MATAYO 3:6 - PIPÏLIA

⁶ Kïnganyta chane ngokikwa, kupatisan Yoana chane ompö lalwa Yordan.

MATAYO 3:6 Referans Kwoze

IGHISYEWUT 19:18

Kïpka pich cho chang cho kighan akïnganyta ompö tawu pich pöghisyewutkökwa cho ghach.

1 YOANA 1:9

Wölo ato kïngangacha akelasta ngokicho, ghanate Tororöt akwighöy man. Löstewecha nyinte ngokicho akïmwatecha ompö ghöyityenyo anka tïkwïl.

EPRANIA 9:10

Pörtoy ngalechoni löwïr kirurut pö omisyewut cho lata gheghsyö nko otöptino tïlilyö. Pö ngalechoni löwïr sany akitökïtïng kinyïwut ntökïtenö kwitï ato ighöy Tororöt tötutkö walaka cho relach.

MATAYO 3:11

Opötisönekwa ompö pögh tökuporï lö kokötekwa ngokikwo, wölo pïnï chi nyo lötunyan nyo pötisönekwa ompö Mïkulögh nyo Tïlil nko ma. Wow nyinte kïtïlanïn amömïchinanïnye ompö ntopchï nyinte kweghkachi.

EPRANIA 6:2

cho pö kinetut pö kipatisanat nko cho pö kikanaghata morïn, nyo pö kitutunöto pich cho kimeghö nko nyo pö kirwok nyo pö kokay.

KOLOSAY 2:12

Ompöwölo kikïtïpokwa nko Kristo otini kikipatisanakwa! Akwompö kipatisanatanoni, kyotutukwa nko Kristo ompöwölo kyaghanakwa owesyo Tororöt nyo kigh nyinte kututunö ngwen.

1 KORINTO 10:2

Kikipatisan chane kïmïkul kïlïkwï rïpanpa Musa ompö poltononi nko nanamoni.

IGHISYEWUT 22:16

Akï yeo, ne nyo iköngenyi? Ngeta kepatisanïn atökemwötun ngokiku otini ikurenyi kaynata Echotyon.’

IGHISYEWUT 11:16

Atolapay anana kïgh nyo kimwa Echotyon lö, ‘Kipatisana Yoana pögh, wölo kipötisönokwa ompö Mïkulögh nyo Tïlil.’

IGHISYEWUT 1:5

Kipatisan Yoana pich ompö pögh, wölo kipötisönokwa ompö Mïkulögh nyo Tïlil ato lekït.”

LUKA 3:16

Kïlenchï Yoana chane löwïr, “Opötisönekwa ompö pögh, wölo pïnï lötunyan chi nyo wow kïtïlanïn nyo mömïchinanïnye ompö atyak kweghkachi. Pötisönekwa nyinte ompö Mïkulögh nyo Tïlil nko ma.

MARKO 1:5

Kïghamïtuna kegh pich koro Yudea nko kanasyanta Yerusalem kïmïkul kïpa kïter ngala Yoana. Kïnganyta chane ngokikwa, kupatisan Yoana chane ompö lalwa Yordan.

DANIEL 9:4

Asaghan ECHOTYON Tororötïnyu akötoy ngokï, olan, “Ichinyi, we Echotyon Tororöt awes, aichï Tororöt nyo pö konyït, nyo ikonyïtöy muma,* aiporchini chomnyengu nyo melö wonyot pich cho chöminyi akïrïpöy kirurutköku.

ESEKEL 36:25

Atolapay opïspisyokwa pögh cho tïlilöch totïlilitunökwa ompö sïmnyontönengwa nyo mamïnïng nyo pö körkeyïntinekwa löwïr.

NGÖTÏNYÖ 28:13

Mönyorunye perur chi nyo wïngöy lelutkachi, wölo nyoru kisyonöt nyinte nyo ngongtoy akïpïstö.

TUMWÖY 32:5

Kyongongunyi ngokichan amelö kyawïngan ghöyityenyan. Kyasïwan lö, mïchini ongongunyi lelutköchan, ichamanyi löstoghwanïn ngokichan.

YOSWÖ 7:19

Atolapay kïlenchï Yoswö Akan, “Werïnyu, mwagha man ompö tawu ECHOTYON Tororöt pö Israel aimwowanïn lö ne nyï keghanyi amewïngenanïn.”

KIYITUT 5:7

kïmïchini kïnganyta ngokichi akïghakta kïmïchï akïtösyï kareranpa tömönut odeny chichini keghchï nyo gha.

LAWIN 26:40

“Wölo ato nganyta ngokikwa nko ngokiko papotïnekwa nko ghöyïn nyo kighwanïn, otini kipeny kirurutköchan

LAWIN 16:21

Kukana Aron ewunechi möt pö artanay akïngangtegha parakunyi ngoki pipö Israel nko lelutkökwa löwïr akutö möt pö artanay. Atolapay kuretö chi nyo kikekïl kutang surkwen.

1 PETRO 3:21

Kicheng ngalechoni körkeyïn pö kipatisanat nyo sörwokwa otï le ye ompö owesyo Kristo. Molenchï kegh kipatisanat kï kemwatïta sïmnyonto por, wölo ayomis nyo kïmwochini Tororöt ompö choghïn. Sörwokwa kipatisanata ompö kitutunöto Yeso Kristo,

YAKOPO 5:16

Kïlenyona nyu, ongonchinö kegh ngokikwo akwane, asoghchï kegh atökesopok. Tïngeto saghata chi pö man owesyö nyo ighöy tïkwïn cho chang.

ESRA 10:1

Otini kitö kïmi Esra kisoghöy akïriröy akïkïtïngöy ompö tawu Kö pö Tororöt,* kighömïtyï kegh wölo mi nyinte söpïch nyo wow nyo pö mïrön nko kor nko monïng cho pö pipö Israel cho kiriryot ompö ngwonïn.

LUKA 1:16

Yoku pipö Israel cho chang kïpkonchï Echotyon Tororötïngwa.