MATAYO 3:10 - PIPÏLIA

¹⁰ Kimi oywö kïpsach nyo töröy ighin pö ket. Kïtöröy ket anka tïkwïl nyo meyinönye akwa cho karamach akewirchï ma.

MATAYO 3:10 Referans Kwoze

YOANA 15:6

Ato mötöpönye chi anka tïkwïl nko ani, kewirchini sany atökïyam le morno ket. Ghömïtöy nyu pich morichoni pö ket akïwirchï ma atökepel kïnöghö.

LUKA 3:9

Kimi oywö kïpsach nyo töröy ighin pö ket. Kïtöröy ket anka tïkwïl nyo meyinönye akwa cho karamach akewirchï ma.”

MATAYO 7:19

Kïtöröy ket anka tïkwïl nyo meyinönye akwa cho onyïn akewirchï ma.

YOANA 15:2

Töröy akïwirta morïn anka tïkwïl nyo mi orinyan nyo meyinunye akwa akïpïtyï morïn anka tïkwïl nyo karam tökuyin akwa cho chang.

YEREMIA 17:8

Karkegh chi nyo lata nyoni nko ket nyo kipita lalwa kamas, nyo tortoy sikin kïröytö wölo mi pögh. Mewöghönye osiswo kilayat, ompöwölo nyörilöch sökechi kïtenö osis. Motyönye osiswo pekat akuyinöy akwa ompö osiswechi.

EPRANIA 6:8

Wölo ato pita paranoni kato nko ratok, kïmötïngnye kinyiwut. Karik paranoni chïpötö akwoto mi löt kepelo ma.

MATAYO 21:19

Kïsïwa moköngwö ompö ara or kamas kïwö kuros, puryö kïgh ketini kïpoto sökö kwïle. Kïlenchï ketay, “Meyinenyinye akwa kokay!” Kïyam moköngwonay lenyini.

MALAKI 4:1

Lentöy ECHOTYON Kimuktoghin, “Itu asis nyo nöghöy ma nyo ngwan lakat, ato kïpelo menot nko mwokïyis le mopö. Nöghsot chane asisoni ntökuwonyö lömïs.

TUMWÖY 1:3

Lata nyinte ket nyo kapita champilwa nyo mi pögh, nyo yinu akwa ompö osiswechi amelö yomot sökechi, perurote kïgh anka tïkwïl nyo ighöy nyinte.

LUKA 23:31

Ompöwölo ato ighchini chane ket nyo nyarïl le nyï, ekïlïku ne ompö ket nyo tïyame köny?”

ISAYA 61:3

akïnyorï ngörekyö nko turönöt pich cho riryegho Sayon.* Otöninan tum pö salat nyo kötönyoru kiwongunöt. Kïkuro chane keti kitenat cho kakatkat ECHOTYON atökïnyorchï nyinte ororyö.

ISAYA 27:11

Silonchot mori ket akïmïrisyö, atolapay kïghamït korï kïlïkwï kwenkakwa. Akwompöwölo melö kisïkwï pich kïgh, kïtagh Ighintengwa Tororöt kusyonchï chane.

EPRANIA 12:25

Arose kegh nyu tömatagh nyinte nyoni ngölonöy. Ompöwölo ato kimöchïwïtyöcha pich cho kitagh kïlïm ngala chichoni kingwïn ngwïnyinï akuyomisï ngala yïm, ekechïwïtyonecha lö ne nyu ato kïghöpönöcha nyinte nyoni rirwecha ompö yïm?

2 SAMWEL 23:7

Tïngeto chi nyo nömöy rentuy, mïchini kepel lömïs.”

TUMWÖY 92:12

Pitöy pipö man le keti sostin akïpöyitu le tarakitpa Lepanon!

TUMWÖY 140:10

Nya kïchïnchini ngeset pö ma chane. Nya kewirchï chane wölo le pïrïm akïtïpï wöloni kokay!

DANIEL 4:14

Kuta ompö kut nyo wow lö, ‘Törö ketï kïrul, aichatchat morichi, aitimtim kïrarak sökechi aitoytoyö akwechi aiyon tyonkïn cho mi ghït nko törit cho mi morichi.