37 Kuta Yeso tya atolapay kïma.
Kïkany kïgha Yeso dipayichoni kumuchö kïlö, “Kewonyö!” Atolapay kungïruk mötïnyi akutötö mïkulöwunyi.
Atolapay kuta Yeso ompö lö, “Papo! Kotönön mïkulöwunyu moriku!” Otini kimwa ngalechoni kïngat.
Kutegh ngat Yeso tya, atolapay kïngat akïma.
Kurïp chi akong ompö pïchay kïwö kïcheng kïgh nyo chimöy tïkwïn cho lenye pögh, akulut dipay cho ngwonöch akïsakana soghywon, atolapay kwonkoghchï Yeso lö kïgha akïlö, “Kekanya tö kesïwena lö, ekungwïnöy Eliya kïngwïso nyinte kimurtöwon!”
Kisagh Yeso Tororöt nyo kimuköy kïsöruno nyinte meghat akïrirchï atanya kimi ngwïnyinï. Kïterchï Tororöt nyinte ompöwölo kipöghisyechini nyinte Tororöt.
