MARKO 5:29 - PIPÏLIA

²⁹ Panini lawel kïsï kighumötonay kïlïmchï kegh ompö portanyi lö kösöpö nyarïltanyi.

MARKO 5:29 Referans Kwoze

MARKO 5:34

Kïlenchï Yeso nyinte, “Cheptanyu, kesopinyi kighanatengu. Rota nyo karam kisöpenyi kichïrtangu.”

MARKO 3:10

ompöwölo kisop nyinte pich cho chang nyoman. Kïlenyona kutungï kegh pich cho kichiryote cho kimököy kïswany nyinte.

TUMWÖY 103:3

Löstoghwanïn ngokichu löwïr akusopöy sömewutköchan löwïr.

TUMWÖY 30:2

Kyarirunyi, we ECHOTYON Tororötïnyu, isopaninyi.

TUMWÖY 147:3

Sopöy pich cho kimeghö mutïnö akïrat moyokökwa.

TUMWÖY 107:20

Kusopö chane ngölyontenyi akïsörunö chane kiwonyogh.

WUWÖT 15:26

Akïlö, “Ato aterakwa nyoman kuti ECHOTYON Tororötïnkwa, aghakwa man ompö tawunyi aripökwa kirurutkachi löwïr, kïmömicha sömewut cho nömokwa cho lata cho kyotönön pipö Misri, ompöwölo ochan ECHOTYON, kisopintenkwa.”

1 PÖYTOGHÏ 8:37

“Ato itï kömöy kore anta sömew nyo gha anta nyar yomöt nyo layate pagh anta talam anta pokyï pung piköku anta itï sömewö anta kichïr ompö kwenungwa,

LAWIN 20:18

Ato rï chi nko korka nyo töpo yona, kepesyot chane kwodeny nko pikökwa ompöwölo melö karïp kirurut pö tïlilïn.

LUKA 7:21

Kïnyini kusop Yeso pich cho chang ompö sömewutkökwa, otini kingölonöy nko chane, akutul kïpegha pich ogh cho ghach, akwigh chepkörotonoy cho chang kurosïta.

MATAYO 9:20

Kimi korka nyo kikuyit könyis taman nko odeny, kungwïn akïrïp Yeso löt akïswany sörömuto sïrenyi.

MARKO 5:28

ompöwölo kinan lö, “Ato aswangan ompö chini le sïrokachi, osöpan.”

LAWIN 14:48

“Wölo ato ngwïn tïsin kuros kot ato möghömïnye rirïm kot, otini kikemal, kïmwatïta nyu tïsin lö melö sïmnyon ompöwölo kingeta rirïm.