MARKO 9:35 - PIPÏLIA

³⁵ Kumpur Yeso ngwïny akïkur pïchay le taman nko odeny akïlenchï, “Chi anka tïkwïl ompö akwa nyo mököy kïlïku nyo pö tagh kwip kegh ngwïny kïtïl pikö walaka akïlïkwï mötworinto pich lapay.”

MARKO 9:35 Referans Kwoze

LUKA 22:26

Wölo mölenye nyoni ompö akwa, ompöwölo chi nyo wow ompö akwa kïmïchini kumïnïngit kegh. Kïkany nyo le kintöghoghin kïmïchini kwigh kegh le mötworin.

MATAYO 23:11

Chi nyo wow ompö akwa, kïmïchini kïlïkwï mötworintekwa.

YAKOPO 4:6

Wölo wow tya pöropchö nyo konu Tororöt, kïle wölay mwoghöy Kikirut lö, “Reyöy Tororöt pich cho le menot, wölo töni pöropchö pich cho tölose.”

LUKA 18:14

Kïlenchï Yeso pïchay, “Omwowokwa lö, kirot kaw kwöghinto surï, chi nyo kikelöstoghchi wölo melö Parisayontonay. Ompöwölo anka tïkwïl nyo syolöy kegh, kerekuno, akwanka tïkwïl nyo rekuno kegh kesyolöy.”

YEREMIA 45:5

Ayo, iyörenyi so kewunyi nyo karam tya kïtïl pikö walaka? Ikïrö kegh ngölyontononi! Ompöwölo onyoran ngwïny kïmïkul. Wölo ropöwontengu kï akonga. Ichïwïtenyi amönyorunyinye ngot ompö wop anka tïkwïl nyo kewenyi.” Mwoghöy ECHOTYON.

NGÖTÏNYÖ 13:10

Ipu menotön poryot kwïle, wölo tïng ngöghomnyö chane cho lïmöy ngal.

MARKO 9:36

Kïcheng monïng akutö kwenungwa, akïsïtyï takat akïlenchï chane,