MATAYO 1:25 - PIPÏLIA

²⁵ Wölo kimörikyïcha kegh ntökïtenö kïyï Marya. Kikurö Yosep kaynenyi Yeso.

MATAYO 1:25 Referans Kwoze

LUKA 2:21

Otini kit osis mut nko sömök, kwit ato kïmutöy montö, kekurö nyinte Yeso, kaynat nyo kitö malaykayan nyinte otini kitomönye kesïch.

LUKA 2:7

Kïyï poretyenyi nyo le weri, kuyenö sïra monïng akumïkonchï atekerya kyak, ompöwölo kimöminye pöroyïn kö pö to nyo kitempuröy chane.

MATAYO 1:21

Yiyöy nyinte monïng nyo le weri, aikurenenyi nyinte Yeso, ompöwölo söruno nyinte pikachi ngokikwa.”

WUWÖT 22:29

“Moropï okonï kitötogh pö paghekwa nko chongïn pö dipay* nko cho pö mwaghpa arol. “Okonanïkwa poretayikwo cho le wor.

WUWÖT 13:2

“Otïlilwanïn poretay löwïr cho pö pipö Israel nko cho pö kyak.”

RUMI 8:29

Ompöwölo pich cho kinya Tororöt kïkïl kïngeta otini le könyisyok kï kilöwön lö lïku chane cho körökegh woptöngwa atökïkarkegh nko Werïnyi, atömanyïl kïlïkwï nyinte poret nyo kwenu monïngo Tororöt cho chang.

MATAYO 1:24

Nyini kingeta Yosep rïwön, kwigh le nyaye kömwochï malaykayanta Echotyon, kwip Marya kïlïkwï korkenyi.

LUKA 1:31

Isïkisïyenyi ayiyönyi worö nyo ikuronyi Yeso.

2 SAMWEL 6:23

Kimösïknye monïng Mikal nyay le chepö Saulö ntökïrapas.

1 PÖYTOGHÏ 1:4

Ki pïchigh kokononi nyoman, kïrip nyinte pöytoghintonay akïpöghisyechï, wölo melö kirï nko cheponi.