42 Kwam chane lapay ntökïpïghyö.
Kyomisyö pïchay tö kïpïghyö löwïr. Kïkwagh kinetankachi rarakan kïnyïghï köröpon taman nko odeny cho le ngötunön.
Otini kipïghyö chane lapay, kïlenchï kinetankachi, “Aghamïta rarakanka cho köngötï atömepot kïgh.”
Kighakwa opö kegh ngwïny akïpïswekwa kömöy. Atolapay kïpaghenokwa mana cho melö kyonkïtökwa anta papotïnekwa. Atonkïtunö lö melö söpo ptangengmöt makatyan onkït, wölo söpo ngölyon anka tïkwïl nyo ngwïno kuti ECHOTYON.
Atolapay kïcheng Yeso makatinechay le mut nko kaghaghechay le odeny akuros yïm kuyokyï sörö Tororöt. Kïmïnchïran makatinechay akutö kinetankachi kutö pïchay. Kichöghchinotö kaghaghechay le odeny pïchay löwïr.
Kusupotö kinetankachi ngötunön cho kinyïghityö köröpon taman nko odeny cho pö makatine nko kaghaghe.
