MARKO 15:24 - PIPÏLIA

²⁴ Kïwudochï kimurtöwon akupar sïrokachi, kilasta chane kwegh kïtomö kupar sïrochoni atökïcheng chi nyo köchïnchï nyinte.

MARKO 15:24 Referans Kwoze

LUKA 23:34

Kïlö Yeso, “Löstoghchinö chane, Paponyu, ompöwölo menkïtcha kini ighöy.” Kuporchï kegh sïrokachi, kïpöghisyeghö kura.

1 PETRO 2:24

Nyinte Kristo nyo kikasana portanyi ngokicha ompö kimurtöwon atökemuka kekarakegh nko pich cho kimeghö ompö ara ngokï akesöpchö ompö ara man. Kikisopokwa ompö perutöyichi.

KALATIA 3:13

Wölo kityakenecha Kristo chïpo kirurut otini kikasan nyinte chïpononi ompö acha. Ompöwölo mwoghöy Kikirut lö, “Chïpote chi anka tïkwïl nyo kiwuso ket.”

2 KORINTO 5:21

Melö kitïng Kristo ngokï, wölo kigh Tororöt nyinte kupar ngokicha atömanyïn kelïkwï pich cho tenote ompö Tororöt otini kakïtuyö nko nyinte.

IGHISYEWUT 5:30

Kigh Tororöt pö papotïnecho Yeso kututï ompö ngwen, nyinte nyo kyowïdochikwa kimurtöwon apar.

KINONO KIRURUT 21:23

mopïsyï kïrï ketoni ntökïyech, ompöwölo mi chïpöto Tororöt paraku chi nyo kiwuso, kïlenyona otïp nyinte asisoni atömosïmnyon kor nyo konokwa ECHOTYON Tororötïnkwa.

IGHISYEWUT 2:23

Kinya Tororöt nyinte tagh kitat ompö machatenyi nko ompö kinkïtötenyi lö, kyonkoghchinokwa Yeso, atolapay otïghökwa otini kyochömchikwa mwokïyis owudochï nyinte kimurtöwon.