MARKO 6:12 - PIPÏLIA

¹² Kïlenyona kïnget kïpa kwamtata lö, mïchini kïngany pich ngokikwa.

MARKO 6:12 Referans Kwoze

MATAYO 4:17

Kïngeta atoni kutor kwamtata lö, Yeso, “Okötenö ngokikwo, ompöwölo kikïlekïtit Pöyunöto Yïm!”

IGHISYEWUT 20:21

Kyorirchan pipö Yaudi nko pipö punton löwïr lö okötenö ngokikwo amïlonchö wölo mi Tororöt, aghan Echotyontenyo Yeso.

IGHISYEWUT 11:18

Kïkany kïlïm chane ngalechoni, kïsisyö akïsal Tororöt lö, “Nkïchï kikutö Tororöt pipö punton pöroyïn nyo kötegho atökïsöpchö!”

IGHISYEWUT 2:38

Kïlenchï Petro chane, “Okötenö ngokikwo, atökepatisana löwïr ompö kaynata Yeso Kristo, atökelöstowok ngokikwo. Asïkökwa konunöto, Mïkulögh nyo Tïlil.

LUKA 13:3

Ewo mölenye nyoni! Wölo omwowokwa nyoman lö, ato mokötekwanye apïstö ngokikwo, omeghsokwa le chane.

LUKA 11:32

Ghyongöy Asispa Kirwok pipö Ninawi akïsöwintön kïnamakwa ngala, ompöwölo kipïstö ngokikwa otini kyomchï Yona chane. Wölo mi yi chi nyo wow kïtïl Yona akïtomönye opïstenökwa ngokikwa.

MATAYO 3:8

Agha nyu tïkwïn cho poru lö kyokötekwa ngokikwo

MATAYO 3:2

“Okötenö ngokikwo, ompöwölo kirikï Pöyunöto Yïm!”

ESEKEL 18:30

“Kïlenyona, orwokyinokwa nyu we pipö Israel, orwokyinan chi anka tïkwïl kïrïp kegh nko ortïnechi. Nyo okötenö apïstö ngokikwo tömowonyö. Mwoghöy Echotyon TORORÖT.

IGHISYEWUT 26:20

Kyamtan nyo pö tagh ompö Damaska, atolapay amteghan kanasyanta Yerusalem, amteghan koro Yudea kïmïkul nko koros lapay cho pö punton, kyomchan chane lö mïchini kïkötö chane ngalekwa akïmïlisyö kutang wölo mi Tororöt, akwigh nyu pöghisyewut cho poru lö kikïkötö chane.

IGHISYEWUT 3:19

Okötenö nyu, awöghökisyö, atömanyïl kemwötwokwa ngokikwo, atökïpka nyu osiswö cho pö ngörekyö cho pkono tawu Echotyon.

LUKA 24:47

Akï mïchini kyamta ompö kaynenyi lökoyo kötogh nko mötoghöto ngokï kitorö amtaghate Yerusalem ntökïghömï punton löwïr.

LUKA 15:10

Kïlenyoni tïkwïl, ngörökyini malaykeni Tororöt mwokïyon akonga nyo kökötö ngokichi.”

LUKA 15:7

Kïlenyoni tïkwïl, wow tya ngörekyö ompö yïm ompö mwokïyon akonga nyo kötoy ngokichi, kïtïl pich 99 cho lenchini kegh kïchï karamach amöchömöy kïkötoy ngokikwa.

LUKA 13:5

Ewo, mölenye nyoni! Wölo omwowokwa lö, ato mokötekwanye apïstö ngokikwo, omeghsokwa le chane.”

MARKO 1:15

kïlentöy, “Kikwitïta osiswö, kirikwï Pöyunöto Tororöt, okötenö ngokikwo, aghan Lökoy cho Karamach.”

MATAYO 11:20

Atolapay kutor Yeso kugheghchï, kanastinechini kigha nyinte töngönchintin cho chang, ompöwölo kitagh chane kïrötö ngokikwa.

MATAYO 9:13

Ape aneta kegh lö mwoghöy ne Kikirutchay lentöy, ‘Opïrchinan kisyonchin, amelö amörostin.’ Ompöwölo kimangwïnanye okur pich cho karamach kïpoto mwokïyis.”

LUKA 9:6

Kïpa kinetankachi kïlïtöy kanastin löwïr akwomtoy Lökoy cho Karamach akusop pich ompö wop anka tïkwïl.

MARKO 1:3

mi chi nyo tegho surkwen lö, ‘Agha ara Echotyon, oghïtenö ortïnechi.’ ”

MATAYO 11:1

Kïkany kuwany Yeso kïmwochï kinetankachi ngalechoni, kïngeta atoni akiwö kunetata akwomchinotö pich ompö kanastine walaka cho kilekïtö atoni.