MARKO 16:20 - PIPÏLIA

²⁰ Kïpa wop lapay akwamtata kimi Echotyon kïpöghisïyi nko chane akuchichim ngölyotononi, pö amtaghtangwa kutö machey nyo kinomnyoto tïkwïl.]

MARKO 16:20 Referans Kwoze

IGHISYEWUT 14:3

Kumpur kiyoktoghï wölini osis cho chang, akingölonöy ompö nyakanan paraku Echotyon, kïsöwintönchï ngölyonteto pöropchenyi, akutö chane owesyö nyo igho kiporunöt nko töngönchin.

EPRANIA 2:4

Kïsöwintönchï Tororöt tïkwïl kighanatengwa kwigh kiporunöt anka tïkwïl nko töngönchin ompö tïkwïn cho chang akïchöghchï chane konut cho pö Mïkulögh nyo Tïlil kïrïp kegh nko chamatenyi.

RUMI 15:19

nko ompö owesyo kiporut nko töngönchintin nko ompö owesyo Mïkulögh nyo Tïlil. Kïlenyona ompö westoghtanyan kïngeta Yerusalem ntökwit Iluriko. Kyamtan Lökoyechoni Karamach pö Kristo.

IGHISYEWUT 5:12

Kwigh kiyoktoghï kiporunöt nko töngönchin ompö kwenu pich. Kinyoryeghö kighönïchoni körköru Solomon ompö machat akonga.

IGHISYEWUT 4:30

Ghïtenö ewungu kïsöpchö pich, aikany kwighisyö kiporut nko töngönchin ompö kaynata Yeso Mötworintengu nyo Tïlil.”

2 KORINTO 6:1

Kïle nyu otini kïchicha pich cho kïpöghisïyi nko Tororöt, kïsoghokwa nyoman lö makany kupot kwïle pöropcho Tororöt.

MARKO 16:19

Otini kiwany kïngölonöy Echotyon Yeso nko chane, kep nyinte kutang yïm akïtöpö okumpö tagh nyo pö Tororöt.

LUKA 1:1

Takwes apoy Teopilo: Inkïtönyi lö chang pich cho kikumukyï kukir ngalechay kighisyeghö kwenunyo.

LUKA 1:2

Kikir chane ngalechoni le otini kimwowecha pich cho kisïwa tïkuchoni kïngeta otini kighisyö akwamtata ngalechoni.

EPRANIA 2:3

Ekechïwïtyonecha nyu lö ne, ato mökïyangachanye sörunöt nyo wow nyo tenö nyï? Kinya Echotyon nyinte tagh kimwowï sörunötononi, kukïniniewecha pich cho kilïm ngalechoni lö, pö man.