkïtunö lö melö söpo ptangengmöt makatyan onkït, wölo söpo ngölyon anka tïkwïl nyo ngwïno kuti ECHOTYON.

LUKA 4:4

Wölo kuyokyï Yeso lö, “Kikikir lö, ‘Mösöponye chi makatyan onkït.’ ”

YOANA 6:63

Kïgh nyo konu söpon kï Mïkulöwu Tororöt, menyiwunye kïgh ptangengmöt onkït. Ngalechoni komwowokwa kï Mïkulögh akï söpon.

RUMI 15:4

Ompöwölo tïkwïn löwïr cho kikikir könyisyok, kï kikikir tökunetecha atömanyïl kesïch kikönöt ompö mïkukönöt nko kikilöto kegh nyo kïsïkonecha Kikirut.

EPESO 6:17

Atacha sörunöt le körtöwonto möt, atach ngölyonto Tororöt nyo le choko Mïkulögh nyo Tïlil.

WUWÖT 16:15

Otini kisïwa pipö Israel, kïtep kegh lö, “Ne kitö nyï?” Ompöwölo kimenkïtcha lö ki ne. Kïlenchï Musa chane, “Omisyö nyo kökonokwa ECHOTYON atama.

LUKA 4:8

Kuyokyï Yeso lö, “Kirate lö, ‘Sagha Echotyon Tororötïngu aipöghisyechï nyinte onkït.’ ”

WUWÖT 16:35

Kwam pipö Israel mana ompö könyis tömönut angwan, ntökwit rotyot nyo pö koro Kanan.

WUWÖT 16:8

Kïlö Musa, “Kökonekwa ECHOTYON peny nyo omekwa asïna nko makatyan nyo omekwa tökwoghö ntopïghyö, ompöwölo kalïm nyinte ngwïrngwïrönötenkwa. Ngwïrngwïrönötenkwa melö ompö acha wölo ompö ECHOTYON.”

MATAYO 4:10

Kuyokyï Yeso lö, “Wïyö Onyötonï! Ompöwölo kikikir lö, ‘Sagha Echotyon Tororötïngu aipöghisyechï nyinte onkït.’ ”

MATAYO 4:7

Kuyokyï Yeso lö, “Lentöy Kikirut ngat, ‘Metyam Echotyon Tororötïngu.’ ”

LUKA 4:12

Wölo kuyokyï Yeso lö, “Lentöy Kikirut, ‘Metyam Echotyon Tororötïngu.’ ”

WUWÖT 23:15

Omekwa Ichon pö Makatin cho puryö Mumar ompö osis mut nko odeny, lenyini komwowokwa. Oghekwa lenyoni ompö asis nyo kïlate nyo pö arawa Apip, ompöwölo kyapkanekwa arawanoni koro Misri. Möminye chi nyo ngwïnöy tawunyan nko mori kwïle.

MATAYO 15:11

Molenchï kegh kïgh nyo röytöy kut nyo sïmnyonöy chi, kïpoto kïgh nyo ngwïno kutinyi nyo sïmnyonöy nyinte.”

MARKO 7:20

Atolapay kïlö, “Kïyinö ngwïno chi ori nyo sïmnyonöy nyinte.

YOANA 15:26

“Wölo ato itï Kingörokintononi oyonwokwa kungwïna wölo mi Paponyan, nyinte kï Mïkulöwu man akïsöwintönchinanïn nyinte.