MARKO 6:6 - PIPÏLIA

⁶ Kïtöngönchï Yeso nyoman ompöwölo kimeghancha. Atolapay kïwesteghö Yeso keston cho kilekïtöch kunetata pich.

MARKO 6:6 Referans Kwoze

MATAYO 9:35

Kiwö Yeso kïrutochï kanastin cho echön nko cho mïnkech cho kimi korononi kïmïkul. Kunetisyö ompö korikwa pö sowut akwamta Lökoy cho Karamach cho pö Pöyunöto Yïm, akusopö pich sömew anka tïkwïl nko kosotyö anka tïkwïl.

MATAYO 8:10

Otini kilïm Yeso lenyoni, kïtöngönchï nyoman akïlenchï pïchoni kirïpöy nyinte, “Omwowokwa nyoman lö, tomönye osöchan chi koro Israel nyo tïng kighanat nyo lata nyï.

LUKA 13:22

Kuwer akunetata pich ompö kanastin cho echön nko cho mïnkech. Otoni kimi Yeso kïwetöy kutöngöy Yerusalem.

IGHISYEWUT 10:38

Onkïtökwa ngala Yeso nyo pö Nasaret, wölini kitöntö Tororöt nyinte Mïkulögh nyo Tïlil nko owesyö. Kiwestö wop lapay, akwighchï pich nyo karam, akusop pich lapay cho kökikïrïnta Onyötö, ompöwölo kimi Tororöt nko nyinte.

ISAYA 59:16

Kïtöngönchï otini kisïwa lö puryö chi nyo kingarak pich cho kikïpïr. Nka nyoni pöghisyegho owesyenyi tökïsörï chane akïrïnta.

YOANA 9:30

Kuyokyï chichay lö, “Töngönchini nyu nyoman ato monkïtökwanye wölini ngwïno chichoni akwanyï köyotwanïn nyinte konyichu!

MATAYO 4:23

Kiwesteghö nyu Yeso koro Kalilaya kïmïkul kunetotoy pich ompö korikwa pö sowut akwomtoy Lökoy cho Karamach cho pö Pöyunöto Tororöt. Kisopö nyinte pich sömewut nko kichïr anka tïkwïl.

YEREMIA 2:11

Ekïmi pipö koros cho kikïwaghach tororötinekwa nko melö kö pö man tagh nya wey? Kïlö ne nyu piköchan tökïpïstanïn nyo ochï ororyengwa akïsagh tororötin cho puryö tösunöt?

LUKA 4:44

Kïlenyona kwamtategha kori sowut löwïr ompö korononi pö Yudea kïmïkul.

LUKA 4:31

Atolapay kïwö Yeso kïröytö Kapernaum, kanasyan nyo mi Kalilaya, wölo kinetisyeghö nyinte asispa Sapato.

MARKO 1:39

Kïlenyona, kiwestegho Yeso Kalilaya kïmïkul, kwomchinotoy ompö korikwa pö sowut akutulöy oy.

MARKO 10:1

Kïngeta Yeso atoni, kïwö kutang okumpö Yudea akwoghyö lalwa Yordan. Kighömïtyï kegh tuyot nyo wow nyinte ngat, kunet chane le wölo kenetïtoy kïnomnyö.