MATAYO 24:5 - PIPÏLIA

⁵ Ompöwölo pkonöy pich ompö kaynenyan cho lentöy, ‘Ochan Kristo,’* akïlïs pich cho chang.

MATAYO 24:5 Referans Kwoze

MATAYO 24:24

Ompöwölo chumu pich cho kuro kegh Kristo ompö putintön nko werkoyi putintön, ighöy chane kiporut cho echön nko töngönchintin tö ato muko, kïlïsöy ompö chini le kïlanpa Tororöt.

MATAYO 24:11

Atolapay kuchumï werkoyi putintön cho möngörï kïlïsöy pich cho chang.

YEREMIA 14:14

Atolapay kuyokwanïn ECHOTYON lö, “Kamwa werkoyichoni putintön ompö kaynenyan. Moyonwanye chane kïpka kïmwa kïgh, amongölonchanye chane nyonikïny. Kïlenyona, pkono ngalechoni mwoghöy werkoy kinonutkökwa opïn akï ngorat nyo le kwïle nyo puryö tösunöt.

1 YOANA 2:18

Monechu, kikïrikwï osiswo söröm! Kikikemwowokwa lö itu Punyonto Kristo, akï nyete le ye kikwitï pung pö Kristo cho chang nyo kikenkïtucha ye lö kikïlekïtitu osiswo söröm.

YEREMIA 23:25

Kyalïman putintön nyo mwoghöy werkoy ompö kaynenyan. Lenchini piköchan, ‘Köngölonwanïn Tororöt ompö kirwotïtogh!’

YOANA 5:43

Kyangwïnan ompö owesyeto Paponyu, wölo tomönye atachanïkwa akwato töp ntökungwïn chitö anka ompö owesyenyi, otochekwa nyinte.

NGONGUT 13:8

Soghöy pich cho mi ngwïny tyonyoni, kïpoto chona kikekirchï kaynötutkökwa kitapu söpon kïngeta towunöto ngwïny, nyoni kï kitapu Wawa Kech nyo kikïpar.

YEREMIA 23:21

Lentöy ECHOTYON, “Melö kyoyokwan werkoychoni, wölo kisïngsungwï chane opïn. Melö kyongölonchan chane, wölo kipka kïngalan ompö kaynenyan.

YEREMIA 37:9

Kïlenyona omwowokwa ante ECHOTYON lö malïs kegh lö, pïstonekwa lïko Papilonia melö petöy nyonikïny.

YOANA 8:24

Nka nyay komwowokwa lö omeghsokwa ompö ngokikwo ato maghanakwanye lö, ‘Ochan nyinte,’ omeghsokwa ompö ngokikwo.”

YOANA 8:28

Kïlenyona, kïlenchï Yeso chane, “Otini kawanyakwa apar Wero Chi, onkïtukwa nyu lö, ‘Ochan nyinte nyo Kochï,’ ankïtukwa nyu lö, moghanye kïgh nyonikïny ante wölo ongölonan ngalechini kinetanïn Paponyu.

1 YOANA 2:22

Ngo nyo le putin? Putin chi anka tïkwïl nyo töghöy lö, Yeso kï melö Kristo. Punyonto Kristo chi nyo lata nyoni, nyinte nyo töghöy Papo nko Weri.

1 YOANA 4:3

Wölo anka tïkwïl nyo töghöy choni ompö Yeso, kïmötïngnye Mïkulögh nyo ngwïno wölo mi Tororöt. Mïkulöwunoni tïng chi nyo lata nyoni kungwïno wölo mi Punyonto Kristo. Kikyalïmakwa lö itu mïkulöwunoni ngwïnyinete, akikwitï nyete le ye.