MATAYO 17:3 - PIPÏLIA

³ Atolapay kïsïwa kinetanchay pö Yeso Musa nko Eliya kïngölonöy nko nyinte.

MATAYO 17:3 Referans Kwoze

LUKA 24:44

Atolapay kïlenchï, “Ngalechan chete chanya kyomwowokwa atanya kitomitan nko akwa. Kyamwaghan lö, itïtoy nyo mötïny, tïkwïn löwïr cho kikikir ompö parakunyan ompö Kikirut pö Musa nko cho pö werkoy nko kitapu Tumwöy.”

MARKO 9:4

Atolapay kuchumchï chane Eliya nko Musa akïngalan nko Yeso

MALAKI 4:5

“Arosa nyu! Oyonunan werkoyon Eliya kïtomö kwitï asispa ECHOTYON, asis nyo pö otyogh nyo wow nyoman.

LUKA 24:27

Atolapay kutor kuporchï chane ngal cho kikïmwa ompö parakunyi ompö Kikirut löwïr, kïngetunö kitapuna Musa ntökwit cho pö werkoy löwïr.

LUKA 16:16

“Kintöghoghwokwa Kirurut pö Musa nko kikirut pö werkoy ntökïtenö osiswo Yoana Kipatisanin. Kïngeta atoni Lökoy cho Karamach cho pö pöyunöto Tororöt, pöyunöt nyo mi chi anka tïkwïl kïporyot kïlït ompö owesyö.

LUKA 9:33

Kïkany otini kipïstoy pïchay Yeso, kïlenchï Petro Yeso, “Echotyon, pïchigh tya kemitenöcha yeteyi, nya ketekacha yete tunkun sömök, lïku nyengu akong, kïpöyit anka Musa, kïpöyit anka Eliya.” (Akimenkïtnye kini kimwoghöy.)

LUKA 1:17

Nyoghöy kïwetöy tawu Echotyon ompö mïkulögh nko owesyo werkoyon Eliya. Linyot papotïn nko monïng. Wöghököy pich cho le tighï kïrïp kinetut pö pipö man akwigh pipö Echotyon kïtïpï kïpsach kïtak nyinte.”

1 PÖYTOGHÏ 17:1

Kimi werkoyonta nyo kikuro Eliya nyo kingwïno chi pö Tispe ompö Kiliad. Kungwïn akïmwochï pöytoghin Aap lö, “Omwowunyi ompö kaynata ECHOTYON Tororöt pö Israel nyo opöghisyechinan lö melö tökïmi röyöntö anta rop ompö könyis cho pkonöy ntökïtenö omwowan lö ropönöy.”

KINONO KIRURUT 34:10

Amelö kitökïrumunö werkoyon koro Israel nyo lata Musa. Kingalan ECHOTYON nko nyinte tokoch ompö tokoch.

KINONO KIRURUT 18:18

Oyonchinan chane werkoyon nyo karkegh nko nyi nyo ngwïno pikökwa kegh, onetan nyinte ngal cho mwoghöy akïmwochini nyinte chane kïgh anka tïkwïl nyo omwochinan.

YOANA 1:17

Kikonï Tororöt kirurut kuwerï Musa, wölo kikonï pöropchö nko man kuwerï Yeso Kristo.*

MATAYO 17:2

Atolapay kuwenga Yeso ompö tawungwa. Kulïwï tokochunyi le asis, kïrelachitu sïrokachi löka.

MATAYO 17:4

Kïlenchï Petro Yeso, “Echotyon, karam nyoman kemicha yi! Ato imökenyi, otekan yete tunkun sömök, nyengu akong kïpöyit anka Musa, kipöyit anka Eliya.”